INTROIT:
ATING DINGGIN
by Fr. Nez Marcelo from Misa Collection Volume 3
Sama-sama nating dinggin
Panawagan ng Santong Piging
Pagsaluhan na ang inialay Niya
Sa tahanan ng ating Diyos Ama
Berso 1:
Awitan ang Panginoon
Mga papuring panghabang-panahon
Itaas na ang lahat sa Kanya
Luwalhati at pagsamba
Koro:
Sama-sama nating dinggin
Panawagan ng Santong Piging
Pagsaluhan na ang inialay Niya
Sa tahanan ng ating Diyos Ama
Berso 2:
Sa bawat araw alalahanin
Ang Kanyang pagliligtas sa atin
Hinirang Niyang bayan, Siya'y ipagdiwang
Ngayon at magpakailanman
Koro:
Sama-sama nating dinggin
Panawagan ng Santong Piging
Pagsaluhan na ang inialay Niya
Sa tahanan ng ating Diyos Ama
Berso 3:
Magtipon ang san-nilikha
Mula sa kalangitan at sa lupa
Atin nang ialay sa Diyos ng tanan
Pasasalamat ng sanlibutan
Koro:
Sama-sama nating dinggin
Panawagan ng Santong Piging
Pagsaluhan na ang inialay Niya
Sa tahanan ng ating Diyos Ama
Koda:
Pagsaluhan na ang inialay Niya
Sa tahanan ng ating Diyos Ama
GLORIA:
PAPURI SA DIYOS (SOLEMNE)
by Jeffrey M. Miguel from Misa Solemne: Seasons, Vol. 2
Papuri sa Diyos sa kaitaasan!
At sa lupa'y kapayapaan
Sa mga taong kinalulugdan Niya.
Pinupuri ka namin,
dinarangal ka namin
Sinasamba ka namin,
ipinagbubunyi ka namin.
Pinasasalamatan ka namin
Dahil sa dakila Mong angking kapurihan.
Panginoong Diyos, Hari ng Langit
Diyos Amang makapangyarihan sa lahat
Panginoong Hesukristo,
Bugtong na Anak
Panginoong Diyos, Kordero ng Diyos,
Anak ng Ama.
Ikaw na nag-aalis
ng mga kasalanan ng sanlibutan,
maawa ka sa amin.
Ikaw na nag-aalis
ng mga kasalanan ng sanlibutan.
Tanggapin mo ang aming kahilingan
Ikaw na naluluklok sa kanan ng Ama,
maawa ka sa amin.
Sapagkat Ikaw lamang ang banal
Ikaw lamang ang Panginoon
Ikaw lamang, O Hesukristo
ang kataas-taasan
Kasama ng Espiritu Santo
sa kadakilaan ng Diyos Ama,
amen, amen!
UNANG PAGBASA:
Amos 6, 1a. 4-7
Pagbasa mula sa aklat ni propeta Amos
Ito ang sinasabi ng Panginoong makapangyarihan: “Kahabag-habag kayong namumuhay na maginhawa sa Sion! Kahabag-habag kayo na nahihiga sa magagarang kama at nagpapahinga sa malalapad na himlayan, habang nagpapakabusog sa masasarap na pagkain. Lumilikha pa kayo ng mga awit sa saliw ng mga alpa, tulad ni David. Sa malalaking mangkok na kayo umiinom ng alak at mamahaling pabango ang ipinapahid ninyo sa katawan. Ngunit itinangis na ba ninyo ang darating na pagkawasak ng Israel? Hindi. Kaya nga, kayo ang unang ipatatapon. Matitigil na ang inyong mga pagpipiging at pagsasaya.”
Ang Salita ng Diyos.
SALMONG TUGUNAN:
Salmo 145, 7. 8-9a. 9bk-10
Kalul’wa ko, ‘yong purihin
ang Panginoong butihin.
Ang maaasahang lagi’y Panginoon,
panig sa naaapi, ang Diyos na hukom,
may pagkaing handa, sa nangagugutom.
Kalul’wa ko, ‘yong purihin
ang Panginoong butihin.
Pinalaya niya ang mga nabihag;
isinasauli, paningin ng bulag;
lahat ng inapi ay itinataas,
ang mga hinirang niya’y nililingap.
Kalul’wa ko, ‘yong purihin
ang Panginoong butihin.
Isinasanggalang ang mga dayuhang
sa lupain nila’y doon tumatahan;
tumutulong siya sa balo’t ulila,
masamang balangkas pinipigil niya.
Kalul’wa ko, ‘yong purihin
ang Panginoong butihin.
Walang hanggang Hari,
ang Diyos na Poon!
Nabubuhay lagi ang Diyos mo, Sion!
Kalul’wa ko, ‘yong purihin
ang Panginoong butihin.
