Paggunita kay Santa Agnes, dalaga at martir
1 Samuel 17, 32-33. 37. 40-51
Salmo 143, 1. 2. 9-10
Ang Poon ay papurihan,
siya ang aking sanggalang.
Marcos 3, 1-6
INTROIT:
Purihin Natin ang Diyos
from: Mga Awitin sa Misang Pilipino
Fr. Nemesio Que SJ
Koro:
Magsiawit kayo sa Panginoon, Aleluya!
Magsiawit sa Panginoon
Berso 1:
Purihin, purihin ang Kanyang Pangalan
Ipahayag, ipahayag ang dulot N'yang kaligtasan
Koro:
Magsiawit kayo sa Panginoon, Aleluya!
Magsiawit sa Panginoon
Koda:
Magsiawit sa Panginoon
UNANG PAGBASA:
1 Samuel 17, 32-33. 37. 40-51
Pagbasa mula sa unang aklat ni Samuel
Noong mga araw na iyon, pagdating kay Saul, sinabi ni David, “Di po tayo dapat masiraan ng loob dahil lang sa Filisteong ‘yon. Ako ang lalaban sa kanya.”
Sinabi ni Saul, “Hindi mo kaya ang Filisteong ‘yon! May gatas ka pa sa labi, samantalang siya’y isang kilabot na mandirigma.”
Idinugtong pa ni David, “Ang Diyos na nagligtas sa akin sa kuko ng mga leon at ng mga oso ay siya ring magliligtas sa akin sa Filisteong iyon.”
Kaya’t sinabi ni Saul, “Kung gayon, labanan mo siya at patnubayan ka nawa ng Panginoon.” Pagkatapos, dinampot niya ang kanyang tungkod. Namulot siya ng limang makikinis na bato sa sapa, isinilid sa kanyang supot na pampastol at lumakad upang harapin si Goliat.
Si Goliat naman ay lumakad ding papalapit kay David, sa hulihan ng tagadala ng kanyang mga sandata. Nang makita niyang si David ay musmos, hinamak niya ito, at pakutyang tinanong, “Anong akala mo? Aso ba ang lalabanan mo at tungkod lang ang dala mo?” At si David ay sinumpa ni Goliat sa ngalan ng kanyang diyos. Sinabi pa niya, “Halika nga rito’t nang maipakain kita sa mga ibon at mga hayop.”
Sumagot si David, “Ang dala mo’y tabak, sibat at balaraw, ngunit lalabanan kita sa ngalan ng Panginoon, ang Makapangyarihang Diyos ng Israel na iyong hinahamak. Ibibigay ka niya sa akin ngayon! Pupugutin ko ang ulo mo at ipapakain kita sa mga ibon at sa mga hayop, pati ang iyong mga kasamahan. Sa gayon, malalaman ng daigdig na ang Diyos ng Israel ay buhay. At makikita ng lahat ng narito na makapagliligtas ang Panginoon kahit walang tabak at sibat. Siya’y makapangyarihan at ipalulupig niya kayo sa amin.”
Nagpatuloy ng paglapit si Goliat. Patakbo siyang sinalubong ni David, habang dumudukot ng bato sa kanyang supot. Tinirador niya si Goliat at tinamaan ito sa noo. Bumaon ang bato at si Goliat ay padapang bumagsak. Natalo ni David si Goliat sa pamamagitan nga ng tirador. Napatay niya ito bagamat wala siyang tabak. At patakbong lumapit si David, tumayo sa likod ni Goliat, binunot ang tabak nito, at pinugutan ng ulo.
SALMONG TUGUNAN:
Salmo 143, 1. 2. 9-10
Ang Poon ay papurihan,
siya ang aking sanggalang.
Purihin ang Poon, na aking sanggalang,
sa pakikibaka, ako ay sinanay;
inihanda ako, upang makilaban.
Ang Poon ay papurihan,
siya ang aking sanggalang.
Matibay kong muog at Tagapagligtas,
at aking tahanang hindi matitinag;
Tagapagligtas kong pinagtitiwalaan,
nilulupig niya ang sakop kong bayan.
Ang Poon ay papurihan,
siya ang aking sanggalang.
O Diyos, may awitin akong bagung-bago,
alpa’y tutugtugin at aawit ako.
Tagumpay ng hari ay iyong kaloob,
at iniligtas mo si David mong lingkod.
Ang Poon ay papurihan,
siya ang aking sanggalang.
ALELUYA:
from Misa Antonio
Mateo 4, 23
Aleluya! Aleluya!
Ipinangaral ni Hesus
ang paghahari ng Diyos.
Sakit ay kanyang ginamot.
Aleluya! Aleluya!
