INTROIT:
Sa Piging na Handog
(Aldrin Carlos)
Koro:
Ating dakilain at sambahin
Ang Panginoong butihin
ialay mga awitin
sa piging na handog n'ya sa'tin
Berso 1:
Tayo'y mag bigay galang
sa D'yos na sa'ti'y may lalang
Tana'y inako niya't hinirang
kawang iniingatan
Koro:
Ating dakilain at sambahin
Ang Panginoong butihin
ialay mga awitin
sa piging na handog n'ya sa'tin
Berso 2:
Ang salita n'ya'y bumubuhay
sa puso ng kan'yang bayan
Ating dinggin at laging awitin
himig ng pag-ibig n'ya sa'tin
Koro:
Ating dakilain at sambahin
Ang Panginoong butihin
ialay mga awitin
sa piging na handog n'ya sa'tin
Koda:
ialay mga awitin
sa piging na handog n'ya sa'tin
Papuri sa Diyos sa kaitaasan
At sa lupa'y kapayapaan
Sa mga taong kinalulugdan niya.
Pinupuri ka namin,
Dinarangal ka namin,
Sinasamba ka namin,
Ipinagbubunyi ka namin,
Pinasasalamatan ka namin
Dahil sa dakila mong angking kapurihan,
Panginoong Diyos, Hari ng Langit,
Diyos Amang makapangyarihan sa lahat.
Panginoong Hesukristo,
Bugtong na Anak,
Panginoong Diyos, Kordero ng Diyos,
Anak ng Ama
TB: Ikaw na nag-aalis ng mga kasalanan
Ng Sanlibutan,
SA: maawa ka sa amin.
SA: Ikaw na nag-aalis ng mga kasalanan
Ng sanlibutan,
TB: tanggapin Mo ang aming kahilingan.
Ikaw na naluluklok sa kanan ng Ama,
Maawa ka sa amin.
Sapagkat ikaw lamang ang banal,
Ikaw lamang ang Panginoon,
Ikaw lamang, O Hesukristo
Ang kataas-taasan
Kasama ng Espiritu Santo
Sa kadakilaan ng Diyos Ama.
Amen.
UNANG PAGBASA:
Genesis
(Genesis 18, 1-10a)
Genesis
(Genesis 18, 1-10a)
Pagbasa mula sa aklat ng Genesis
Noong mga araw na iyon, napakita ang Panginoon kay Abraham sa Mamre sa may sagradong mga punongkahoy. Noo’y kainitan ng araw at nakaupo siya sa pintuan ng kanyang tolda. Walang anu-ano’y may nakita siyang tatlong lalaking nakatayo. Patakbo siyang sumalubong, yumukod nang halos sayad sa lupa ang mukha, at sinabi: “Mga ginoo, kung inyong mamarapatin, magtuloy po kayo sa amin. Dito muna kayo sa lilim ng punong ito, at ikukuha ko kayo ng tubig na panghugas sa inyong mga paa. Magpapahanda tuloy ako ng pagkain para manauli ang lakas ninyo bago kayo magpatuloy sa inyong paglalakbay. Ikinagagalak ko kayong paglingkuran habang naririto kayo sa amin.”
Sila’y tumugon, “Salamat, ikaw ang masusunod.” Si Abraham ay nagdudumaling pumasok sa tolda at sinabi kay Sara, “Madali ka, kumuha ka ng tatlumpung librang harina, at gumawa ka ng tinapay.” Pumili naman siya ng isang matabang guya sa kulungan, at ipinaluto sa isang alipin. Kumuha rin siya ng keso at sariwang gatas at inihain sa mga panauhin kasama ang nilutong karne. Hindi siya lumalayo sa tabi ng mga panauhin habang sila’y kumakain.
Samantalang sila’y kumakain, tinanong nila si Abraham: “Nasaan ang asawa mong si Sara?”
“Nandoon po sa tolda,” tugon naman nito.
Sinabi ng panauhin, “Babalik ako sa isang taon, sa ganito ring panahon, at pagbabalik ko’y may anak na siya.”
Ang Salita ng Diyos.
SALMONG TUGUNAN:
(Salmo 14, 2-3ab. 3kd-4ab. 5)
(Salmo 14, 2-3ab. 3kd-4ab. 5)
Sino kayang tatanggapin
sa templo ng Poon natin?
Yaong mga masunurin na sa iyo’y nakikinig,
at ang laging ginagawa’y naaayon sa matuwid,
kung mangusap ay totoo, sa lahat at bawat saglit,
yaong gawang paninira’y hindi niya naiisip.
