Ikalawang Linggo ng Pasko ng Muling Pagkabuhay (A)
Mga Gawa 2, 14. 22-23
Salmo 15, 1-2a at 5. 7-8. 9-10. 11
Ituro mo ang landasin
ng buhay kong hahantungin.
1 Pedro 1, 17-21
Lucas 24, 13-35
Pambungad na Awit:
Magalak Tayong Lahat
Ferdinand Bautista
Koro:
Magalak tayong lahat!
Si Hesukristo'y nabuhay
nanaig sa kamatayan!
Aleluya! Aleluya!
Berso 1:
Panginoon ang naghirang,
sa tinubos Niyang bayan.
Nagpupuring mga hinirang,
masayang nagdiriwang!
Koro:
Magalak tayong lahat!
Si Hesukristo'y nabuhay
nanaig sa kamatayan!
Aleluya! Aleluya!
Berso 2:
"Ako ay inyong hawakan",
sabi ng Panginoon
"Damhin ang mga sugat,
manalig at maniwala."
Koro:
Magalak tayong lahat!
Si Hesukristo'y nabuhay
nanaig sa kamatayan!
Aleluya! Aleluya!
Berso 3:
Si Hesus ay nagpakita
samantalang sama-sama
Alagad N’yang labing isa,
“kapayapaan” pagbati N’ya!
Koro: 2x
Magalak tayong lahat!
Si Hesukristo'y nabuhay
nanaig sa kamatayan!
Aleluya! Aleluya!
Papuri sa Diyos:
Gloria (Isang Himig)
Elliot Jerome Eustacio
Gloria! Gloria! in excelsis Deo!
Gloria! Gloria! in excelsis Deo!
at sa lupa’y kapayapaan
sa mga taong kinalulugdan niya.
Pinupuri ka namin,
dinarangal ka namin,
sinasamba ka namin,
ipinagbubunyi ka namin.
Gloria! Gloria! in excelsis Deo!
Gloria! Gloria! in excelsis Deo!
pinasasalamatan ka namin,
sa'Yong dakilang angking kapurihan.
Panginoong Diyos, Hari ng langit,
Diyos, Amang makapangyarihan sa lahat.
Panginoong Hesukristo, Bugtong na Anak,
Panginoong Diyos, Kordero ng Diyos,
Anak ng Ama.
Gloria! Gloria! in excelsis Deo!
Gloria! Gloria! in excelsis Deo!
Ikaw na nag-aalis
ng mga kasalanan ng sanlibutan,
maawa ka sa amin.
Ikaw na nag-aalis
ng mga kasalanan ng sanlibutan,
tanggapin mo ang aming kahilingan.
Ikaw na naluluklok sa kanan ng Ama,
maawa ka sa amin,
maawa ka sa amin.
Gloria! Gloria! in excelsis Deo!
Gloria! Gloria! in excelsis Deo!
Sapagkat Ikaw lamang ang banal,
at ang kataas-taasan
Ikaw lamang, O Hesukristo, ang Panginoon
kasama ng Espiritu Santo,
sa kadakilaan ng Diyos Ama. Amen!
Gloria! Gloria! in excelsis Deo!
Gloria! Gloria! in excelsis Deo!
A-amen!
Unang Pagbasa:
Pagbasa mula sa Mga Gawa ng mga Apostol
Mga Gawa 2, 14. 22-33
Noong araw ng Pentekostes, tumayo si Pedro at ang labing-isang apostol, at nagsalita siya nang malakas, “Mga kababayan, at mga naninirahan sa Jerusalem: pakinggan ninyong mabuti ang aking sasabihin. Mga Israelita, pakinggan ninyo ito! Si Hesus na taga-Nazaret ay sinugo ng Diyos. Pinatutunayan ito ng mga himala, mga kababalaghan, at mga tandang ginawa ng Diyos sa pamamagitan niya. Alam ninyo ito sapagkat lahat ay naganap sa gitna ninyo. Ngunit ang taong ito na ibinigay sa inyo ayon sa pasiya at pagkaalam ng Diyos sa mula’t mula pa, ay ipinapako ninyo at ipinapatay sa mga makasalanan. Subalit siya’y muling binuhay ng Diyos at pinalaya sa kapangyarihan ng kamatayan. Hindi ito maaaring mamayani sa kanya, gaya ng sinabi ni David:
‘Nakita ko na laging nasa tabi ko ang Panginoon,
Siya’y kasama ko kaya’t hindi ako matitigatig.
Dahil dito, nagalak ang puso ko at umawit sa tuwa ang aking dila,
at ang katawan ko’y nahihimlay na may pag-asa.
