INTROIT:
Dambana ng Panginoon
by Manoling Francisco
Dambana ng Panginoon
by Manoling Francisco
from Ang Pista ng Sambayanan
Koro:
Koro:
Sama-samang tutunguhin
ang tahanan ng Panginoon
Sama-samang magtitipon
sa dambana ng Panginoon
Berso 1:
Tayo'y magalak, tayo'y magsaya!
Bahay ng Poon, tunay ang ganda!
Sa Kanyang harap, kamangha-mangha
Sa Kanyang harap, tayo'y magpunta
Koro:
Sama-samang tutunguhin
ang tahanan ng Panginoon
Sama-samang magtitipon
sa dambana ng Panginoon
Berso 2:
Sa Jerusalem, tungo ng tanan
Iisang Poon, iisang angkan
Sasamba doon, mag-aawitan
Atas ng Poon, ating gampanan
Koro:
Sama-samang tutunguhin
ang tahanan ng Panginoon
Sama-samang magtitipon
sa dambana ng Panginoon
Berso 3:
Ating hilingin katiwasayan
Ating idulog para sa tanan
O Poon, dinggin bayan Mong mahal
laging gabayan at gawing banal
Koro:
Sama-samang tutunguhin
ang tahanan ng Panginoon
Sama-samang magtitipon
sa dambana ng Panginoon
Berso 4:
Katiwasayan mapasa-inyo
Bahay ng Poon ang bukal nito
Mapuspos lahat ng paririto
Laging umunlad, laging lumago.
Koro:
Sama-samang tutunguhin
ang tahanan ng Panginoon
Sama-samang magtitipon
sa dambana ng Panginoon
GLORIA:
Papuri sa Diyos
by Jeffrey Ray Miguel
Papuri sa Diyos
by Jeffrey Ray Miguel
from: Solemne
Papuri sa Diyos sa kaitaasan
At sa lupa'y kapayapaan
Sa mga taong kinalulugdan niya.
Pinupuri ka namin,
Dinarangal ka namin,
Sinasamba ka namin,
Ipinagbubunyi ka namin,
Pinasasalamatan ka namin
Dahil sa dakila mong angking kapurihan,
Panginoong Diyos, Hari ng Langit,
Diyos Amang makapangyarihan sa lahat.
Panginoong Hesukristo,
Bugtong na Anak,
Panginoong Diyos, Kordero ng Diyos,
Anak ng Ama
TB: Ikaw na nag-aalis ng mga kasalanan
Ng Sanlibutan,
SA: maawa ka sa amin.
SA: Ikaw na nag-aalis ng mga kasalanan
Ng sanlibutan,
TB: tanggapin Mo ang aming kahilingan.
Ikaw na naluluklok sa kanan ng Ama,
Maawa ka sa amin.
Sapagkat ikaw lamang ang banal,
Ikaw lamang ang Panginoon,
Ikaw lamang, O Hesukristo
Ang kataas-taasan
Kasama ng Espiritu Santo
Sa kadakilaan ng Diyos Ama.
Amen.
UNANG PAGBASA:
Karunungan 18, 6-9
Karunungan 18, 6-9
Pagbasa mula sa aklat ng Karunungan
Ang mangyayari sa gabing yaon ay ipinagpauna mong sabihin sa aming mga ninuno,
upang magalak sila sa kaganapan ng iyong mga pangako sa kanila.
Alam ng iyong bayan na ililigtas mo ang mga matuwid at parurusahan ang kanilang mga kaaway.
Ang paraang ginamit mo sa pagpaparusa sa aming mga kaaway
ay siya mo ring ginamit na pantawag sa amin,
upang kami’y bahaginan mo ng iyong kaluwalhatian.
Ang mga tapat na anak ng mabuting bayang ito’y lihim na naghahandog.
Nagkaisa silang sumunod sa mga utos ng Diyos at magsama sa hirap at ginhawa.
Noon pa’y inaawit na nila ang matatandang awit na ito ng papuri.
Ang Salita ng Diyos.