IKALAWANG PAGBASA:
1 Timoteo 6, 11-16
Pagbasa mula sa unang sulat ni Apostol San Pablo kay Timoteo
Ikaw na lingkod ng Diyos, sikapin mong mamuhay sa katuwiran, kabanalan, pananalig, pag-ibig, pagtitiis at kaamuan. Gawin mo ang buo mong makakaya sa pakikibaka alang-alang sa pananampalataya at kakamtan mo ang buhay na walang hanggan, yamang diyan ka tinawag ng Diyos nang ipahayag mo sa harapan ng maraming saksi ang iyong pananampalataya. Sa ngalan ng Diyos na nagbibigay-buhay sa lahat ng bagay, at sa ngalan ni Kristo Hesus na nagpatotoo sa harapan ni Poncio Pilato, iniuutos ko sa iyo: ang mga tagubiling ito’y panatilihin mong mabisa at walang kapintasan hanggang sa pagdating ng Panginoong Hesukristo. Sa takdang panahon, siya’y ihahayag ng mapagpalang Diyos, ang makapangyarihang Hari ng mga hari at Panginoon ng mga panginoon. Siya lamang ang walang kamatayan, ang nananahan sa liwanag na di matitigan. Hindi siya nakita o makikita ninuman. Sa kanya ang karangalan at ang walang hanggang kapangyarihan. Amen.
Ang Salita ng Diyos.
ALELUYA:
2 Corinto 8, 9; Chant Mass
Aleluya! Aleluya!
Si Kristo ay naging dukha
upang tayo’y managana
sa bigay n’yang pagpapala.
Aleluya! Aleluya!
MABUTING BALITA:
Lucas 16, 19-31
Ang Mabuting Balita ng Panginoon ayon kay San Lucas
Noong panahong iyon, sinabi ni Hesus sa mga Pariseo: “May isang mayamang nagdaramit nang mamahalin at saganang-sagana sa pagkain araw-araw. At may isa namang pulubing nagngangalang Lazaro, tadtad ng sugat, na nakalupasay sa may pintuan ng mayaman upang mamulot kahit mumong nahuhulog mula sa hapag ng mayaman. At doo’y nilalapitan siya ng aso at dinidilaan ang kanyang mga sugat. Namatay ang pulubi, at dinala ng mga anghel sa piling ni Abraham. Namatay rin ang mayaman, at inilibing. Sa gitna ng kanyang pagdurusa sa Hades, tumingala ang mayaman at kanyang natanaw sa malayo si Abraham, kapiling ni Lazaro. At sumigaw siya, ‘Amang Abraham, mahabag po kayo sa akin. Utusan ninyo si Lazaro na isawsaw sa tubig ang dulo ng kanyang daliri at palamigin ang aking dila, sapagkat naghihirap ako sa apoy na ito.’ Ngunit sinabi sa kanya ni Abraham, ‘Anak, alalahanin mong nagpasasa ka sa buhay sa ibabaw ng lupa, at si Lazaro’y nagtiis ng kahirapan. Ngunit ngayo’y inaaliw siya rito, samantalang ikaw nama’y nagdurusa. Higit sa lahat, inilagay sa pagitan natin ang isang malaking bangin upang ang mga narinig ay hindi makapariyan at ang mga nariyan ay hindi makaparini.’ At sinabi ng mayaman, ‘Kung gayun po, Amang Abraham, ipinamamanhik ko sa inyong papuntahin si Lazaro sa bahay ng aking ama, sapagkat ako’y may limang kapatid na lalaki. Paparoonin nga ninyo siya upang balaan sila at nang hindi sila humantong sa dakong ito ng pagdurusa.’ Ngunit sinabi sa kanya ni Abraham, ‘Nasa kanila ang mga sinulat ni Moises at ng mga propeta; pakinggan nila ang mga iyon.’ ‘Hindi po sapat ang mga iyon,’ tugon niya, ‘ngunit kung pumunta sa kanila ang isang patay na muling nabuhay, tatalikdan nila ang kanilang mga kasalanan.’ Sinabi sa kanya ni Abraham, ‘Kung ayaw nilang pakinggan ang mga sinulat ni Moises at ng mga propeta, hindi rin nila paniniwalaan kahit ang isang patay na muling nabuhay.’”
Ang Mabuting Balita ng Panginoon.
OFFERTORIUM:
ALAY
by Fr. Nez Marcelo from Misa Collection Volume 3
Berso 1:
Narito, Panginoon
mga alay naming taglay
Nawa ito'y karapat-dapat
sa kabanalanan mo
Berso 2:
Tanggapin mo, Panginoon
mga gawa ng aming kamay
Ang bunga ng pag-ibig mo
Dugo at katawan
Koro:
Kapuri-puri ka, O Diyos
na lumikha sa'ming lubos
Mula sa kabutihan mo
ang alak at tinapay
ngayo'y aming alay
Dahil sa pag-ibig mo
kami ngayon ay narito
Buklod-buklod nawa kaming
maglingkod sa Iyo
...
Berso 1:
Narito, Panginoon
mga alay naming taglay
Nawa ito'y karapat-dapat
sa kabanalanan mo
Berso 2:
Tanggapin mo, Panginoon
mga gawa ng aming kamay
Ang bunga ng pag-ibig mo
Dugo at katawan
Koro:
Kapuri-puri ka, O Diyos
na lumikha sa'ming lubos
Mula sa kabutihan mo
ang alak at tinapay
ngayo'y aming alay
Koda:
ang alak at tinapay
ngayo'y aming alay
SANCTUS:
SANTO (MISA ANTONIO)
by Allan Antonio from Misa Antonio
Santo, Santo, Santo
Panginoong Diyos ng mga hukbo
napupuno ang langit at lupa ng kadakilaan mo
Osana sa kaitaasan!
Pinagpala ang naparirito
sa Ngalan ng Panginoon
Osana sa kaitaasan!
MYSTERIUM FIDEI:
AMING IPINAHAHAYAG (MISA ANTONIO)
by Allan Antonio from Misa Antonio
Aming ipinahahayag
na namatay ang 'yong Anak
nabuhay bilang Mesiyas
at magbabalik sa wakas
para mahayag sa lahat!
GRAN AMEN:
GREAT AMEN (SONGS FOR ORDINARY)
by Arnel dC Aquino, S.J.
Amen, amen, amen
Amen, amen, amen
PATER NOSTER:
AMA NAMIN/SAPAGKAT (MISA ANTONIO)
by Allan Antonio from Misa Antonio
Ama namin, sumasalangit ka
Sambahin ang Ngalan mo
Mapasaamin ang kaharian mo
Sundin ang loob mo
Dito sa lupa para nang sa langit
Bigyan mo kami ngayon ng aming
kakanin sa araw-araw
at patawarin mo kami
sa aming mga sala
Para nang pagpapatawad namin
sa nagkakasala sa amin
at huwag mo kaming ipahintulot sa tukso
at iadya mo kami sa lahat ng masama
Sapagkat Iyo ang kaharian,
at ang kapangyarihan,
at ang kapurihan,
magpakailanman, amen.
AGNUS DEI:
KORDERO NG DIYOS (MISA ANTONIO)
by Allan Antonio from Misa Antonio
Kordero ng Diyos na nag-aalis
ng mga kasalanan ng sanlibutan,
maawa ka sa amin.
Kordero ng Diyos na nag-aalis
ng mga kasalanan ng sanlibutan,
maawa ka sa amin.
Kordero ng Diyos na nag-aalis
ng mga kasalanan ng sanlibutan,
ipagkaloob mo sa amin ang kapayapaan.
COMMUNIO opt. 1:
ANG ALAY KO
by Fr. Gboi Samonte from Umasa Ka Sa Diyos
Berso 1:
Tanggapin Mo, Panginoon,
itong aking alay sa'Yo
Ibibigay, iaalay
lahat ng yaman at buhay.
Koro:
Ihahandog sa'Yo,
papuri sa ngalan Mo
Kahit na may kasalanan
itong pusong nagmamahal.
Tanging hiling sa'Yo,
sana'y tanggapin ang alay ko.
Berso 2:
Ang aking dalangi'y
maging karapat-dapat sa Iyong tingin.
Itong pusong nananabik
na makapiling Ka t'wina.
Koro:
Ihahandog sa'Yo,
papuri sa ngalan Mo
Kahit na may kasalanan
itong pusong nagmamahal.
Tanging hiling sa'Yo,
sana'y tanggapin ang alay ko.
Koda:
Ako ay tumatawag sa'Yo,
sana'y tanggapin, sana'y tanggapin,
sana'y tanggapin ang alay ko
Ang alay ko
COMMUNIO opt. 2:
MAKE ME A CHANNEL OF YOUR PEACE
by Sebastian Temple from The Prayer of St. Francis
Verse 1:
Make me a channel of your peace.
Where there is hatred let me bring your love.
Where there is injury, your pardon, Lord
And where there's doubt, true faith in you.
Verse 2:
Make me a channel of your peace
Where there's despair in life, let me bring hope
Where there is darkness, only light
And where there's sadness, ever joy.
Refrain:
Oh, Master grant that I may never seek
So much to be consoled as to console
To be understood as to understand
To be loved as to love with all my soul.
Verse 3:
Make me a channel of your peace
It is in pardoning that we are pardoned
In giving to all men that we receive
And in dying that we're born to eternal life.
Refrain:
Oh, Master grant that I may never seek
So much to be consoled as to console
To be understood as to understand
To be loved as to love with all my soul.
Verse 4:
Make me a channel of your peace
It is in pardoning that we are pardoned
In giving to all men that we receive
And in dying that we're born to eternal life
RECESSIO:
GIVE THANKS
by Prof. Lester Delgado from Misa Delgado Book 6
Give thanks to the Lord and exult His name
Give thanks to the Lord let us sing songs of praise
Shout with one voice and proclaim his words,
Give thanks to the Lord all our days.
Sing hallelujah, sing your song
Rejoice and be glad let us dance with joy.
For Christ is our Lord, our Savoir and King
Give thanks to the Lord, for He is our God,
Give thanks to the Lord all our days,
... ... ...
Give thanks!
==WAKAS==
