Ika-23 Linggo sa Karaniwang Panahon (K) - Linggo, Setyembre 7, 2025

       

INTROIT:
Pagmamahal sa Panginoon
by Eduardo Hontiverso, S.J.

from Purihi’t Pasalamatan (Mga Piling Awitin Ni Fr. Honti Handog Ng Himig Heswita)

Koro:

Pagmamahal sa Panginoon

ay simula ng karunungan

Ang Kanyang kapuriha'y

manatili magpakailanman

Berso 1:

Purihin ang Panginoon,

Siya'y ating pasalamatan

Sa pagsasama at pagtitipon

ng Kanyang mga anak

Koro:

Pagmamahal sa Panginoon

ay simula ng karunungan

Ang Kanyang kapuriha'y

manatili magpakailanman

Berso 2:

Dakilang gawain ng D'yos,

karapat-dapat parangalan

Ng tanang mga taong

sumasamba sa Kanya

Koro:

Pagmamahal sa Panginoon

ay simula ng karunungan

Ang Kanyang kapuriha'y

manatili magpakailanman

Koda:

Ang Kanyang kapuriha'y

manatili magpakailanman

GLORIA:
Papuri sa Diyos
by Jeffrey Miguel

from Solemne: Seasons, Vol. 2

Papuri sa Diyos sa kaitaasan!

At sa lupa'y kapayapaan

Sa mga taong kinalulugdan Ni-ya.

Pinupuri ka namin,

dinarangal ka namin

Sinasamba ka namin,

ipinagbubunyi ka namin.

Pinasasalamatan ka namin

Dahil sa dakila mong angking kapurihan.

Panginoong Diyos,

Hari ng Langit

Diyos Amang makapangyarihan sa lahat.

Panginoong Hesukristo,

Bugtong na Anak

Panginoong Diyos, Kordero ng Diyos,

Anak ng Ama.

Ikaw na nag-aalis ng mga kasalanan ng sanlibutan,

maawa ka sa amin.

Ikaw na nag-aalis ng mga kasalanan ng sanlibutan,

tanggapin mo ang aming kahilingan.

Ikaw na naluluklok sa kanan ng Ama

maawa ka sa amin.

Sapagkat Ikaw lamang ang banal

Ikaw lamang ang Panginoon

Ikaw lamang, O Hesukristo

ang kataas-taasan

Kasama ng Espiritu Santo

sa kadakilaan ng Diyos Ama,

Amen, amen!

UNANG PAGBASA:
Karunungan 9, 13-18b

Pagbasa mula sa aklat ng Karunungan

“Sinong tao ang makatatarok ng kaisipan ng Diyos?

Sino ang makaaalam sa kalooban ng Panginoon?

Kapos ang kaisipan ng tao at marupok ang aming mga panukala.

Sapagkat ang aming kaluluwa ay binabatak na pababa

ng aming katawang may kamatayan.

Ang aming katawang lupa ay pabigat sa isipang punung-puno ng mga panukala.

Nahihirapan kami para mahulaan man lamang ang nilalaman ng daigdig;

nahihirapan din kami upang malaman kung ano ang mga bagay sa paligid namin.

Sino, kung gayon, ang makauunawa sa mga bagay na makalangit?

Walang makaaalam ng inyong kalooban malibang bigyan mo siya ng iyong Karunungan,

at lukuban ng inyong diwang banal mula sa kaitasaan.

Sa ganitong paraan lamang maiwawasto mo

ang mga tao sa matuwid na landas.”

Ang Salita ng Diyos.

SALMONG TUGUNAN:
Salmo 89, 3-4. 5-6. 12-13. 14 at 17

Poon, amin kang tahanan

noon, ngayon at kailanman. (2a)

Yaong taong nilikha mo’y bumabalik sa alabok

sa lupa ay nagbabalik kapag iyong iniutos.

Ang sanlibong mga taon ay para bang isang araw,

sa mata mo, Panginoon, isang kisapmata lamang;

isang saglit sa magdamag na ito ay dumaraan.

Poon, amin kang tahanan

noon, ngayon at kailanman.

Mga tao’y pumapanaw na para mong winawalis,

parang damo sa umagang tumubo sa panaginip.

Parang damong tumutubo, na may taglay na bulaklak,

kung gumabi’y nalalanta’t bulaklak ay nalalagas.

Poon, amin kang tahanan

noon, ngayon at kailanman.

Yamang itong buhay nami’y maikli lang na panahon,

itanim sa isip namin upang kami ay dumunong

hanggang kailan magtitiis na magdusa, Panginoon,

kaming iyong mga lingkod na naghihirap sa ngayon?