Sino kayang tatanggapin
sa templo ng Poon natin?
Kailanman, siya’y tapat makisama sa kapwa,
sa kanyang kaibiga’y wala siyang maling gawa;
hindi siya nagkakalat ng di tunay na balita.
At itinatampok niya ang matapat sa lumikha.
Sino kayang tatanggapin
sa templo ng Poon natin?
Hindi siya humihingi ng patubo sa pautang,
at kahit na anong gawi’y hindi siya masuhulan,
upang yaong walang sala’y patawan ng kasalanan.
Ang ganitong mga tao’y mag-aani ng tagumpay.
Sino kayang tatanggapin
sa templo ng Poon natin?
IKALAWANG PAGBASA:
Colosas
(Colosas 1, 24-28)
Colosas
(Colosas 1, 24-28)
Pagbasa mula sa sulat ni Apostol San Pablo sa mga taga-Colosas
Mga kapatid:
Nagagalak ako sa aking pagbabata ngayon alang-alang sa inyo sapagkat sa pamamagitan nito’y naipagpapatuloy ko ang paghihirap na kailangan pang gawin ni Kristo para sa simbahan na kanyang katawan. Ako’y naging lingkod nito nang hirangin ako ng Diyos upang ipahayag sa inyo ang kanyang salita. Hinirang niya ako upang lubusang ihayag sa inyo ang hiwaga na mahabang panahong nalihim sa maraming sali’t saling lahi, ngunit ngayo’y inihayag sa kanyang mga anak. Inibig ng Diyos na ihayag sa lahat ng tao ang dakila at kamangha-manghang hiwagang ito. Ito ang hiwaga: sumainyo si Kristo at dahil dito’y nagkaroon kayo ng pag-asang makapiling ng Diyos doon sa kaluwalhatian. Iyan ang dahilan kung bakit namin ipinangangaral si Kristo. Pinaaalalahanan namin ang lahat, at buong linaw na tinuturuan ayon sa aming makakaya upang maiharap namin sa Diyos ang bawat isa, sakdal at walang kapintasan dahil sa pakikipag-isa kay Kristo.
Ang Salita ng Diyos.
Ang Salitang mula sa D’yos
kapag isinasaloob
ay mamumunga nang lubos.
MABUTING BALITA:
Lukas
(Lucas 10, 38-42)
Lukas
(Lucas 10, 38-42)
Ang Mabuting Balita ng Panginoon ayon kay San Lucas
Noong panahong iyon, pumasok si Hesus sa isang nayon. Malugod siyang tinanggap ng isang babaing nagngangalang Marta sa tahanan nito. Ang babaing ito’y may isang kapatid na Maria ang pangalan. Naupo ito sa paanan ng Panginoon at nakinig sa kanyang itinuturo. Alalang-alala si Marta sapagkat kulang ang kanyang katawan sa paghahanda, kaya’t lumapit siya kay Hesus at ang wika, “Panginoon, sabihin nga po ninyo sa kapatid kong tulungan naman ako.” Ngunit sinagot siya ng Panginoon, “Marta, Marta, naliligalig ka at abalang-abala sa maraming bagay, ngunit isa lamang ang talagang kailangan. Pinili ni Maria ang lalong mabuti, at ito’y hindi aalisin sa kanya.”
Ang Mabuting Balita ng Panginoon.
Koro:
Aming alay sa ‘Yo, Panginoon
Ang tinapay at alak na Iyong kaloob
Upang gunitain ang ‘Yong buhay na inialay
Nang tayo'y magdiwang bilang isang sambayanan
Berso 1:
Ang tinapay, ito ang Iyong laman,
At ang alak, ito ang Iyong dugo
Laman Mo'y inahain upang lahat ay buhayin
Dugo Mo ang dumanak nang lahat ay mapatawad
Koro:
Aming alay sa ‘Yo, Panginoon
Ang tinapay at alak na Iyong kaloob
Upang gunitain ang ‘Yong buhay na inialay
Nang tayo'y magdiwang bilang isang sambayanan
Santo, Santo, Santo
Panginoong Diyos ng mga hukbo
napupuno ang langit at lupa
ng kadakilaan mo
Osana sa kaitaasan!
Pinagpala ang naparirito
sa Ngalan ng Panginoon
Osana sa kaitaasan!
Aming ipinahahayag
na namatay ang 'yong Anak
nabuhay bilang Mesiyas
at magbabalik sa wakas
para mahayag sa lahat!
