Ikalawang Linggo ng Pasko ng Muling Pagkabuhay (A)
Mga Gawa 2, 42-47
Salmo 117, 2-4. 13-15. 22-24
Butihing Poo’y purihin,
pag-ibig n’ya’y walang maliw.
1 Pedro 1, 3-9
Juan 20, 19-31
Pambungad na Awit:
Magalak Tayong Lahat
Ferdinand Bautista
Koro:
Magalak tayong lahat!
Si Hesukristo'y nabuhay
nanaig sa kamatayan!
Aleluya! Aleluya!
Berso 2:
"Ako ay inyong hawakan",
sabi ng Panginoon
"Damhin ang mga sugat,
manalig at maniwala."
Koro:
Magalak tayong lahat!
Si Hesukristo'y nabuhay
nanaig sa kamatayan!
Aleluya! Aleluya!
Berso 3:
Si Hesus ay nagpakita
samantalang sama-sama
Alagad N’yang labing isa,
“kapayapaan” pagbati N’ya!
Koro:
Magalak tayong lahat!
Si Hesukristo'y nabuhay
nanaig sa kamatayan!
Aleluya! Aleluya!
Berso 1:
Panginoon ang naghirang,
sa tinubos Niyang bayan.
Nagpupuring mga hinirang,
masayang nagdiriwang!
Koro: 2x
Magalak tayong lahat!
Si Hesukristo'y nabuhay
nanaig sa kamatayan!
Aleluya! Aleluya!
Panginoon, Kaawaan Mo Kami:
Panginoon, Kaawaan Mo Kami (Misa de la Reina)
Elliot Jerome Eustacio
Papuri sa Diyos:
Papuri sa Diyos (Solemne)
Jeffrey Miguel
Papuri sa Diyos sa kaitaasan
at sa lupa’y kapayapaan
sa mga taong kinalulugdan niya.
Pinupuri ka namin,
dinarangal ka namin,
sinasamba ka namin,
ipinagbubunyi ka namin,
pinasasalamatan ka namin,
dahil sa dakila mong angking kapurihan.
Panginoong Diyos, Hari ng langit,
Diyos, Amang makapangyarihan sa lahat.
Panginoong Hesukristo, Bugtong na Anak,
Panginoong Diyos, Kordero ng Diyos,
Anak ng Ama.
Ikaw na nag-aalis ng mga kasalanan ng sanlibutan,
maawa ka sa amin.
Ikaw na nag-aalis ng mga kasalanan ng sanlibutan,
tanggapin mo ang aming kahilingan.
Ikaw na naluluklok sa kanan ng Ama,
maawa ka sa amin.
Sapagkat Ikaw lamang ang banal,
Ikaw lamang ang Panginoon,
Ikaw lamang, O Hesukristo, ang kataas-taasan,
kasama ng Espiritu Santo,
sa kadakilaan ng Diyos Ama.
Amen! Amen!
Unang Pagbasa:
Pagbasa mula sa mga Gawa ng mga Apostol
Mga Gawa 2, 42-47
Ang mga kapatid ay nanatili sa itinuro ng mga apostol, sa pagsasama-sama bilang magkakapatid, sa paghahati-hati ng tinapay, at sa pananalangin.
Dahil sa maraming himalang nagawa sa pamamagitan ng mga apostol, naghari sa lahat ang magkahalong pitagan at takot. At nagsama-sama ang lahat ng sumasampalataya at para sa lahat ng kanilang ari-arian. Ipinagbibili nila ito at ang pinagbilhan ay ipinamamahagi sa lahat ayon sa pangangailangan ng bawat isa. Araw-araw, sila’y nagkakatipon sa templo, naghahati-hati ng tinapay sa kanilang tahanan, at nagsasalu-salong masaya ang kalooban. Nagpupuri sila sa Diyos at kinalulugdan ng lahat ng tao. Bawat araw ay idinaragdag sa kanila ng Panginoon ang mga inililigtas.
Ang Salita ng Diyos.