MABUTING BALITA:
Marcos 3, 1-6
Ang Mabuting Balita ng Panginoon ayon kay San Marcos
Noong panahong iyon, muling pumasok si Hesus sa sinagoga, at naratnan niya roon ang isang lalaking patay ang isang kamay. Kaya’t binantayan si Hesus ng ilang taong naroon upang tingnan kung pagagalingin niya ang lalaking iyon sa Araw ng Pamamahinga, para may maiparatang sila sa kanya. Tinawag ni Hesus ang lalaking patay ang kamay: “Halika rito sa unahan!” Tinanong niya pagkatapos ang mga tao, “Alin ba ang ayon sa Kautusan: ang gumawa ng mabuti o gumawa ng masama sa Araw ng Pamamahinga? Magligtas ng buhay o pumatay?” Ngunit hindi sila sumagot. Habang tinitingan ni Hesus ang mga taong nasa paligid niya, galit at lungkot ang nabadha sa kanyang mukha, dahil sa katigasan ng kanilang ulo. Bumaling siya sa lalaki at sinabi, “Iunat mo ang iyong kamay.” Iniunat naman ng lalaki ang kanyang kamay at ito’y gumaling. Umalis ang mga Pariseo at nakipagsabwatan sa mga kampon ni Herodes upang ipapatay si Hesus.
Ang Mabuting Balita ng Panginoon.
OFFERTORIUM:
Alay
from the Fifth Gospel
Nez Marcelo
Berso 1:
Narito, Panginoon
mga alay naming taglay
Nawa ito'y karapat-dapat sa kabanalan mo
Tanggapin Mo, Panginoon
mga gawa ng aming kamay
Ang bunga ng pag-ibig Mo,
Dugo at Katawan.
Koro:
Kapuri-puri ka, O Diyos
na lumikha sa'ming lubos
Mula sa kabutihan Mo
ang alak at tinapay
ngayo'y aming alay
Dahil sa pag-ibig mo
kami ngayon ay narito
Buklod-buklod nawa kaming maglingkod sa Iyo
SANCTUS:
Santo
from Misa Antonio
Allan Antonio
Santo, Santo, Santo
Panginoong Diyos ng mga hukbo
napupuno ang langit at lupa ng kadakilaan mo
Osana sa kaitaasan!
Pinagpala ang naparirito
sa Ngalan ng Panginoon
Osana sa kaitaasan!
MYSTERIUM FIDEI:
Aming Ipinahahayag
from Misa Antonio
Allan Antonio
Aming ipinahahayag
na namatay ang Iyong Anak
nabuhay bilang Mesiyas
at magbabalik sa wakas
para mahayag sa lahat!
GRAN AMEN:
Dakilang Amen (Songs for Ordinary)
from Songs for Ordinary
Arnel DC Aquino, S.J.
PATER NOSTER:
Ama Namin
from Misa Antonio
Allan Antonio
Ama namin, sumasalangit ka
Sambahin ang ngalan mo
Mapasaamin ang kaharian mo
Sundin ang loob mo
Dito sa lupa para nang sa langit.
Bigyan mo kami ngayon ng aming
kakanin sa araw-araw
at patawarin mo kami
sa aming mga sala.
Para nang pagpapatawad namin
sa nagkakasala sa amin
at huwag mo kaming ipahintulot sa tukso
at iadya mo kami sa lahat ng masama
COMMUNIO:
Supper of the Lord
from Journeysongs Third Edition: Volume 26
Laurence Rosania
Refrain:
Precious Body, precious Blood
Seen as bread and wine
Here the Lord prepares the feast divine
Bread of love is broken now
Cup of life is poured
Come share the supper of the Lord
Verse 1:
This is the bread of God
Coming down from heav'n
Giving life to us, to all the world
Refrain:
Precious Body, precious Blood
Seen as bread and wine
Here the Lord prepares the feast divine
Bread of love is broken now
Cup of life is poured
Come share the supper of the Lord
Verse 2:
I am the living spring of eternal life
You that drink from me shall not thirst again
Refrain:
Precious Body, precious Blood
Seen as bread and wine
Here the Lord prepares the feast divine
Bread of love is broken now
Cup of life is poured
Come share the supper of the Lord
Verse 3:
I am the bread of heav'n
giving life to you
You that eat this bread shall never die
Refrain:
Precious Body, precious Blood
Seen as bread and wine
Here the Lord prepares the feast divine
Bread of love is broken now
Cup of life is poured
Come share the supper of the Lord
Verse 4:
All those who feed on me
Have their life in me
As I have my life in the living God
Refrain:
Precious Body, precious Blood
Seen as bread and wine
Here the Lord prepares the feast divine
Bread of love is broken now
Cup of life is poured
Come share the supper of the Lord
RECESSIO:
Sama-samang Ipangalat
from Ang Pista ng Sambayanan
Manoling Francisco
Koro: 2x
Sama-samang ipangalat
ang pag-ibig ng Panginoon
Sama-samang tamasahin,
kaligtasan ng Panginoon.
WAKAS
