INTROIT:
DAMBANA NG PANGINOON (ANG PISTA NG SAMBAYANAN)
by Manoling Francisco
Sama-samang tutunguhin
ang tahanan ng Panginoon
Sama-samang magtitipon
sa dambana ng Panginoon
Berso 1:
Tayo'y magalak, tayo'y magsaya!
bahay ng Poon, tunay ang ganda!
Sa Kanyang harap, kamangha-mangha
Sa Kanyang harap, tayo'y magpunta
Koro:
Sama-samang tutunguhin
ang tahanan ng Panginoon
Sama-samang magtitipon
sa dambana ng Panginoon
Berso 2:
Sa Jerusalem, tungo ng tanan
Iisang Poon, iisang angkan
Sasamba doon, mag-aawitan
Atas ng Poon, ating gampanan
Koro:
Sama-samang tutunguhin
ang tahanan ng Panginoon
Sama-samang magtitipon
sa dambana ng Panginoon
Berso 3:
Ating hilingin katiwasayan
Ating idulog para sa tanan
O Poon, dinggin bayan Mong mahal
laging gabayan at gawing banal
Koro:
Sama-samang tutunguhin
ang tahanan ng Panginoon
Sama-samang magtitipon
sa dambana ng Panginoon
Berso 4:
Katiwasayan mapasa-inyo
Bahay ng Poon ang bukal nito
Mapuspos lahat ng paririto
Laging umunlad laging lumago.
Koro:
Sama-samang tutunguhin
ang tahanan ng Panginoon
Sama-samang magtitipon
sa dambana ng Panginoon
GLORIA:
PAPURI SA DIYOS (SOLEMNE)
by Jeffrey M. Miguel
Papuri sa Diyos sa kaitaasan!
At sa lupa'y kapayapaan
Sa mga taong kinalulugdan Niya.
Pinupuri ka namin,
dinarangal ka namin
Sinasamba ka namin,
ipinagbubunyi ka namin.
Pinasasalamatan ka namin
Dahil sa dakila Mong angking kapurihan.
Panginoong Diyos, Hari ng Langit
Diyos Amang makapangyarihan sa lahat
Panginoong Hesukristo,
Bugtong na Anak
Panginoong Diyos, Kordero ng Diyos,
Anak ng Ama.
Ikaw na nag-aalis
ng mga kasalanan ng sanlibutan,
maawa ka sa amin.
Ikaw na nag-aalis
ng mga kasalanan ng sanlibutan.
Tanggapin mo ang aming kahilingan
Ikaw na naluluklok sa kanan ng Ama,
maawa ka sa amin.
Sapagkat Ikaw lamang ang banal
Ikaw lamang ang Panginoon
Ikaw lamang, O Hesukristo
ang kataas-taasan
Kasama ng Espiritu Santo
sa kadakilaan ng Diyos Ama,
amen, amen!
UNANG PAGBASA:
2 Hari 5, 14-17
Pagbasa mula sa ikalawang aklat ng mga Hari
Noong mga araw na iyon, si Naaman ay lumusong sa Ilog Jordan at lumubog ng pitong ulit. At tulad ng sinabi ni Eliseo, nanauli sa dati ang kanyang katawan at kuminis mula sa ketong ang kanyang balat, tulad ng balat ng sanggol.
Si Naaman at ang kanyang mga kasama ay nagbalik kay Eliseo. Sinabi niya, “Ngayo’y napatunayan kong walang ibang diyos sa ibabaw ng lupa kundi ang Diyos ng Israel. Narito, pagdamutan ninyo itong maliit kong nakayanan.”
Ngunit sinabi ni Eliseo, “Buhay ang Panginoong Diyos na aking pinaglilingkuran. Hindi ako tumatanggap kahit ano.” Pinilit siya ni Naaman ngunit nagpakatanggi-tanggi siya.
Dahil dito, sinabi ni Naaman, “Kung ayaw ninyo itong tanggapin, maari po ba namang kargahan ko ng lupa rito ang dalawa kong kabayo? Mula ngayon, hindi na ako maghahandog sa ibang diyos maliban sa Panginoon.”
Ang Salita ng Diyos.
SALMONG TUGUNAN:
Salmo 97, 1. 2-3ab. 3kd-4
Panginoong nagliligtas
sa tanang bansa’y nahayag.
Umawit ng bagong awit at sa Poon ay ialay,
pagkat yaong ginawa n’ya ay kahanga-hanggang tunay!
Sa sariling lakas niya at taglay na kabanalan,
walang hirap na natamo yaong hangad na tagumpay.
Panginoong nagliligtas
sa tanang bansa’y nahayag.
Ang tagumpay niyang ito’y siya na rin ang naghayag,
sa harap ng mga bansa’y nahayag ang pagliligtas.
Ang pangako sa Israel lubos niyang tinutupad.
Panginoong nagliligtas
sa tanang bansa’y nahayag.
Tapat siya sa kanila at ang pag-ibig niya ay wagas.
Ang tagumpay ng ating Diyos kahit saan ay namalas!