Sapagkat ang kaluluwa ko’y di mo pababayaan sa daigdig ng mga patay,
at hindi mo itutulot na mabulok ang iyong Banal.
Itinuro mo sa akin ang mga landasing patungo sa buhay,
dahil sa ikaw ang kasama ko, ako’y mapupuspos ng kagalakan.’
“Mga kapatid, masasabi ko sa inyo nang tiyakan na ang patriyarkang si David ay namatay at inilibing; naririto ang kanyang libingan hanggang ngayon. Siya’y propeta at nalalaman niya ang pangako sa kanya ng Diyos: na magiging haring tulad niya ang isa sa kanyang mga inapo. Ang muling pagkabuhay ng Mesiyas ang nakita’t hinulaan ni David nang kanyang sabihin:
‘Hindi siya pinabayaan sa daigdig ng mga patay;
At hindi itinulot na mabulok ang kanyang katawan.’
Itong si Hesus ay muling binuhay ng Diyos, at saksi kaming lahat sa bagay na ito. Nang itaas siya sa kanan ng Diyos, tinanggap niya sa kanyang Ama ang ipinangakong Espiritu Santo at ito’y kanyang ipinagkaloob sa amin, tulad ng inyong nakikita at naririnig ngayon.”
Ang Salita ng Diyos.
Salmong Tugunan:
Salmo 15, 1-2a at 5. 7-8. 9-10. 11
(cantor first then, choir)
Ituro mo ang landasin
ng buhay kong hahantungin.
O Diyos, ako’y ingatan mo, ingatan ang iyong lingkod,
ang hangad ko ay maligtas kaya sa ‘yo dumudulog;
“Ika’y aking Panginoon,” ang wika ko sa aking Diyos,
“Kabutihang tinanggap ko, ay ikaw ang nagkaloob.”
Ikaw lamang, O Poon ko, ang lahat sa aking buhay,
ako’y iyong tinutugon sa lahat kong kailangan.
Ituro mo ang landasin
ng buhay kong hahantungin.
Pinupuri ko ang Poon na sa akin ay patnubay.
Kahit gabi diwa niya ang sa aki’y umaakay.
Nababatid ko na siya’y kasama ko oras-oras.
Sa piling n’ya kailanma’y hindi ako matitinag.
Ituro mo ang landasin
ng buhay kong hahantungin.
Kaya’t ako’y nagdiriwang, ang diwa ko’y nagagalak,
ang lagi kong nadarama’y hindi ako matitinag.
Pagkat di mo tutulutang ang mahal mo ay malagak,
sa balon ng mga patay upang doon ay maagnas.
Ituro mo ang landasin
ng buhay kong hahantungin.
Ituturo mo ang landas na buhay ang hahantungan,
sa piling mo’y madarama ang lubos na kagalakan;
ang tulong mo’y nagdudulot ng ligayang walang hanggan.
Ituro mo ang landasin
ng buhay kong hahantungin.
Ikalawang Pagbasa:
Pagbasa mula sa unang sulat ni Apostol San Pedro
1 Pedro 1, 17-21
Mga pinakamamahal ko:
Walang itinatangi ang Diyos. Pinahahalagahan niya ang bawat isa ayon sa mga ginawa nito. At yamang tinatawag ninyo siyang Ama, igalang ninyo siya habang kayo’y nabubuhay. Alam ninyo kung ano ang itinubos sa inyo sa walang kabuluhang pamumuhay na inyong minana sa inyong mga magulang. Ang itinubos sa inyo’y di mga bagay na nasisira o nauubos, paris ng ginto o pilak, kundi ang buhay ni Kristong inihain sa krus. Siya ang Korderong walang batik at kapintasan. Itinalaga na siya ng Diyos sa gawaing ito bago pa nilikha ang daigdig, at alang-alang sa inyo, ipinahayag siya bago sumapit ang katapusan ng mga panahon. Dahil sa kanya, nanalig kayo sa Diyos na sa kanya’y muling bumuhay at nagparangal, anupat ang inyong pananampalataya at pag-asa ay nasa Diyos.
Ang Salita ng Diyos.
Awit Pambungad sa Mabuting Balita:
Alleluia (Light from Light)
Manoling Francisco
Lucas 24, 32
Poong Hesus, aming hiling
Kasulata’y liwanagin
kami ngayo’y pag-alabin.
