Kapistahan ng Pagdadala kay Hesus na Panginoon sa Templo

Kapistahan ng Pagdadala kay Hesus

na Panginoon sa Templo

Lunes, Pebrero 2, 2026

Malakias 3, 1-4

Salmo 23, 7. 8. 9. 10.

D’yos na makapangyariha’y

dakilang hari kailanman.

Hebreo 2, 14-18

Lucas 2, 22-40

o kaya Lucas 2, 22-32

Pambungad na Awit:

Christ, Be Our Light

Bernadette Farrell

Verse 1:

Longing for light, we wait in darkness.

Longing for truth, we turn to you.

Make us your own, your holy people,

light for the world to see.

Refrain:

Christ be our light!

Shine in our hearts.

Shine through the darkness.

Christ, be our light!

Shine in your church gathered today.

Verse 2:

Longing for peace, our world is troubled.

Longing for hope, many despair.

Your word alone has pow'r to save us.

Make us your living voice.

Refrain:

Christ be our light!

Shine in our hearts.

Shine through the darkness.

Christ, be our light!

Shine in your church gathered today.

Verse 3:

Longing for food, many are hungry.

Longing for water, many still thirst.

Make us your bread, broken for others,

shared until all are fed.

Refrain:

Christ be our light!

Shine in our hearts.

Shine through the darkness.

Christ, be our light!

Shine in your church gathered today.

Verse 4:

Longing for shelter, many are homeless.

Longing for warmth, many are cold.

Make us your building, sheltering others,

walls made of living stone.

Refrain:

Christ be our light!

Shine in our hearts.

Shine through the darkness.

Christ, be our light!

Shine in your church gathered today.

Verse 5:

Many the gifts, many the people,

many the hearts that yearn to belong.

Let us be servants to one another,

making your kingdom come.

Refrain:

Christ be our light!

Shine in our hearts.

Shine through the darkness.

Christ, be our light!

Shine in your church gathered today.

Awit sa Prusisyon:

Si Hesukristo ang Ilaw

Bill Kevin Del Rosario

Tugon:

Si Hesukristo ang ilaw

na sa lahat ay tatanglaw,

nagbibigay-karangalan

sa unang bayang hinirang

ng Poon nating Maykapal.

Unang Berso:

Panginoon, papanawin

akong aba n'yong alipin,

ako po'y inyo nang kunin.

Lunggati ko'y natupad rin

ayon sa sabi n'yo sa 'kin.

Tugon:

Si Hesukristo ang ilaw

na sa lahat ay tatanglaw,

nagbibigay-karangalan

sa unang bayang hinirang

ng Poon nating Maykapal.

Ikalawang Berso:

Ngayon nga po ay nakita

nitong aking mga mata

kaligtasa'y narito na,

pangako mo noong una,

lunggati nami't pag-asa.

Tugon:

Si Hesukristo ang ilaw

na sa lahat ay tatanglaw,

nagbibigay-karangalan

sa unang bayang hinirang

ng Poon nating Maykapal.

Ikatlong Berso:

Inyo nga pong inihanda

para sa lahat ng bansa

liwanag na nagmumula

sa bayan mong adhika

maging lingkod mong dakila.

Tugon:

Si Hesukristo ang ilaw

na sa lahat ay tatanglaw,

nagbibigay-karangalan

sa unang bayang hinirang

ng Poon nating Maykapal.

GLORIA:

Papuri sa Diyos (Solemne)
Jeffrey Ray Miguel

Papuri sa Diyos sa kaitaasan!

At sa lupa'y kapayapaan

sa mga taong kinalulugdan Niya.

Pinupuri ka namin,

dinarangal ka namin,

sinasamba ka namin,

ipinagbubunyi ka namin,

Pinasasalamatan ka namin

dahil sa dakila Mong angking kapurihan.

Panginoong Diyos, Hari ng langit.

Diyos Amang makapangyarihan sa lahat.

Panginoong Hesukristo, bugtong na Anak.

Panginoong Diyos, Kordero ng Diyos, Anak ng Ama.

Ikaw na nag-aalis ng mga kasalanan ng sanlibutan,

maawa ka sa amin.

Ikaw na nag-aalis ng mga kasalanan ng sanlibutan,

tanggapin mo ang aming kahilingan.

Ikaw na naluluklok sa kanan ng Ama,

maawa ka sa amin.

Sapagkat Ikaw lamang ang banal.

Ikaw lamang ang Panginoon.

Ikaw lamang, O Hesukristo ang kataas-taasan.

Kasama ng Espiritu Santo

sa kadakilaan ng Diyos Ama.

Amen!