Magkaingay na may galak, yaong lahat sa daigdig;
ang Poon ay buong galak na purihin sa pag-awit!
Panginoong nagliligtas
sa tanang bansa’y nahayag.
IKALAWANG PAGBASA:
2 Timoteo 2, 8-13
Pagbasa mula sa ikalawang sulat ni Apostol San Pablo kay Timoteo
Pinakamamahal ko, alalahanin mo si Hesukristo, ang nagmula sa angkan ni David at ang muling nabuhay. Ito ang Mabuting Balitang ipinangangaral ko, ang dahilan ng aking pagdurusa hanggang sa magapos na tulad ng isang salarin. Ngunit hindi maigagapos ang salita ng Diyos. Pinagtitiisan ko ang lahat ng bagay alang-alang sa mga hinirang ng Diyos upang magtamo rin sila ng kaligtasang mula kay Kristo Hesus, at ng walang hanggang kaluwalhatian. Narito ang kasabihang mapananaligan:
“Kapag tayo’y namatay na kalakip ni Hesukristo,
walang salang mabubuhay na kasama niya tayo;
kung tayo man ay magtiis ng hirap sa mundong ito,
maghahari naman tayong kapiling ng ating Kristo;
kapag siya’y itinakwil sa harapan ng mga tao
pagdating ng takdang araw, itatakwil niya tayo.
Kung tayo ma’y hindi tapat, si Kristo ay tapat pa rin
sapagkat ang sa kanya ay hindi niya itatakwil.”
Ang Salita ng Diyos.
ALELUYA:
1 Tesalonica 5, 18; Misa Antonio
Aleluya! Aleluya!
Ang D’yos Ama’y naghahangad
lagi tayong pasalamat
kaisa ng kanyang Anak.
Aleluya! Aleluya!
MABUTING BALITA:
Lucas 17, 11-19
Ang Mabuting Balita ng Panginoon ayon sa San Lucas
Noong panahong iyon, sa paglalakbay ni Hesus patungong Jerusalem, nagdaan siya sa hangganan ng Samaria at Galilea. Nang papasok na siya sa isang nayon, siya’y sinalubong ng sampung ketongin. Tumigil sila sa malayu-layo at humiyaw ng: “Hesus! Panginoon! Mahabag po kayo sa amin!” Nang makita sila ay sinabi niya, “Humayo kayo at pakita sa mga saserdote.” At samantalang sila’y naglalakad, gumaling sila. Nang mapuna ng isa na siya’y magaling na, nagbalik siyang sumisigaw ng pagpupuri sa Diyos. Nagpatirapa siya sa paanan ni Hesus at nagpasalamat. Ang taong ito’y Samaritano. “Hindi ba sampu ang gumaling?” tanong ni Hesus. “Nasaan ang siyam? Wala bang nagbalik at nagpuri sa Diyos kundi ang dayuhang ito?” Sinabi ni Hesus sa kanya, “Tumindig ka’t humayo sa iyong lakad! Pinagaling ka dahil sa iyong pananalig.”
Ang Mabuting Balita ng Panginoon.
OFFERTORIUM:
ALAY NG SAMBAYANAN (MISA NG PAG-ASA)
by Mimo Perez
Koro:
Tanggapin mo alay ng iyong sambayanan;
Buhay naming pinuhunan sa pagmamahal.
Pagkakaisang aming napagtagumpayan,
Pagyamanin mo at basbasan.
Berso 1:
Hain namin, tinapay at alak,
narito sa Iyong hapag.
Tanda ng aming pagmamahalan,
‘yan ang alay ng sambayanan.
Koro:
Tanggapin mo alay ng iyong sambayanan;
Buhay naming pinuhunan sa pagmamahal.
Pagkakaisang aming napagtagumpayan,
Pagyamanin mo at basbasan.
Berso 2:
Bawat kapwa ay ibigin,
‘yan sa amin ‘Yong habilin.
Tunghayan aming kapatiran,
‘yan ang alay ng sambayanan.
Koro:
Tanggapin mo alay ng iyong sambayanan;
Buhay naming pinuhunan sa pagmamahal.
Pagkakaisang aming napagtagumpayan,
Pagyamanin mo at basbasan.
Koda:
Pagyamanin mo at basbasan.
SANCTUS:
SANTO (MISA ANTONIO)
by Allan Antonio
Santo, Santo, Santo
Panginoong Diyos ng mga hukbo
napupuno ang langit at lupa ng kadakilaan mo
Osana sa kaitaasan!
Pinagpala ang naparirito
sa Ngalan ng Panginoon
Osana sa kaitaasan!
MYSTERIUM FIDEI:
AMING IPINAHAHAYAG (MISA ANTONIO)
by Allan Antonio
Aming ipinahahayag
na namatay ang Iyong Anak
nabuhay bilang Mesiyas
at magbabalik sa wakas
Para mahayag sa lahat!
GRAN AMEN:
GREAT AMEN (SONGS FOR ORDINARY)
by Arnel dC Aquino, S.J.