Mabuting Balita:
Ang Mabuting Balita ng Panginoon ayon kay San Juan
Lucas 24, 13-35
Ang Mabuting Balita ng Panginoon ayon kay San Lucas
Nang Linggo ding iyon, ang dalawa sa mga alagad ay patungo sa isang nayong tinatawag na Emaus, may labing-isang kilometro ang layo sa Jerusalem. Pinag-uusapan nila ang mga pangyayari. Samantalang nag-uusap sila at nagtatanungan, lumapit si Hesus at nakisabay sa kanila. Siya’y nakita nila, ngunit hindi nakilala agad. Tinanong sila ni Hesus, “Ano ba ang pinag-uusapan ninyo?” At tumigil silang nalulumbay. Sinabi ng isa na ang ngala’y Cleopas, “Kayo lamang po yata ang dayuhan sa Jerusalem na hindi nakaaalam sa mga bagay na katatapos pa lamang nangyari roon.” “Anong mga bagay?” tanong niya. At sumagot sila, “Tungkol kay Hesus na taga-Nazaret, isang propetang makapangyarihan sa gawa at salita, maging sa harapan ng Diyos at ng mga tao. Isinakdal siya ng aming mga punong saserdote at mga pinuno upang mahatulang mamatay, at siya ay ipinako sa krus. Siya pa naman ang inaasahan naming magpapalaya sa Israel. Hindi lamang iyan. Ikatlong araw na ngayon mula nang mangyari ito; nabigla kami sa ibinalita ng ilan sa mga babaing kasamahan namin. Maagang-maaga raw silang nagpunta sa libingan, at di nila natagpuan ang kanyang bangkay. Nagbalik sila at ang sabi’y nakakita raw sila ng isang pangitain – mga anghel na nagsabing buhay si Hesus. Pumunta rin sa libingan ang ilan sa mga kasama namin at gayon nga ang natagpuan nila, ngunit hindi nila nakita si Hesus.”
Sinabi sa kanila ni Hesus, “Kay hahangal ninyo! Ano’t hindi ninyo mapaniwalaan ang lahat ng sinabi ng mga propeta? Hindi ba’t ang Mesiyas ay kailangang magbata ng lahat ng ito bago niya kamtan ang kanyang marangal na katayuan?” At ipinaliwanag sa kanila ni Hesus ang lahat ng nasasaad sa Kasulatan tungkol sa kanyang sarili, simula sa mga aklat ni Moises hanggang sa sinulat ng mga propeta.
Malapit na sila sa nayong kanilang patutunguhan, at si Hesus ay waring magpapatuloy pa ng lakad. Ngunit siya’y pinakapigil-pigil nila, “Tumuloy na po kayo rito sa amin,” anila, “sapagkat palubog na ang araw at dumidilim na.” Kaya’t sumama nga siya sa kanila. Nang siya’y kasalo na nila sa hapag, dumampot siya ng tinapay at nagpasalamat sa Diyos, saka pinaghati-hati at ibinigay sa kanila. Nabuksan ang kanilang paningin at nakilala nila si Hesus, subalit ito’y biglang nawala. At nawika nila, “Kaya pala gayon ang pakiramdam natin habang tayo’y kinakausap sa daan at ipinapaliwanag sa atin ang mga Kasulatan!”
Noon di’y tumindig sila at nagbalik sa Jerusalem. Naratnan nilang nagkakatipon ang Labing-isa at ang ibang mga kasama nila na nag-uusap-usap, “Muli ngang nabuhay ang Panginoon! Napakita kay Simon!” At isinalaysay naman ng dalawa ang nangyari sa daan, at kung paano nila siyang nakilala nang paghati-hatiin niya ang tinapay.
Ang Mabuting Balita ng Panginoon.
Awit sa Paghahanda sa Pag-aalay:
Ikaw ang Alak at Tinapay
Elliot Jerome Eustacio
Koro:
Ikaw ang alak at tinapay ng langit
Ikaw ang kaligtasang aming nakamit
Pagsamo ng iyong baya'y pakinggan
Maging marapat na ika'y pagsaluhan
Berso 1:
Alay na hatid sa dambanang banal
Lakip nito'y bahagi ng aming nakayanan
Hindi lang dahil sa gawa naming kulang
Kundi sa pag-ibig mong kami'y pinupunan
Koro:
Ikaw ang alak at tinapay ng langit
Ikaw ang kaligtasang aming nakamit
Pagsamo ng iyong baya'y pakinggan
Maging marapat na ika'y pagsaluhan
Berso 2:
Itong bunga ng aming pagpapagal
Ang hain na ngayo'y binabasbasan
Kung sa pagpitas at pag-ani'y dala
Biyayang tanging sa iyo nagmumula
Koro:
Ikaw ang alak at tinapay ng langit
Ikaw ang kaligtasang aming nakamit
Pagsamo ng iyong baya'y pakinggan
Maging marapat na ika'y pagsaluhan
Santo:
Santo (Ang Pista ng Sambayanan)
Manoling Francisco
Santo, Santo, Santo
Panginoong Diyos ng mga hukbo
napupuno ang langit at lupa
ng kadakilaan mo
Osana, Osana sa kaitaasan!