SALMONG TUGUNAN:
Salmo 32, 1 at 12. 18-19. 20 at 22
Salmo 32, 1 at 12. 18-19. 20 at 22
Mapalad ang ibinukod
na bansang hinirang ng D’yos.
Lahat ng matuwid dapat na magsaya
dahil sa ginawa ng Diyos sa kanila;
kayong masunuri’y magpuri sa kanya!
Mapalad ang bansang ang Poon ang Diyos,
mapalad ang bayang kanyang ibinukod.
Mapalad ang ibinukod
na bansang hinirang ng D’yos.
Ang may takot sa Diyos, at nagtitiwala
sa kanyang pag-ibig, ay kinakalinga.
Hindi babayaang sila ay mamatay,
kahit magtataggutom sila’y binubuhay.
Mapalad ang ibinukod
na bansang hinirang ng D’yos.
Ang ating pag-asa’y nasa Panginoon;
siya ang sanggalang natin at katulong.
Ipagkaloob mo na aming makamit,
O Poon, ang iyong wagas na pag-ibig,
yaman ang pag-asa’y sa ‘yo nasasalig!
Mapalad ang ibinukod
na bansang hinirang ng D’yos.
IKALAWANG PAGBASA:
Hebreo 11, 1-2. 8-19
Hebreo 11, 1-2. 8-19
Pagbasa mula sa sulat sa mga Hebreo
Mga kapatid, tayo’y may pananalig kung nagtitiwala tayong mangyayari ang mga inaasahan natin, at naniniwala sa mga bagay na di natin nakikita. At kinalugdan ng Diyos ang mga tao noong una dahil sa kanilang pananalig sa kanya.
Dahil sa pananalig sa Diyos, tumalima si Abraham nang siya’y papuntahin ng Diyos sa lupang ipinangako sa kanya. At humayo siya, bagamat hindi niya alam kung saan paroroon. Dahil din sa kanyang pananalig, siya’y nanirahan bilang dayuhan sa lupang ipinangako sa kanya ng Diyos. Tumira siya sa mga tolda, kasama nina Isaac at Jacob na kapwa tumanggap ng gayon ding pangako mula sa Diyos, habang hinihintay niyang maitatag ang lungsod, na ang nagplano at nagtayo ay ang Diyos.
Dahil din sa pananalig sa Diyos, si Sara, bagamat matanda na, ay niloob ng Diyos na magkaanak, sapagkat nanalig siya na tapat ang nangako. Kaya’t sa taong maituturing na halos patay na ay nagmula ang isang lahi na naging kasindami ng bituin sa langit at ng buhangin sa dalampasigan.
Silang lahat ay namatay na may pananalig sa Diyos. Hindi nila nakamtan ang mga ipinangako ng Diyos, ngunit natanaw nila iyon mula malayo. Kinilala nilang sila’y dayuhan lamang at nangingibang-bayan dito sa lupa. Ipinakikilala ng mga taong nagsasalita nang gayon na naghahanap pa sila ng sariling bayan. Kung ang naaalaala nila’y ang lupaing pinanggalingan nila, may pagkakataon pang makabalik sila roon. Ngunit ang hinahangad nila’y isang lungsod na lalong mabuti, yaong nasa langit. Kaya’t hindi ikinahiya ng Diyos na siya’y maging Diyos nila, sapagkat ipinaghanda niya sila ng isang lungsod. At nang subukin ng Diyos si Abraham, pananalig din ang nag-udyok sa kanya na ihandog si Isaac bilang hain sa Diyos. Handa niyang ihandog ang kaisa-isa niyang anak, gayong ipinangako sa kanya ng Diyos na kay Isaac magmumula ang magiging lahi niya. Naniniwala siyang muling mabubuhay ng Diyos si Isaac. At sa patalinghagang pangungusap, nabalik nga sa kanya si Isaac mula sa mga patay.
Ang Salita ng Diyos.
o kaya maikling pagabsa;
Hebreo 11, 1-2. 8-12
Pagbasa mula sa sulat sa mga Hebreo
Mga kapatid, tayo’y may pananalig kung nagtitiwala tayong mangyayari ang mga inaasahan natin, at naniniwala sa mga bagay na di natin nakikita. At kinalugdan ng Diyos ang mga tao noong una dahil sa kanilang pananalig sa kanya.
