INTROIT:
DAMBANA NG PANGINOON
by Manoling Francisoco, S.J. from Ang Pista ng Sambayanan
Sama-samang tutunguhin
ang tahanan ng Panginoon
Sama-samang magtitipon
sa dambana ng Panginoon
Berso 1:
Tayo'y magalak, tayo'y magsaya!
bahay ng Poon, tunay ang ganda!
Sa Kanyang harap, kamangha-mangha
Sa Kanyang harap, tayo'y magpunta
Koro:
Sama-samang tutunguhin
ang tahanan ng Panginoon
Sama-samang magtitipon
sa dambana ng Panginoon
UNANG PAGBASA:
Esdras 9, 5-9
Pagbasa mula sa aklat ni Esdras
Sa oras ng paghahandog, akong si Esdras ay tumindig na gulanit ang kasuotan at nanikluhod sa harapan ng Panginoon. Ganito ang idinaing ko sa kanya:
“Diyos ko, hindi ako makatingin sa iyo dahil sa kahihiyan bunga ng kasamaan naming suko sa langit. Mula sa kapanahunan ng aming mga magulang hanggang ngayon, hindi na kami nakaahon sa kasalanan. Dahil dito, kami, ang aming mga hari at mga saserdote, ay binayaan niyang mabihag, patayin, dambungin at ibilad sa kahihiyan ng iba’t ibang hari. At ngayon, kahabagan ninyo kami. Niloob ninyong may ilang matira sa amin at muling binigyan ng puwang sa lupaing ito na inyong itinangi. Muli ninyong isinilay sa amin ang inyong paningin at binigyan kami ng pagkakataong makaahon sa pagkaalipin. Naging alipin nga kami sa mahabang panahon, gayunma’y hindi ninyo kami pinabayaan. Pinukaw ninyo ang kalooban ng hari ng Persia. Kaya, binigyan niya kami ng pagkakataong maitayo uli ang iyong templo, at ayusin ang kasiraan, upang makapanirahan kaming tiwasay sa Juda at sa Jerusalem.
Ang Salita ng Diyos.
SALMONG TUGUNAN:
Tobit 13, 2. 3-4a. 4bkd. 5. 8
Ang Diyos na walang hangga’y
atin ngayong papurihan.
D’yos ay nagpaparusa na taglay ang habag
kung tayo ma’y malibing, sa hukay masadlak,
muling hinahango niya’t binubuhay.
Walang makatatakas sa kanyang kapangyarihan.
Ang Diyos na walang hangga’y
atin ngayong papurihan.
Kayong Israelita,
papurihan ninyo ang Diyos sa harap ng mga Hentil
na pinagtapunan sa inyo.
Ang Diyos na walang hangga’y
atin ngayong papurihan.
Doo’y ipinakita sa inyo ang kanyang kapangyarihan,
siya ay purihin ng bawat nilalang,
ang Panginoong ating Diyos,
na walang hanggan.
Ang Diyos na walang hangga’y
atin ngayong papurihan.
Pinagdusa man kayo sa inyong kasalanan,
ngunit kahahabagan kayo,
at muling ibabalik sa inyong tahanan
mula sa mga bansang umalipin sa inyo.
Ang Diyos na walang hangga’y
atin ngayong papurihan.
Talikdan na ninyo ang inyong mga kasalanan
at mamuhay kayo nang karapat-dapat sa harapan niya.
Kung magkagayon, ang habag ng Panginoon ay inyong madarama.
Ang Diyos na walang hangga’y
atin ngayong papurihan.
ALELUYA:
Marcos 1, 15; Chant Mass
Aleluya! Aleluya!
Ang D’yos ay maghahari na,
talikdan ang tanang sala,
manalig sa balita n’ya.
Aleluya! Aleluya!
MABUTING BALITA:
Lucas 9, 1-6
Ang Mabuting Balita ng Panginoon ayon kay San Lucas
Noong panahong iyon, tinawag ni Hesus ang Labindalawa at binigyan sila ng kakayahan at kapangyarihang magpalayas ng mga demonyo at magpagaling ng mga karamdaman. At sinugo niya sila upang ipahayag ang paghahari ng Diyos at magpagaling ng mga maysakit. Sila’y pinagbilinan niya: “Huwag kayong magbaon ng anuman para sa inyong paglalakbay kahit tungkod, supot, tinapay, salapi o bihisan. Makituloy kayo sa alinmang bahay na tumanggap sa inyo, at manatili roon hanggang sa pag-alis ninyo sa bayang iyon. At sakaling hindi kayo tanggapin, umalis kayo roon, at ipagpag ninyo ang alikabok ng inyong mga paa bilang babala sa kanila.” Kaya’t humayo ang mga alagad at naglakbay sa mga nayon, na ipinangangaral ang Mabuting Balita at nagpapagaling ng mga maysakit sa lahat ng dako.