UNANG PAGBASA:

Malakias 3, 1-4

Pagbasa mula sa aklat ni propeta Malakias

Ito ang sinabi ng Panginoong Diyos, “Ipadadala ko ang aking sugo upang ihanda ang daraanan ko. At ang Panginoon na inyong hinahanap ay biglang darating sa kanyang templo. Darating ang pinakahihintay ninyong sugo at ipapahayag ang aking tipan.”

Ngunit sino ang makatatagal pagdating ng araw na iyon? Sino ang makakaharap pag siya’y napakita na? Siya’y parang apoy na nagpapadalisay sa bakal at parang matapang na sabon. Darating siya para humatol at dadalisayin niya ang mga saserdote, tulad ng pagdalisay sa pilak at ginto. Sa gayun, magiging karapat-dapat silang maghandog sa Panginoon, at ang mga handog na dadalhin ng mga taga-Juda at Jerusalem ay magiging kalugud-lugod sa kanya, tulad ng dati.

Ang Salita ng Diyos.

SALMONG TUGUNAN:

Salmo 23, 7. 8. 9. 10.

D’yos na makapangyariha’y

dakilang hari kailanman.

Ang pintuang luma / ay buksan nang lubos,

ang dakilang hari / ay doon papasok.

D’yos na makapangyariha’y

dakilang hari kailanman.

Ang dakilang haring ito ay sino ba? Siya ang Poon,

dakilang talaga; / saanmang labanan tagumpay ay kanya.

D’yos na makapangyariha’y

dakilang hari kailanman.

Ang pintuang luma / ay buksan nang lubos,

ang dakilang hari / ay doon papasok.

D’yos na makapangyariha’y

dakilang hari kailanman.

Ang dakilang hari’y / sino bang talaga?

Makapangyarihang Diyos / at hari siya!

D’yos na makapangyariha’y

dakilang hari kailanman.

IKALAWANG PAGBASA:

Hebreo 2, 14-18

Pagbasa mula sa sulat sa mga Hebreo

Yamang ang mga anak na tinuturing ng Diyos ay tao, naging tao rin si Hesus, tulad nila – may laman at dugo. Ginawa niya ito upang sa pamamagitan ng kanyang kamatayan ay maigupo niya ang diyablo na siyang may kapangyarihan sa kamatayan. Sa gayun, pinalaya niya ang lahat ng naging alipin habang panahon dahil sa kanilang takot sa kamatayan. Hindi ang mga anghel ang kanyang tinutulungan kundi “Ang lahi ni Abraham.” Kaya’t kinailangang matulad siya sa kanyang mga kapatid sa lahat ng paraan. Sa gayun, siya’y naging isang dakilang saserdote, mahabagin at tapat, naglilingkod sa Diyos at naghahandog ng hain sa ikapagpapatawad ng mga kasalanan ng tao. Sapagkat siya ma’y tinukso at nagbata, kaya ngayo’y matutulungan niya ang mga tinutukso.

Ang Salita ng Diyos.

ALELUYA:

Lucas 2, 32

Ang Pista ng Sambayanan

Aleluya! Aleluya!

Para sa lahat ng bansa

liwanag na nagmumula

sa bayan mong dinakila!

Aleluya! Aleluya!

MABUTING BALITA:

Lucas 2, 22-40

Ang Mabuting Balita ng Panginoon ayon kay San Lucas

Nang dumating ang araw ng paglilinis sa kanila ayon sa Kautusan ni Moises, si Hesus ay dinala ng kanyang mga magulang sa Jerusalem upang iharap sa Panginoon, sapagkat ayon sa Kautusan, “Ang bawat panganay na lalaki ay nakatalaga sa Panginoon.” At naghandog sila, ayon sa hinihingi ng Kautusan ng Panginoon: “Mag-asawang batu-bato o dalawang inakay na kalapati.”

May isang tao noon sa Jerusalem, ang pangala’y Simeon. Matapat at malapit sa Diyos ang lalaking ito at naghihintay sa katubusan ng Israel. Sumasakanya ang Espiritu Santo na nagpahayag sa kanya na hindi siya mamamatay hangga’t hindi niya nakikita ang Mesiyas na ipinangako ng Panginoon. Sa patnubay ng Espiritu, pumasok siya sa templo. At nang dalhin doon ng kanyang mga magulang ang sanggol na si Hesus upang gawin ang hinihingi ng Kautusan, siya’y kinalong ni Simeon. Ito’y nagpuri sa Diyos, na ang wika,

“Kunin mo na, Panginoon, ang iyong abang alipin,

ayon sa iyong pangako yamang nakita na ng aking mga mata ang iyong tagapagligtas,

na inihanda mo para sa lahat ng bansa:

Liwanag itong tatanglaw sa mga Hentil,

at magbibigay-karangalan sa iyong bayang Israel.”