Dahil sa pananalig sa Diyos, tumalima si Abraham nang siya’y papuntahin ng Diyos sa lupang ipinangako sa kanya. At humayo siya, bagamat hindi niya alam kung saan paroroon. Dahil din sa kanyang pananalig, siya’y nanirahan bilang dayuhan sa lupang ipinangako sa kanya ng Diyos. Tumira siya sa mga tolda, kasama nina Isaac at Jacob na kapwa tumanggap ng gayon ding pangako mula sa Diyos, habang hinihintay niyang maitatag ang lungsod, na ang nagplano at nagtayo ay ang Diyos.
Dahil din sa pananalig sa Diyos, si Sara, bagamat matanda na, ay niloob ng Diyos na magkaanak, sapagkat nanalig siya na tapat ang nangako. Kaya’t sa taong maituturing na halos patay na ay nagmula ang isang lahi na naging kasindami ng bituin sa langit at ng buhangin sa dalampasigan.
Ang Salita ng Diyos.
ALELUYA:
Mateo 24, 42a. 44
Mateo 24, 42a. 44
Aleluya! Aleluya!
Tayo ay laging magtanod
sapagkat di natin talos
ang pagbabalik ni Hesus.
Aleluya! Aleluya!
MABUTING BALITA:
Lucas 12, 32-48
Lucas 12, 32-48
Ang Mabuting Balita ng Panginoon ayon kay San Lucas
Noong panahong iyon, sinabi ni Hesus sa kanyang mga alagad: “Huwag kayong matakot, munting kawan, sapagkat ikinalulugod ng inyong Ama na ibigay sa inyo ang kaharian. Ipagbili ninyo ang inyong ari-arian, at mamigay kayo sa mga dukha! Gumawa kayo ng mga lukbutang hindi naluluma, at mag-impok ng kayamanan sa langit, na hindi nakukulangan sapagkat doo’y walang makakalapit na magnanakaw at walang makapaninirang tanga. Sapagkat kung saan naroon ang inyong kayamanan ay naroon din naman ang inyong puso.
“Maging handa kayo at sindihan ang inyong mga ilawan. Tumulad kayo sa mga taong naghihintay sa pag-uwi ng kanilang panginoon mula sa kasalan, para pagdating niya ay mabuksan agad ang pinto. Mapalad ang mga alipin na abutang nagbabantay pagdating ng kanilang panginoon. Sinasabi ko sa inyo, maghahanda siya, padudulugin sila sa hapag, at maglilingkod sa kanila. Mapapalad sila kung maratnan niya silang handa, dumating man siya ng hatinggabi o madaling-araw siya dumating. Tandaan ninyo ito: kung alam lamang ng puno ng sambahayan kung anong oras darating ang magnanakaw, hindi niya pababayaang pasukin ang kanyang bahay. Kayo ma’y dapat humanda, sapagkat darating ang Anak ng Tao sa oras na hindi ninyo inaasahan.”
Itinanong ni Pedro, “Panginoon, sinasabi po ba ninyo ang talinghagang ito para sa amin o para sa lahat?” Tumugon ang Panginoon, “Sino nga ang tapat at matalinong alipin? Hindi ba siya ang pamamahalain ng kanyang panginoon sa sambahayan nito, upang magbigay sa ibang mga alipin ng kanilang pagkain sa karampatang panahon? Mapalad ang aliping iyon, kapag dinatnan siyang gumagawa ng gayun pagbabalik ng kanyang panginoon. Sinasabi ko sa inyo: pamamahalain siya ng kanyang panginoon sa lahat ng ari-arian nito. Ngunit kung sabihin sa sarili ng aliping iyon, ‘Matatagalan pa bago magbalik ang aking panginoon,’ at simulan niyang bugbugin ang ibang aliping lalaki at babae, at kumain, uminom, at maglasing, darating ang panginoon ng aliping yaon sa araw na hindi niya inaasahan at sa oras na hindi niya alam. Buong higpit na parurusahan siya ng panginoon, at isasama sa mga di-tapat.