Ang Mabuting Balita ng Panginoon.
OFFERTORIUM:
ALAY
by Nez Marcelo from The Fifth Gospel, Book 3
Berso 1:
Narito, Panginoon
mga alay naming taglay
Nawa ito'y karapat-dapat
sa kabanalanan mo
Berso 2:
Tanggapin mo, Panginoon
mga gawa ng aming kamay
Ang bunga ng pag-ibig mo
Dugo at Katawan
Koro
Kapuri-puri ka, O Diyos
na lumikha sa'ming lubos
Mula sa kabutihan mo
ang alak at tinapay
ngayo'y aming alay
Dahil sa pag-ibig mo
kami ngayon ay narito
Buklod-buklod nawa kaming
maglingkod sa Iyo
SANCTUS:
SANTO
by Allan Antonio from Misa Antonio
Santo, Santo, Santo
Panginoong Diyos ng mga hukbo
napupuno ang langit at lupa ng kadakilaan mo
Osana sa kaitaasan!
Pinagpala ang naparirito
sa Ngalan ng Panginoon
Osana sa kaitaasan!
MYSTERIUM FIDEI:
AMING IPINAHAHAYAG
by Allan Antonio from Misa Antonio
Aming ipinahahayag
na namatay ang 'yong Anak
nabuhay bilang Mesiyas
at magbabalik sa wakas
para mahayag sa lahat!
GRAN AMEN:
DANISH AMEN
by UA
Amen, amen, amen
PATER NOSTER:
AMA NAMIN/SAPAGKAT
by Allan Antonio from Misa Antonio
Ama namin, sumasalangit ka
Sambahin ang Ngalan mo
Mapasaamin ang kaharian mo
Sundin ang loob mo
Dito sa lupa para nang sa langit
Bigyan mo kami ngayon ng aming
kakanin sa araw-araw
at patawarin mo kami
sa aming mga sala
Para nang pagpapatawad namin
sa nagkakasala sa amin
at huwag mo kaming ipahintulot sa tukso
at iadya mo kami sa lahat ng masama
Sapagkat Iyo ang kaharian,
at ang kapangyarihan,
at ang kapurihan,
magpakailanman, amen.
AGNUS DEI:
KORDERO NG DIYOS
by Allan Antonio from Misa Antonio
Kordero ng Diyos na nag-aalis
ng mga kasalanan ng sanlibutan,
maawa ka sa amin.
Kordero ng Diyos na nag-aalis
ng mga kasalanan ng sanlibutan,
maawa ka sa amin.
Kordero ng Diyos na nag-aalis
ng mga kasalanan ng sanlibutan,
ipagkaloob mo sa amin ang kapayapaan.
COMMUNIO:
SERVANT SONG
by Donna Marie McGargill from Glory & Praise: Third Edition, Vol. 19
Verse 1:
What do you want of me, Lord?
Where do you want me to serve you?
Where can I sing your praises.
I am your song.
Refrain:
Jesus, Jesus, you are the Lord.
Jesus, Jesus, you are the way.
Verse 2:
I hear you call my name, Lord,
and I am moved within me.
Your Spirit stirs my deepest self.
Sing your songs in me.
Refrain:
Jesus, Jesus, you are the Lord.
Jesus, Jesus, you are the way.
Verse 3:
Above, below, and around me.
Before, behind and all through me
your Spirit burns deep within me.
Fire my life with your love.
Refrain:
Jesus, Jesus, you are the Lord.
Jesus, Jesus, you are the way.
Verse 4:
You are the light in my darkness.
You are my strength when I'm weary.
You give me sight when I'm blinded.
Come see for me.
Refrain:
Jesus, Jesus, you are the Lord.
Jesus, Jesus, you are the way.
Verse 5:
I am your song and servant,
Singing your praises like Mary.
Surrendered to your spirit
Let it be done to me!
Refrain:
Jesus, Jesus, you are the Lord.
Jesus, Jesus, you are the way.
RECESSIO:
SAMA-SAMANG IPANGALAT
by Manoling Francisco, S.J. from Ang Pista ng Sambayanan
Koro:
Sama-samang ipangalat
ang pag-ibig ng Panginoon
Sama-samang tamasahin,
kaligtasan ng Panginoon.
Berso 1:
Tunay ang saya, tunay ang galak
Dulot ng Poon, awa at habag
Ating tinanggap Kanyang salita
ating tinanggap, Katawang Banal.
Koro:
Sama-samang ipangalat
ang pag-ibig ng Panginoon
Sama-samang tamasahin,
kaligtasan ng Panginoon.
==WAKAS==