Poon, amin kang tahanan

noon, ngayon at kailanman.

Kung umaga’y ipadama yaong wagas mong pag-ibig,

at sa buong buhay may galak ang awit namin.

Panginoon naming Diyos, kami sana’y pagpalain,

magtagumpay sana kami sa anumang aming gawin!

Poon, amin kang tahanan

noon, ngayon at kailanman. (2a)

IKALAWANG PAGBASA:
Filemon 9b-10. 12-17

Pagbasa mula sa sulat ni Apostol San Pablo kay Filemon

Pinakamamahal ko, akong si Pablo, sugo ni Kristo Hesus at ngayo’y nakabilanggo dahil sa kanya, ang nakikiusap sa iyo tungkol kay Onesimo, na naakit ko sa pananampalataya samantalang ako’y naririto sa bilangguan.

Pinababalik ko siya sa iyo, at para ko nang ipinadala sa iyo ang aking puso. Ibig ko sanang panatilihin siya sa aking piling, upang, sa halip mo, siya ang maglingkod sa akin habang ako’y nabibilanggo dahil sa Mabuting Balita. Ngunit ayokong gawin iyon nang wala kang pahintulot upang hindi maging sapilitan kundi kusa ang pagtulong mo sa akin.

Marahil, nawalay sa iyo nang kaunting panahon si Onesimo upang sa pagbabalik niya’y makasama mo siya habang panahon – hindi na bilang alipin kungi isang minamahal na kapatid. Mahal siya sa akin, ngunit lalo na sa iyo – hindi lamang bilang isang alipin kundi isang kapatid pa sa Panginoon!

Kaya’t kung inaari mo akong tunay na kasama, tanggapin mo siya tulad ng pagtanggap mo sa akin.

Ang Salita ng Diyos.

ALELUYA:
Salmo 118, 135

Aleluya! Aleluya!

Poon, iyong pasikatin

kagandahan ng loobin

ng kabutihan mo sa ‘min.

Aleluya! Aleluya!

MABUTING BALITA:

Lucas 14, 25-33

Ang Mabuting Balita ng Panginoon ayon kay San Lucas

Noong panahong iyon, sumama kay Hesus ang napakaraming tao; humarap siya sa kanila at kanyang sinabi, “Hindi maaaring maging alagad ko ang sinumang umiibig sa kanyang ama at ina, asawa at mga anak, mga kapatid, at maging sa sarili niyang buhay nang higit sa akin. Ang sinumang hindi magpasan ng sariling krus at sumunod sa akin ay hindi maaaring maging alagad ko. Kung ang isa sa inyo’y nagbabalak magtayo ng tore, hindi ba uupo muna siya at tatayahin ang magugugol para malaman kung may sapat siyang salaping maipagpapatapos niyon? Baka mailagay ang mga pundasyon ngunit hindi naman maipatapos siya’y kukutyain ng lahat ng makakakita nito. Sasabihin nila: ‘Nagsimulang magtayo ang taong ito pero hindi naipatapos.’ O sinong hari na makikipagdigma sa kapwa hari ang hindi muna uupo at pag-aaralang mabuti kung ang sampunlibo niyang kawal ay maisasagupa sa kalaban na may dalawampunlibong tauhan? At kung hindi niya kaya, malayo pa ang kalaban ay magsusugo na siya ng mga kinatawan upang makipagkasundo. Gayun din naman, hindi maaaring maging alagad ko ang sinuman, kung hindi niya tatalikdan ang lahat sa kanyang buhay.”

Ang Mabuting Balita ng Panginoon.

OFFERTORIUM:

Alay
by Nez Marcelo

from The Fifth Gospel, Book 3

Berso 1:

Narito, Panginoon

mga alay naming taglay

Nawa ito'y karapat-dapat

sa kabanalanan mo

Tanggapin mo, Panginoon

mga gawa ng aming kamay

Ang bunga ng pag-ibig mo

Dugo at katawan

Koro:

Kapuri-puri ka, O Diyos

na lumikha sa'ming lubos

Mula sa kabutihan mo

ang alak at tinapay

ngayo'y aming alay

Dahil sa pag-ibig mo

kami ngayon ay narito

Buklod-buklod nawa kaming

maglingkod sa Iyo

(hu....)