Amen, amen, amen
Amen, amen, amen
PATER NOSTER:
AMA NAMIN/SAPAGKAT (MISA ANTONIO)
by Allan Antonio from Misa Antonio
Ama namin, sumasalangit ka
Sambahin ang Ngalan mo
Mapasaamin ang kaharian mo
Sundin ang loob mo
Dito sa lupa para nang sa langit
Bigyan mo kami ngayon ng aming
kakanin sa araw-araw
at patawarin mo kami
sa aming mga sala
Para nang pagpapatawad namin
sa nagkakasala sa amin
at huwag mo kaming ipahintulot sa tukso
at iadya mo kami sa lahat ng masama
Sapagkat Iyo ang kaharian,
at ang kapangyarihan,
at ang kapurihan,
magpakailanman, amen.
AGNUS DEI:
KORDERO NG DIYOS (MISA ANTONIO)
by Allan Antonio
Kordero ng Diyos na nag-aalis
ng mga kasalanan ng sanlibutan,
maawa ka sa amin.
Kordero ng Diyos na nag-aalis
ng mga kasalanan ng sanlibutan,
maawa ka sa amin.
Kordero ng Diyos na nag-aalis
ng mga kasalanan ng sanlibutan,
ipagkaloob mo sa amin ang kapayapaan.
COMMUNIO opt. 1:
ANIMA CHRISTI
by Marco Frisina
Refrain:
ANIMA CHRISTI, SANCTIFICA ME
Soul of Christ, sanctify me.
CORPUS CHRISTI, SALVA ME
Body of Christ, save me.
SANGUIS CHRISTI, INEBRIA ME
Blood of Christ, inebriate me.
AQUA LATERIS CHRISTI, LAVA ME
Water from the side of Christ, wash me.
Verse 1:
Passio Christi, conforta me
Passion of Christ, strengthen me.
O bone Iesu, exaudi me
O good Jesus, hear me.
Intra vulnera tua absconde, absconde me
Within Thy wounds, hide me.
Refrain:
ANIMA CHRISTI, SANCTIFICA ME
CORPUS CHRISTI, SALVA ME
SANGUIS CHRISTI, INEBRIA ME
AQUA LATERIS CHRISTI, LAVA ME
Verse 2:
Ne permittas a te me separari
Separated from Thee let me never be.
Ab hoste maligno defende me
From the malignant enemy, defend me.
In hora mortis me voca me, voca me
At the hour of death, call me.
...
Refrain:
ANIMA CHRISTI, SANCTIFICA ME
CORPUS CHRISTI, SALVA ME
SANGUIS CHRISTI, INEBRIA ME
AQUA LATERIS CHRISTI, LAVA ME
Verse 3:
Et iube me venire ad te
To come to Thee, bid me,
Ut cum sanctis tuis laudem te
That I may praise Thee in the company
Per infinita secula seculorum. Amen
Of Thy Saints, for all eternity. Amen
Refrain:
ANIMA CHRISTI, SANCTIFICA ME
CORPUS CHRISTI, SALVA ME
SANGUIS CHRISTI, INEBRIA ME
AQUA LATERIS CHRISTI, LAVA ME
COMMUNIO opt. 2:
AWIT NG PAGHILOM
by Fr. Arnel Aquino, S.J.
Koro:
Panginoon ko, hanap-hanap Ka ng puso
Tinig Mo'y isang awit paghilom
Berso 1:
Ang baling ng aking diwa ay sa 'Yo
H'wag nawang pababayaang masiphayo
Ikaw ang buntong hininga ng buhay
Dulot Mo'y kapayapaan, pag-ibig
Koro:
Panginoon ko, hanap-hanap Ka ng puso
Tinig Mo'y isang awit paghilom
Berso 2:
Ako'y akayin sa daang matuwid
H'wag nawang pahintulutang mabighani
Sa panandalian at huwad na rilag
Ikaw ang aking tanging Tagapagligtas
Koro:
Panginoon ko, hanap-hanap Ka ng puso
Tinig Mo'y isang awit paghilom
Berso 3:
Sigwa sa'king kalooban 'Yong masdan
Pahupain ang bugso ng kalungkutan
Yakapin ng buong higpit 'Yong anak
Nang mayakap din ang bayan Mong ibig
Koro:
Panginoon ko, hanap-hanap Ka ng puso
Tinig Mo'y isang awit paghilom
RECESSIO:
AWIT SA INA NG STO. ROSARIO
by Fr. Carlo Magno Marcelo
Awit niya'y pag-ibig ng Diyos
tawag niya'y magbalik-loob
Turo nya'y buhay na ang Diyos lamang
sa ati'y nagkaloob
Koro:
O Inang mahal narito kami't
awit awit ang Ave Maria
At dalangin ng bawat pamilya'y
kapayapaa't pagkakaisa
Ang rosaryo mong hawak namin
at awit awit ang Ave Maria
Puspos ka ng diwang banal
dinggin ang aming payak na dasal
Ihatid mo kami sa langit
ng Amang mapagmahal
==WAKAS==