Namangha ang ama’t ina ng sanggol dahil sa sinabi ni Simeon tungkol sa kanya. Binasbasan sila ni Simeon, at sinabi kay Maria, “Tandaan mo, ang batang ito’y nakatalaga sa ikapapahamak o ikaliligtas ng marami sa Israel, isang tanda mula sa Diyos ngunit hahamakin ng marami kaya’t mahahayag ang kanilang iniisip. Dahil diyan, ang puso mo’y para na ring tinarakan ng isang balaraw.”

Naroon din sa templo ang isang propetang babae na ang pangala’y Ana, anak ni Fanuel na mula sa lipi ni Aser. Siya’y napakatanda na. Pitong taon lamang silang nagsama ng kanyang asawa, nang siya’y mabalo. At ngayon, walumpu’t apat na taon na siya. Lagi siya sa templo at araw-gabi’y sumasamba sa Diyos sa pamamagitan ng pag-aayuno at pananalangin. Lumapit siya nang oras ding iyon at nagpasalamat sa Diyos. Nagsalita rin siya tungkol kay Hesus sa lahat ng naghihintay sa pagpapalaya ng Diyos sa Jerusalem.

Nang maisagawa nila ang lahat ng bagay ayon sa Kautusan, bumalik na sila sa kanilang bayan, sa Nazaret, Galilea. Ang bata’y lumaking malakas, marunong at kalugod-lugod sa paningin ng Diyos.

Ang Mabuting Balita ng Panginoon.

OFFERTORIUM:

Alay (The Fifth Gospel)

Nez Marcelo

Berso 1:

Narito, Panginoon

mga alay naming taglay

Nawa ito'y karapat-dapat

sa kabanalan mo

Tanggapin Mo, Panginoon

mga gawa ng aming kamay

Ang bunga ng pag-ibig Mo,

dugo at katawan.

Koro:

Kapuri-puri ka, O Diyos

na lumikha sa'ming lubos

Mula sa kabutihan Mo

ang alak at tinapay

ngayo'y aming alay

Dahil sa pag-ibig mo

kami ngayon ay narito

Buklod-buklod nawa kaming

maglingkod sa Iyo

oh...

Berso 1:

Narito, Panginoon

mga alay naming taglay

Nawa ito'y karapat-dapat

sa kabanalan mo!

Tanggapin Mo, Panginoon

mga gawa ng aming kamay

Ang bunga ng pag-ibig Mo,

dugo at katawan.

Koro:

Kapuri-puri ka, O Diyos

na lumikha sa'ming lubos

Mula sa kabutihan Mo

ang alak at tinapay

ngayo'y aming... alay!

Koda:

Ang alak at tinapay

ngayo'y aming... alay

SANCTUS:

Santo (Ang Pista ng Sambayanan)

Manoling Francisco

Santo, Santo, Santo

Panginoong Diyos ng mga hukbo

napupuno ang langit at lupa ng kadakilaan mo

Osana, osana sa kaitaasan!

Pinagpala ang naparirito

sa Ngalan ng Panginoon

Osana, osana sa kaitaasan!

MYSTERIUM FIDEI:

Aming Ipinahahayag (Ang Pista ng Sambayan)

Manoling Francisco

Aming ipinahahayag

na namatay ang Iyong Anak

nabuhay bilang Mesiyas

at magbabalik sa wakas

para mahayag sa lahat!

GRAN AMEN:

Dakilang Amen (Songs for Ordinary)

Arnel Aquino, S.J

PATER NOSTER:

Ama Namin/Sapagkat (Misa Antonio)

Allan Antonio

Ama namin, sumasalangit ka

Sambahin ang ngalan mo

Mapasaamin ang kaharian mo

Sundin ang loob mo

Dito sa lupa para nang sa langit.

Bigyan mo kami ngayon ng aming

kakanin sa araw-araw

at patawarin mo kami

sa aming mga sala.

Para nang pagpapatawad namin

sa nagkakasala sa amin

at huwag mo kaming ipahintulot sa tukso

at iadya mo kami sa lahat ng masama

AGNUS DEI:

Kordero ng Diyos (Misa Antonio)

Allan Antonio

Kordero ng Diyos na nag-aalis

ng mga kasalanan ng sanlibutan,

maawa ka sa amin, maawa ka sa amin.

Kordero ng Diyos na nag-aalis

ng mga kasalanan ng sanlibutan,

maawa ka sa amin, maawa ka sa amin.

Kordero ng Diyos na nag-aalis

ng mga kasalanan ng sanlibutan,

ipagkaloob mo sa amin ang kapayapaan.

COMMUNIO:

Simeon’s Canticle (Based on Luke 2:29-32)

Manoling Francisco

Refrain: