Miyerkules ng Ika-11 Linggo sa Karaniwang Panahon (I) - Miyerkules, Hunyo 18, 2025

 

INTROIT:
ATING DINGGIN

Koro:

Sama-sama nating dinggin

Panawagan ng Santong Piging

Pagsaluhan na ang inialay Niya

Sa tahanan ng ating Diyos

I:

Awitan ang Panginoon

Mga papuring panghabang-panahon

Itaas na ang lahat sa Kanya

Luwalhati at pagsamba

Koro:

Sama-sama nating dinggin

Panawagan ng Santong Piging

Pagsaluhan na ang inialay Niya

Sa tahanan ng ating Diyos

Koda:

Pagsaluhan na ang inialay Niya

Sa tahanan ng ating Diyos

UNANG PAGBASA:
2 Corinto 9, 6-11

Pagbasa mula sa ikalawang sulat ni Apostol San Pablo sa mga taga-Corinto

Mga kapatid, tandaan ninyo ito: ang naghahasik ng kakaunti ay mag-aani ng kakaunti, at ang naghahasik naman ng marami ay mag-aani ng marami. Ang bawat isa’y dapat magbigay ayon sa sariling pasiya, maluwag sa loob at di napipilitan lamang, sapagkat ang ibig ng Diyos ay kusang pagkakaloob. Magagawa ng Diyos na pasaganain kayo sa lahat ng bagay higit pa sa inyong pangangailangan — upang may magamit kayo sa pagkakawanggawa. Gaya nga ng sinasabi ng Kasulatan:

“Siya’y namudmod sa mga dukha;

walang hanggan ang kanyang kabutihan.”

Ang Diyos na nagbibigay ng binhing ihahasik at tinapay na makakain, ang siya ring magbibigay sa inyo ng binhi at magpapalago nito upang mamunga nang sagana ang inyong kabutihang loob. Pasasaganain niya kayo sa lahat ng bagay para lalo kayong makatulong sa marami. Sa gayo’y dadami ang magpapasalamat sa Diyos dahil sa inyong pagtulong na dadalhin ko sa kanila.

Ang Salita ng Diyos.

SALMONG TUGUNAN:
Salmo 111, 1-2. 3-4. 9

Mapalad s’ya na may takot

sa Diyos na magandang-loob.

Mapalad ang tao na may takot sa Diyos,

siyang sumusunod nang buong alindog.

Ang kanyang lipi’y magiging dakila,

pati mga angkan ay pinagpapala.

Mapalad s’ya na may takot

sa Diyos na magandang-loob.

Magiging sagana sa kanyang tahanan

katarungan niya’y walang katapusan.

Ang taong matuwid, may bait at habag,

kahit sa madilim taglay ay liwanag.

Mapalad s’ya na may takot

sa Diyos na magandang-loob.

Mabait na lubha, lalo sa mahirap,

ang pagiging mat’wid ay di nagwawakas.

Buong karangalan siyang itataas.

Mapalad s’ya na may takot

sa Diyos na magandang-loob.

sa Diyos na magandang-loob

ALELUYA: MISA ANTONIO
Pahayag 1, 8

Aleluya! Aleluya!

Ang sa aki’y nagmamahal

tutupad sa aking aral.

Ama’t ako’y mananahan.

Aleluya! Aleluya!

MABUTING BALITA:
Mateo 6, 1-6. 16-18

Ang Mabuting Balita ng Panginoon ayon kay San Mateo.

Noong panahong iyon, sinabi ni Hesus sa kanyang mga alagad, “Pag-ingatan ninyo na huwag maging pakitang-tao lamang ang paggawa ninyo ng mabuti. Kapag ganyan ang ginawa ninyo, wala kayong matatamong gantimpala buhat sa inyong Amang nasa langit.

“Kaya nga, kapag naglilimos ka, huwag mo nang ipagkamaingay ito, katulad ng ginagawa ng mga mapagpaimbabaw doon sa sinagoga at sa mga lansangan. Ginagawa nila ito upang purihin sila ng mga tao. Sinasabi ko sa inyo: tinanggap na nila ang kanilang gantimpala. Ngunit kung naglilimos ka, huwag mo nang ipaalam ito kahit sa iyong pinakamatalik na kaibigan upang malihim ang iyong paglilimos. At gagantihan ka ng iyong Amang nakakikita ng kabutihang ginagawa mo nang lihim.

“At kapag nananalangin kayo, huwag kayong tumulad sa mga mapagpaimbabaw. Mahilig silang manalangin nang patayo sa mga sinagoga at sa mga panulukang-daan, upang makita ng mga tao. Sinasabi ko sa inyo: tinanggap na nila ang kanilang gantimpala. Ngunit kapag mananalangin ka, pumasok ka sa iyong silid at isara mo ang pinto. Saka ka manalangin sa iyong Amang hindi mo nakikita, at gagantihan ka ng iyong Amang nakakikita ng kabutihang ginagawa mo nang lihim.

“Kapag nag-aayuno kayo, huwag kayong magmukhang malungkot, tulad ng mga mapagpaimbabaw. Hindi sila nag-aayos upang malaman ng mga tao na sila’y nag-aayuno. Sinasabi ko sa inyo: tinanggap na nila ang kanilang gantimpala. Kapag ikaw ay nag-aayuno mag-ayos ka ng buhok at maghilamos upang huwag mapansin ng mga tao na nag-aayuno ka. Ang iyong Amang hindi mo nakikita ang siya lamang makaaalam nito. Siya, na nakakakita ng kabutihang ginagawa mo nang lihim, ang gaganti sa iyo.”

Ang Mabuting Balita ng Panginoon.

OFFERTORIUM:
PAGGUNITA (MISA ANTONIO)

Koro:

Aming alay sa ‘Yo, Panginoon

Ang tinapay at alak na Iyong kaloob

Upang gunitain ang ‘Yong buhay na inialay

Nang tayo'y magdiwang bilang isang sambayanan

I:

Ang tinapay, ito ang Iyong laman,

At ang alak, ito ang Iyong dugo

Laman Mo'y inahain upang lahat ay buhayin

Dugo Mo ay dumanak nang lahat ay mapatawad

Koro:

Aming alay sa ‘Yo, Panginoon

Ang tinapay at alak na Iyong kaloob

Upang gunitain ang ‘Yong buhay na inialay

Nang tayo'y magdiwang bilang isang sambayanan

Koda:

Nang tayo'y magdiwang

bilang isang sam----bayanan

SANCTUS:
SANTO (MISA ANTONIO)

Santo, Santo, Santo

Panginoong Di-yos ng mga hukbo

Napupuno ang langit at lupa

ng kadakilaan mo

Osana sa kaitaasan!

Pinagpala ang naparirito

sa Ngalan ng Panginoon

Osana sa kaitaasan!

PAGGUNITA:
AMING IPINAHAHAYAG (MISA ANTONIO)

Aming ipinahahayag

na namatay ang 'Yong Anak

nabuhay bilang Mesiyas

at magbabalik sa wakas

Para mahayag sa lahat!

GRAN AMEN:
GREAT AMEN (AQUINO)

Amen, amen, amen

PATER NOSTER:
AMA NAMIN (MISA ANTONIO)

Ama namin, sumasalangit ka

Sambahin ang Ngalan mo

Mapasaamin ang kaharian mo

Sundin ang loob mo

Dito sa lupa para nang sa langit

Bigyan mo kami ngayon ng aming

kakanin sa araw-araw

At patawarin mo kami

sa aming mga sala

Para nang pagpapatawad namin

sa nagkakasala sa amin

At huwag mo kaming

ipahintulot sa tukso

At iadya mo kami

sa lahat ng masama

Sapagkat Iyo ang kaharian,

at ang kapangyarihan,

at ang kapurihan,

magpakailanman. Amen.

AGNUS DEI:
KORDERO NG DIYOS (MISA ANTONIO)

Kordero ng Diyos na nag-aalis

ng mga kasalanan ng sanlibutan,

maawa ka sa amin

Kordero ng Diyos na nag-aalis

ng mga kasalanan ng sanli--butan,

maawa ka sa amin

Kordero ng Diyos na nag-aalis

ng mga kasalanan ng sanlibutan,

ipagkaloob mo sa amin ang kapayapaan.

COMMUNIO 1:
PANALANGIN NG PAGIGING BUKAS-PALAD

I:

Panginoon, turuan Mo ako maging bukas-palad

Turuan Mo akong maglingkod sa Iyo

Na magbigay nang ayon sa nararapat

Na walang hinihintay mula sa 'Yo

II:

Nang makibakang di inaalintana

Mga hirap na dinaranas

Sa tuwina'y magsumikap na hindi humahanap

Ng kapalit na kaginhawaan

Na 'di naghihintay kundi ang aking mabatid

Na ang loob Mo'y siyang sinusundan

RECESSIO:
GIVE THANKS (MISA DELGADO BOOK VI)

Give thanks to the Lord and exhult His name

Give thanks to the Lord let us sing songs of praise

Shout with one voice and proclaim His words

Give thanks to the Lord all our days

Sing Alleluia, sing your song

Rejoice and be glad let us dance with joy

For Christ is our Lord, our Savior and King

Give thanks to the Lord, for He is Our God

Give thanks to the Lord all our days

Give thanks!

--END--