Salmong Tugunan:
Salmo 117, 2-4. 13-15. 22-24
(cantor first then, choir)
Butihing Poo’y purihin,
pag-ibig n’ya’y walang maliw.
Ang taga-Israel, bayaang sabihi’t kanilang ihayag,
“Ang pag-ibig ng Diyos, ay hindi kukupas.”
Mga saserdote ng Diyos na Panginoon,
bayaang magsaysay:
“Ang pag-ibig ng Diyos, walang katapusan.”
Lahat ng may takot sa Panginoong Diyos, dapat magpahayag,
“Ang pag-ibig niya’y hindi magwawakas.”
Butihing Poo’y purihin,
pag-ibig n’ya’y walang maliw.
Sinalakay ako’t halos magtagumpay ang mga kaaway,
dahilan sa roon sila’y napipilan.
Dahilan sa roon ako’y pinalakas, at ako’y tumatag;
Siya, sa buhay ko, ang Tagapagligtas.
Dinggin ang masayang sigawan sa tolda ng mga hinirang:
“Panginoo’y siyang lakas na patnubay.”
Butihing Poo’y purihin,
pag-ibig n’ya’y walang maliw.
Ang batong natakwil
ng nangagtatayo ng tirahang-bahay,
sa lahat ng bato’y higit na mahusay.
Ang lahat ng ito ang nagpamalas ay ang Panginoong Diyos,
kung iyong mamasdan ay kalugud-lugod.
Butihing Poo’y purihin,
pag-ibig n’ya’y walang maliw.
Ikalawang Pagbasa:
Pagbasa mula sa unang sulat ni Apostol San Pedro
1 Pedro 1, 3-9
Pagbasa mula sa unang sulat ni Apostol San Pedro
Purihin natin ang Diyos at Ama ng ating Panginoong Hesukristo. Dahil sa laki ng habag niya sa atin, tayo’y isinilang sa isang panibagong buhay sa pamamagitan ng muling pagkabuhay ni Hesukristo. Ang bagong buhay na iyan ang nagbigay sa atin ng malaking pag-asa na kakamtan natin ang isang kayamanang walang kapintasan, di masisira, at di kukupas. Ang kayamanang iya’y nakalaan sa inyo doon sa langit. Sapagkat kayo’y sumampalataya, iingatan kayo ng kapangyarihan ng Diyos samantalang hinihintay ninyo ang kaligtasang nakalaang ihayag sa katapusan ng mga panahon.
Ito’y dapat ninyong ikagalak, bagamat maaaring magdanas muna kayo ng iba’t ibang pagsubok sa loob ng maikling panahon. Ang ginto, na nasisira, ay pinararaan sa apoy upang malaman kung talagang dalisay. Gayun din naman, ang inyong pananampalataya, na higit kaysa ginto, ay pinararaan sa pagsubok upang malaman kung talagang tapat. Sa gayon, kayo’y papupurihan, dadakilain, at pararangalan sa Araw na mahayag si Hesukristo. Hindi ninyo siya nakita kailanman, ngunit nananalig na kayo sa kanya. Dahil dito’y nag-uumapaw na sa inyong puso ang kagalakang di kayang ilarawan sa salita. Sapagkat inaani na ninyo ang bunga ng inyong pananampalataya — ang inyong kaligtasan.
Ang Salita ng Diyos.
Awit Pambungad sa Mabuting Balita:
Alleluia (Light from Light)
Manoling Francisco
Juan 20, 29
Mapalad at maligaya
ang sumasampalataya
sa di nakita ng mata!