“At ang aliping nakaaalam ng kalooban ng kanyang panginoon, ngunit hindi naghanda ni sumunod sa kalooban nito ay tatanggap ng mabigat na parusa. Ngunit ang aliping hindi nakaaalam ng kalooban ng kanyang panginoon at gumawa ng mga bagay na nararapat niyang pagdusahan ay tatanggap ng magaang na parusa. Ang binigyan ng maraming bagay ay hahanapan ng maraming bagay; at ang pinagkatiwalaan ng lalong maraming bagay ay pananagutin sa lalong maraming bagay.”
Ang Mabuting Balita ng Panginoon.
o kaya maikling pagbasa;
Lucas 12, 35-40
Ang Mabuting Balita ng Panginoon ayon kay San Lucas
Noong panahong iyon, sinabi ni Hesus sa kanyang mga alagad, “Maging handa kayo at sindihan ang inyong mga ilawan. Tumulad kayo sa mga taong naghihintay sa pag-uwi ng kanilang panginoon mula sa kasalan, para pagdating niya ay mabuksan agad ang pinto. Mapalad ang mga alipin na abutang nagbabantay pagdating ng kanilang panginoon. Sinasabi ko sa inyo, maghahanda siya, padudulugin sila sa hapag, at maglilingkod sa kanila. Mapapalad sila kung maratnan niya silang handa, dumating man siya ng hatinggabi o madaling-araw siya dumating. Tandaan ninyo ito: kung alam lamang ng puno ng sambahayan kung anong oras darating ang magnanakaw, hindi niya pababayaang pasukin ang kanyang bahay. Kayo ma’y dapat humanda, sapagkat darating ang Anak ng Tao sa oras na hindi ninyo inaasahan.”
Ang Mabuting Balita ng Panginoon.
OFFERTORIUM:
Alay
by Nez Marcelo
from The Fifth Gospel Book 3
Berso 1:
Narito, Panginoon
mga alay naming taglay
Nawa ito'y karapat-dapat
sa kabanalanan mo
Tanggapin mo, Panginoon
mga gawa ng aming kamay
Ang bunga ng pag-ibig mo
Dugo at katawan
Koro:
Kapuri-puri ka, O Diyos
na lumikha sa'ming lubos
Mula sa kabutihan mo
ang alak at tinapay
ngayo'y aming alay
Dahil sa pag-ibig mo
kami ngayon ay narito
Buklod-buklod nawa kaming
maglingkod sa Iyo
(hu....)
Berso 1:
Narito, Panginoon
mga alay naming taglay
Nawa ito'y karapat-dapat
sa kabanalanan mo
Tanggapin mo, Panginoon
mga gawa ng aming kamay
Ang bunga ng pag-ibig mo
Dugo at katawan
Koro:
Kapuri-puri ka, O Diyos
na lumikha sa'ming lubos
Mula sa kabutihan mo
ang alak at tinapay
ngayo'y aming---- a--lay
Koda:
ang alak at tinapay
ngayo'y aming---- a--lay
SANCTUS:
Santo
by Allan Antonio
Santo
by Allan Antonio
from Misa Antonio
Santo, Santo, Santo
Panginoong Diyos ng mga hukbo
napupuno ang langit at lupa
ng kadakilaan mo
Osana sa kaitaasan!
Pinagpala ang naparirito
sa Ngalan ng Panginoon
Osana sa kaitaasan!
MYSTERIUM FIDEI:
Aming Ipinahahayag
by Allan Antonio
Aming Ipinahahayag
by Allan Antonio
from Misa Antonio
Aming ipinahahayag
na namatay ang 'yong Anak
nabuhay bilang Mesiyas
at magbabalik sa wakas
para mahayag sa lahat!