Osana, Osana sa kaitaasan!
Pinagpala ang naparirito
sa ngalan ng Panginoon
Osana, Osana sa kaitaasan!
Osana, Osana sa kaitaasan!
Osana, Osana sa kaitaasan!
Osana, Osana sa kaitaasan!
Pagbubunyi:
Aming Ipinahahayag (Ang Pista ng Sambayanan)
Manoling Francisco
Aming ipinahahayag
na namatay ang iyong Anak
nabuhay bilang Mesiyas
at magbabalik sa wakas
para mahayag sa lahat
Dakilang Amen:
Amen (Ang Pista ng Sambayanan)
Manoling Francisco
Ama Namin/Sapagkat:
Ama Namin/Sapagkat (Sa Iyong Tahanan)
John Paul Morales
Ama namin, sumasalangit ka
Sambahin ang ngalan mo
Mapasaamin ang kaharian mo
Sundin ang loob mo
Dito sa lupa para nang sa langit.
Bigyan mo kami ngayon
ng aming kakanin sa araw-araw
at patawarin mo kami
sa aming mga sala.
Para nang pagpapatawad namin
sa nagkakasala sa amin
at huwag mo kaming ipahintulot sa tukso
at iadya mo kami sa lahat ng masama
Sapagkat Iyo ang kaharian,
at ang kapangyarihan,
at ang kapurihan,
magpakailanman. Amen.
Kordero ng Diyos:
Kordero ng Diyos (Mass of Mercy & Compassion)
Manoling Francisco
Kordero ng Diyos na nag-aalis
ng mga kasalanan ng sanlibutan,
maawa ka sa amin.
Kordero ng Diyos na nag-aalis
ng mga kasalanan ng sanlibutan,
maawa ka sa amin.
Agnus Dei, qui tollis
peccata mundi, dona nobis pacem.
dona nobis pacem,
dona nobis pacem.
Pakikinabang:
Christ in Us, Our Hope of Glory
Jay-arr Felisilda Librando
Verse 1:
We felt your word burning within us
Your word unlocked the hardness of our hearts
And opened our eyes that we may see you
Hidden in the broken bread
Refrain:
Lord you laid down your life as bread and wine we see
Gave strength to our hearts and made us shine with glee
When we eat the bread and drink the cup of wine
We believe that Christ in us, is our hope of glory
Verse 2:
You brought a ray of light
And you rekindled our hope
And led our hearts to yearn for your love
For in you is our hope of glory
Refrain:
Lord you laid down your life as bread and wine we see
Gave strength to our hearts and made us shine with glee
When we eat the bread and drink the cup of wine
We believe that Christ in us, is our hope of glory
Bridge:
Through your own flesh, now made living
And by the Spirit made life-giving
You offer life to us
And as you sweat became like drops of blood
Falling down upon the ground
You shed your blood for us.
Amen!
Refrain:
Lord you laid down your life as bread and wine we see
Gave strength to our hearts and made us shine with glee
When we eat the bread and drink the cup of wine
We believe that Christ in us, is our hope of glory
Coda:
We believe that Christ in us,
is our hope of glory
Pangwakas na Awit:
Humayo't Ihayag
Manoling Francisco
Humayo't ihayag (Purihin Siya!)
At ating ibunyag (Awitan Siya!)
Pagliligtas ng Diyos na sa krus ni Hesus
Ang Siyang sa mundo'y tumubos
Langit at lupa, Siya'y papurihan
Araw at tala, Siya'y parangalan
Ating 'pagdiwang pag-ibig ng Diyos sa tanan
Aleluya
At isigaw sa lahat
Kalinga Niya'y wagas
Kayong dukha't salat
Pag-ibig Niya sa inyo at tapat
Halina't sumayaw (Buong bayan!)
Lukso sabay sigaw (Sanlibutan!)
Ang ngalan Niyang angkin singningning ng bituin
Liwanag ng Diyos sumaatin
Langit at lupa, Siya'y papurihan
Araw at tala, Siya'y parangalan
Ating 'pagdiwang pag-ibig ng Diyos sa tanan!
(Diyos sa tanan!)
Ating 'pagdiwang pag-ibig ng Diyos sa tanan!
Aleluya! Aleluya! Aleluya!
WAKAS