Mabuting Balita:
Ang Mabuting Balita ng Panginoon ayon kay San Juan
Juan 20, 19-31
Kinagabihan ng Linggo ding iyon, ang mga alagad ay nagkakatipon. Nakapinid ang mga pinto ng bahay na kanilang pinagtitipunan dahil sa takot nila sa mga Judio. Dumating si Hesus at tumayo sa gitna nila. “Sumainyo ang kapayapaan!” sabi niya. Pagkasabi nito, ipinakita niya ang kanyang mga kamay at ang kanyang tagiliran. Tuwang-tuwa ang mga alagad nang makita ang Panginoon. Sinabi na naman ni Hesus, “Sumainyo ang kapayapaan! Kung paanong sinugo ako ng Ama, gayun din naman, sinusugo ko kayo.” Pagkatapos, sila’y hiningahan niya at sinabi, “Tanggapin ninyo ang Espiritu Santo. Ang patawarin ninyo sa kanilang mga kasalanan ay pinatawad na nga; ang hindi ninyo patawarin ay hindi nga pinatawad.”
Ngunit si Tomas na tinaguriang Kambal, isa sa Labindalawa, ay wala roon nang dumating si Hesus. Kaya’t sinabi sa kanya ng ibang alagad, “Nakita namin ang Panginoon!” Sumagot si Tomas, “Hindi ako maniniwala hangga’t di ko nakikita ang butas ng mga pako sa kanyang mga kamay, at naisusuot dito ang aking daliri, at hangga’t hindi ko naipapasok ang aking kamay sa kanyang tagiliran.”
Makalipas ang walong araw, muling nagkatipon sa loob ng bahay ang mga alagad; kasama nila si Tomas. Nakapinid ang mga pinto, ngunit pumasok si Hesus at tumayo sa gitna nila. Sinabi niya, “Sumainyo ang kapayapaan!” Saka sinabi kay Tomas, “Tingnan mo ang aking mga kamay at ilapit dito ang iyong daliri. Ipasok mo ang iyong kamay sa aking tagiliran. Huwag ka nang mag-alinlangan, maniwala ka na.” Sumagot si Tomas, “Panginoon ko at Diyos ko!” Sinabi sa kanya ni Hesus, “Naniniwala ka na ba sapagkat nakita mo ako? Mapapalad ang mga naniniwala kahit hindi nila ako nakita.”
Marami pang kababalaghang ginawa si Hesus na nasaksihan ng mga alagad, ngunit hindi natatala sa aklat na ito. Ang natala rito’y sinulat upang sumampalataya kayong si Hesus ang Mesiyas, ang Anak ng Diyos, at sa gayo’y magkaroon kayo ng buhay sa pamamagitan niya.
Ang Mabuting Balita ng Panginoon.
Awit sa Paghahanda sa Pag-aalay:
Awit ng Paghahandog
Manoling Francisco
Koro:
Ikaw ang alak at tinapay ng langit
Ikaw ang kaligtasang aming nakamit
Pagsamo ng iyong baya'y pakinggan
Maging marapat na ika'y pagsaluhan
Berso 1:
Alay na hatid sa dambanang banal
Lakip nito'y bahagi ng aming nakayanan
Hindi lang dahil sa gawa naming kulang
Kundi sa pag-ibig mong kami'y pinupunan
Koro:
Ikaw ang alak at tinapay ng langit
Ikaw ang kaligtasang aming nakamit
Pagsamo ng iyong baya'y pakinggan
Maging marapat na ika'y pagsaluhan
Berso 2:
Itong bunga ng aming pagpapagal
Ang hain na ngayo'y binabasbasan
Kung sa pagpitas at pag-ani'y dala
Biyayang tanging sa iyo nagmumula
Koro:
Ikaw ang alak at tinapay ng langit
Ikaw ang kaligtasang aming nakamit
Pagsamo ng iyong baya'y pakinggan
Maging marapat na ika'y pagsaluhan
Santo:
Santo (Ang Pista ng Sambayanan)
Manoling Francisco
Santo, Santo, Santo
Panginoong Diyos ng mga hukbo
napupuno ang langit at lupa
ng kadakilaan mo
Osana, Osana sa kaitaasan!
Osana, Osana sa kaitaasan!
Pinagpala ang naparirito
sa ngalan ng Panginoon
Osana, Osana sa kaitaasan!
Osana, Osana sa kaitaasan!
Osana, Osana sa kaitaasan!