Amen, amen, amen
Amen, amen, amen
PATER NOSTER:
Ama Namin
(Allan Antonio)
Ama Namin
(Allan Antonio)
Ama namin, sumasalangit ka
Sambahin ang Ngalan mo
Mapasaamin ang kaharian mo
Sundin ang loob mo
Dito sa lupa para nang langit
Bigyan mo kami ngayon ng amin
kakanin sa araw-araw
at patawarin mo kami
sa aming mga sala
Para nang pagpapatawad namin
sa nagkakasala sa amin
at huwag mo kaming ipahintulot sa tukso
at iadya mo kami sa lahat ng masama
Sapagkat Iyo ang kaharian,
at ang kapangyarihan,
at ang kapurihan,
magpakailanman, amen.
AGNUS DEI:
Kordero ng Diyos
(Allan Antonio)
Kordero ng Diyos
(Allan Antonio)
Kordero ng Diyos na nag-aalis
ng mga kasalanan ng sanlibutan,
maawa ka sa amin.
Kordero ng Diyos na nag-aalis
ng mga kasalanan ng sanlibutan,
maawa ka sa amin.
Kordero ng Diyos na nag-aalis
ng mga kasalanan ng sanlibutan,
ipagkaloob mo sa amin ang kapayapaan.
COMMUNIO 1:
Tinapay ng Buhay
(Manoling Francisco; TNB)
Tinapay ng Buhay
(Manoling Francisco; TNB)
Koro:
Ikaw, Hesus, ang tinapay ng buhay
Binasbasan, hinati't inialay
Buhay na ganap ang sa ami'y kaloob
At pagsasalong walang-hanggan
Berso 1:
Basbasan ang buhay naming handog
Nawa'y matulad sa pag-aalay Mo
Buhay na laan nang lubos
Sa mundong sa pag-ibig ay kapos
Koro:
Ikaw, Hesus, ang tinapay ng buhay
Binasbasan, hinati't inialay
Buhay na ganap ang sa ami'y kaloob
At pagsasalong walang-hanggan
Berso 2:
Marapatin sa kapwa maging tinapay
Kagalakan sa nalulumbay
Katarungan sa naaapi
At kanlungan ng bayan Mong sawi
(trans.) Koro:
Ikaw, Hesus, ang tinapay ng buhay
Binasbasan, hinati't inialay
Buhay na ganap ang sa ami'y kaloob
At pagsasalong walang-hanggan
...
Koda:
At pagsasalong walang-hanggan
COMMUNIO 2:
Kung Saan May Pagmamahal
(Angelo Caparros)
Kung Saan May Pagmamahal
(Angelo Caparros)
Koro:
Kung saan may pagmamahal,
naroon ang Diyos
Kung saan may pagkalinga,
naroon ang Diyos
Kung may dal'wa o tatlong sa ngalan niya'y nagtitipon
Ani Hesus, "Ako ay naroon"
Berso 1/Cantos:
"Ako ang pagkaing buhay na galing sa kalangitan,"
Ang sabi ng Poong mahal,
"Ito'y inyong pagsaluhan nang kayo'y muling mabuhay"
Koro:
Kung saan may pagmamahal,
naroon ang Diyos
Kung saan may pagkalinga,
naroon ang Diyos
Kung may dal'wa o tatlong sa ngalan niya'y nagtitipon
Ani Hesus, "Ako ay naroon"
Berso 2/Cantor:
Inuming inihahai'y
Dugo ni Kristong butihin
Hinati-hating pagkai'y
Katawang alay sa piging
Ni Hesus para sa atin
Koro:
Kung saan may pagmamahal,
naroon ang Diyos
Kung saan may pagkalinga,
naroon ang Diyos
Kung may dal'wa o tatlong sa ngalan niya'y nagtitipon
Ani Hesus, "Ako ay naroon"
Koro 2:
Kung saan may pagpapatawad,
naroon ang Diyos
Kung saan may paglingkod,
naroon ang Diyos
Ngayong banal na salu-salo
sa Salita at Sacramento,
Ang Panginoon ay naririto
Koda:
Ang Panginoon ay naririto
RECESSIO:
Give Thanks
(Prof. Lester Delgado)
Give Thanks
(Prof. Lester Delgado)
Give thanks to the Lord and exhult His name
Give thanks to the Lord let us sing songs of praise
Shout with one voice and proclaim His words
Give thanks to the Lord all our days
Sing Alleluia, sing your song
Rejoice and be glad let us dance with joy
For Christ is our Lord, our Savior and King
Give thanks to the Lord, for He is Our God
Give thanks to the Lord all our days
... ... ...
Give thanks!
==WAKAS==