Berso 1:

Narito, Panginoon

mga alay naming taglay

Nawa ito'y karapat-dapat

sa kabanalanan mo

Tanggapin mo, Panginoon

mga gawa ng aming kamay

Ang bunga ng pag-ibig mo

Dugo at katawan

Koro:

Kapuri-puri ka, O Diyos

na lumikha sa'ming lubos

Mula sa kabutihan mo

ang alak at tinapay

ngayo'y aming---- a--lay

Koda:

ang alak at tinapay

ngayo'y aming---- a--lay

SANCTUS:
Santo
by Allan Antonio

from Misa Antonio

Santo, Santo, Santo

Panginoong Diyos ng mga hukbo

napupuno ang langit at lupa ng kadakilaan mo

Osana sa kaitaasan!

Pinagpala ang naparirito

sa Ngalan ng Panginoon

Osana sa kaitaasan!

MYSTERIUM FIDEI:
Aming Ipinahahayag
by Allan Antonio

from Misa Antonio

Aming ipinahahayag

na namatay ang 'yong Anak

nabuhay bilang Mesiyas

at magbabalik sa wakas

para mahayag sa lahat!

GRAN AMEN:
Amen
by Arnel dC Aquino, S.J.

Amen, amen, amen

Amen, amen, amen

PATER NOSTER:
Ama Namin/Sapagkat
by Allan Antonio

from Misa Antonio

Ama namin, sumasalangit ka

Sambahin ang Ngalan mo

Mapasaamin ang kaharian mo

Sundin ang loob mo

Dito sa lupa para nang sa langit

Bigyan mo kami ngayon ng aming

kakanin sa araw-araw

at patawarin mo kami

sa aming mga sala

Para nang pagpapatawad namin

sa nagkakasala sa amin

at huwag mo kaming ipahintulot sa tukso

at iadya mo kami sa lahat ng masama

Sapagkat Iyo ang kaharian,

at ang kapangyarihan,

at ang kapurihan,

magpakailanman, amen.

AGNUS DEI:
Kordero ng Diyos
by Allan Antonio

from Misa Antonio

Kordero ng Diyos na nag-aalis

ng mga kasalanan ng sanlibutan,

maawa ka sa amin.

Kordero ng Diyos na nag-aalis

ng mga kasalanan ng sanlibutan,

maawa ka sa amin.

Kordero ng Diyos na nag-aalis

ng mga kasalanan ng sanlibutan,

ipagkaloob mo sa amin ang kapayapaan.

COMMUNIO opt. 1:
Take and Receive
by Manoling Francisco, S.J.

from The Best of Bukas Palad, Vol. 2

Take and receive, O Lord, my liberty  

Take all my will, my mind, my memory  

All things I hold and all I own are Thine  

Thine was the gift, to Thee I all resign 

Do Thou direct and govern all and sway  

Do what Thou wilt, command, and I obey  

Only Thy grace, Thy love on me bestow  

These make me rich, all else will I forego.

Do Thou direct and govern all and sway  

Do what Thou wilt, command, and I obey  

Only Thy grace, Thy love on me bestow  

These make me rich, all else will I forego.

COMMUNIO opt. 2:
Kung 'Yong Nanaisin
by Manoling Francisco, S.J.

from Tinapay ng Buhay

Berso 1: B

Kung 'Yong nanaisin, aking aakuin

At babalikatin ang krus Mong pasanin

Berso 2: G

Kung 'Yong iibigin, iputong sa akin

Koronang inangkin, pantubos sa amin

Koro:

Kung pipiliin, abang alipin

Sabay tahakin, krus na landasin

Galak ay akin, hapis ay 'di pansin

Ang 'Yong naisin, siyang susundin

Berso 3:

Kung 'Yong hahangarin, Kita'y aaliwin

At kakalingain, lumbay papawiin

Koro:

Kung pipiliin, abang alipin

Sabay tahakin, krus na landasin

Galak ay akin, hapis ay 'di pansin

Ang 'Yong naisin, siyang susundin

RECESSIO:
Diyos ng Pag-asa
by Mimo Perez

from Misa ng Pag-asa

Koro:

Ang bayan na nagdurusa,

nilingap at pinalaya Niya

Sa kawalang katiyakan di tayo iniwan

Kapiling S'ya’t kasama; kailanma’y di tayo mag-iisa

Kaya’t ipagbunyi ang D'yos, ang D'yos ng pag-asa!

Berso 1:

Hindi mo ba nadarama,

may ro'ng siglang kakaiba?

Ang bulag nakakakita,

ang pipi, kumakanta.

Koro:

Ang bayan na nagdurusa,

nilingap at pinalaya Niya

Sa kawalang katiyakan di tayo iniwan

Kapiling S'ya’t kasama; kailanma’y di tayo mag-iisa

Kaya’t ipagbunyi ang D'yos, ang D'yos ng pag-asa!

Koda:
Ang D'yos ng pag-asa!

ang D'yos ng pag-asa!

==WAKAS==