GRAN AMEN:
Amen
by Arnel Aquino, SJ
Amen
by Arnel Aquino, SJ
Amen, amen, amen
Amen, amen, amen
PATER NOSTER:
Ama Namin/Sapagkat
by Allan Antonio
Ama Namin/Sapagkat
by Allan Antonio
from Misa Antonio
Ama namin, sumasalangit ka
Sambahin ang Ngalan mo
Mapasaamin ang kaharian mo
Sundin ang loob mo
Dito sa lupa para nang langit
Bigyan mo kami ngayon ng aming
kakanin sa araw-araw
at patawarin mo kami
sa aming mga sala
Para nang pagpapatawad namin
sa nagkakasala sa amin
at huwag mo kaming ipahintulot sa tukso
at iadya mo kami sa lahat ng masama
Sapagkat Iyo ang kaharian,
at ang kapangyarihan,
at ang kapurihan,
magpakailanman, amen.
AGNUS DEI:
Kordero ng Diyos
by Allan Antonio
Kordero ng Diyos
by Allan Antonio
from Misa Antonio
Kordero ng Diyos na nag-aalis
ng mga kasalanan ng sanlibutan,
maawa ka sa amin.
Kordero ng Diyos na nag-aalis
ng mga kasalanan ng sanlibutan,
maawa ka sa amin.
Kordero ng Diyos na nag-aalis
ng mga kasalanan ng sanlibutan,
ipagkaloob mo sa amin ang kapayapaan.
COMMUNIO 1:
Huwag Limutin
by Arnel Aquino, SJ
Huwag Limutin
by Arnel Aquino, SJ
from The Best of Himig Heswita
Berso 1:
Huwag limutin nakaraang araw
Sariwain kahit balik tanaw
Takipsilim 'di man mapigilan
Sandali lang ang dilim
Berso 2:
'Yong bilangin ang bawat sandaling
Kagalaka'y wari'y walang patid
Magkasama tayo sa pagsapit
Ng 'sang langit sa daigdig
Koro:
Minamahal kitang tunay
Ang tinig ko sayo'y bubuhay
Sambitin mo ang aking himig
At ako sa iyo'y aawit
Berso 3:
Alaala ng pagkakaibigan
Sa puso itago't ingatan
Sa pagsilay ng bukas tingnan
Alaala't puso'y iisa
Koro:
Minamahal kitang tunay
Ang tinig ko sayo'y bubuhay
Sambitin mo ang aking himig
At ako sa iyo'y aawit
(koro transpose)
Koda:
At ako----- sa iyo'y---- aawit
COMMUNIO 2:
Panginoon, Aking Tanglaw (Salmo 27)
by Fruto Ramirez
Panginoon, Aking Tanglaw (Salmo 27)
by Fruto Ramirez
from Mga Awitin sa Misang Filipino
Berso 1:
Panginoon, aking tanglaw
Tanging Ikaw ang kaligtasan
Sa panganib, ingatan ako
Ang lingkod Mong nananalig sa 'Yo
Koro:
Ang tawag ko'y 'Yong pakinggan
Lingapin Mo at kahabagan
Berso 2:
Anyaya Mo'y lumapit sa 'Yo
Huwag magkubli, huwag kang magtago
Sa bawat sulok ng mundo
Ang lingkod Mong hahanap sa 'Yo
Koro:
Ang tawag ko'y 'Yong pakinggan
Lingapin Mo at kahabagan
Berso 3:
Panginoon, aking tanglaw
Tanging Ikaw ang kaligtasan
Sa masama, ilayo Mo ako
Ang sugo Mong umiibig sa 'Yo
RECESSIO:
Sama-samang Ipangalat
by Manoling Francisco
Sama-samang Ipangalat
by Manoling Francisco
from Ang Pista ng Sambayanan
Koro:
Sama-samang ipangalat
ang pag-ibig ng Panginoon
Sama-samang tamasahin,
kaligtasan ng Panginoon.
Berso 1:
Tunay ang saya, tunay ang galak
Dulot ng Poon, awa at habag
Ating tinanggap Kanyang salita
ating tinanggap, Katawang Banal.
Koro:
Sama-samang ipangalat
ang pag-ibig ng Panginoon
Sama-samang tamasahin,
kaligtasan ng Panginoon.
==WAKAS==