Osana, Osana sa kaitaasan!
Pagbubunyi:
Aming Ipinahahayag (Ang Pista ng Sambayanan)
Manoling Francisco
Aming ipinahahayag
na namatay ang iyong Anak
nabuhay bilang Mesiyas
at magbabalik sa wakas
para mahayag sa lahat
Dakilang Amen:
Amen (Ang Pista ng Sambayanan)
Manoling Francisco
Ama Namin/Sapagkat:
Ama Namin/Sapagkat (Sa Iyong Tahanan)
John Paul Morales
Ama namin, sumasalangit ka
Sambahin ang ngalan mo
Mapasaamin ang kaharian mo
Sundin ang loob mo
Dito sa lupa para nang sa langit.
Bigyan mo kami ngayon
ng aming kakanin sa araw-araw
at patawarin mo kami
sa aming mga sala.
Para nang pagpapatawad namin
sa nagkakasala sa amin
at huwag mo kaming ipahintulot sa tukso
at iadya mo kami sa lahat ng masama
Sapagkat Iyo ang kaharian,
at ang kapangyarihan,
at ang kapurihan,
magpakailanman. Amen.
Kordero ng Diyos:
Kordero ng Diyos (Mass of Mercy & Compassion)
Manoling Francisco
Kordero ng Diyos na nag-aalis
ng mga kasalanan ng sanlibutan,
maawa ka sa amin.
Kordero ng Diyos na nag-aalis
ng mga kasalanan ng sanlibutan,
maawa ka sa amin.
Agnus Dei, qui tollis
peccata mundi, dona nobis pacem.
dona nobis pacem,
dona nobis pacem.
Pakikinabang:
In My Heart
Manoling Francisco
Refrain:
In my heart I know my Savior lives
I can hear Him calling tenderly my name
Over sin and death He has prevailed
In His glory, in His new life we partake
Verse 1:
I know He lives as He has promised
For me He's risen that from fear I may be free
Not even death can separate me
From Him whose love and might remain in me
Refrain:
In my heart I know my Savior lives
I can hear Him calling tenderly my name
Over sin and death He has prevailed
In His glory, in His new life we partake
Verse 2:
For I have seen and touched Him risen
To all the world will I proclaim His majesty
With joy I sing to tell His story
That in our hearts may live His memory
Refrain:
In my heart I know my Savior lives
I can hear Him calling tenderly my name
Over sin and death He has prevailed
In His glory, in His new life we partake
Verse 3:
And all the earth shall bow before Him
His blessed name all will adore on bended knee
His truth shall reign, so shall His justice
In Christ, my Savior, let all glory be
Refrain:
In my heart I know my Savior lives
I can hear Him calling tenderly my name
Over sin and death He has prevailed
In His glory, in His new life we partake
Coda:
In my heart I know my Savior lives
In His glory, in His new life we partake
Pangwakas na Awit:
Humayo't Ihayag
Manoling Francisco
Humayo't ihayag (Purihin Siya!)
At ating ibunyag (Awitan Siya!)
Pagliligtas ng Diyos na sa krus ni Hesus
Ang Siyang sa mundo'y tumubos
Langit at lupa, Siya'y papurihan
Araw at tala, Siya'y parangalan
Ating 'pagdiwang pag-ibig ng Diyos sa tanan
Aleluya
At isigaw sa lahat
Kalinga Niya'y wagas
Kayong dukha't salat
Pag-ibig Niya sa inyo at tapat
Halina't sumayaw (Buong bayan!)
Lukso sabay sigaw (Sanlibutan!)
Ang ngalan Niyang angkin singningning ng bituin
Liwanag ng Diyos sumaatin
Langit at lupa, Siya'y papurihan
Araw at tala, Siya'y parangalan
Ating 'pagdiwang pag-ibig ng Diyos sa tanan!
(Diyos sa tanan!)
Ating 'pagdiwang pag-ibig ng Diyos sa tanan!
Aleluya! Aleluya! Aleluya!
WAKAS
