INTROIT:
Magpuri sa Panginoon
by Eduardo Hontiverso, S.J.
Magpuri sa Panginoon
by Eduardo Hontiverso, S.J.
from Mga Awitin sa Misang Pilipino
Koro:
Koro:
Magpuri kayo sa Panginoong D'yos
lahat ng santinakpan.
Magsiawit kayo at S'ya’y ipagdangal
magpakailanman.
Berso 1:
Magpuri kayo, mga anghel ng Diyos,
sa Panginoong Maykapal.
Magpuri kayo, mga langit,
sa D'yos na sa 'nyo lumikha.
Koro:
Magpuri kayo sa Panginoong D'yos
lahat ng santinakpan.
Magsiawit kayo at S'ya’y ipagdangal
magpakailanman.
Berso 2:
Magpuri kayo sa Panginoon,
buwan at araw at bituin.
Umawit sa Kanyang karangalan,
ulan at hamog at hangin.
Koro:
Magpuri kayo sa Panginoong D'yos
lahat ng santinakpan.
Magsiawit kayo at S'ya’y ipagdangal
magpakailanman.
Berso 3:
Tanang mga tao sa buong mundo,
banal at mabababang puso,
Purihin ninyo ang Panginoon,
sa sala tayo'y hinango.
Koro:
Magpuri kayo sa Panginoong D'yos
lahat ng santinakpan.
Magsiawit kayo at S'ya’y ipagdangal
magpakailanman.
Koda:
Magpakailanman
GLORIA:
Papuri sa Diyos
by Jeffrey Miguel
Papuri sa Diyos
by Jeffrey Miguel
from Solemne: Seasons, Vol. 2
Papuri sa Diyos sa kaitaasan!
At sa lupa'y kapayapaan
Sa mga taong kinalulugdan Ni-ya.
Pinupuri ka namin,
dinarangal ka namin
Sinasamba ka namin,
ipinagbubunyi ka namin.
Pinasasalamatan ka namin
Dahil sa dakila mong angking kapurihan.
Panginoong Diyos,
Hari ng Langit
Diyos Amang makapangyarihan sa lahat.
Panginoong Hesukristo,
Bugtong na Anak
Panginoong Diyos, Kordero ng Diyos,
Anak ng Ama.
Ikaw na nag-aalis ng mga kasalanan ng sanlibutan,
maawa ka sa amin.
Ikaw na nag-aalis ng mga kasalanan ng sanlibutan,
tanggapin mo ang aming kahilingan.
Ikaw na naluluklok sa kanan ng Ama
maawa ka sa amin.
Sapagkat Ikaw lamang ang banal
Ikaw lamang ang Panginoon
Ikaw lamang, O Hesukristo
ang kataas-taasan
Kasama ng Espiritu Santo
sa kadakilaan ng Diyos Ama,
Amen, amen!
UNANG PAGBASA:
Karunungan 13, 1-9
Karunungan 13, 1-9
Pagbasa mula sa aklat ng Karunungan
Napakahangal ang mga taong hindi nakakikilala sa Diyos.
Nakikita nila ang mabubuting bagay sa daigdig,
ngunit hindi nila makita ang Diyos na buhay.
Pinag-aaralan nila ang kanyang mga nilalang,
ngunit hindi nila nakilala siya, na lumalang sa mga ito.
Sa halip, ang apoy, ang mabilis na hangin, ang unos,
ang mga bituing naglalayag sa karurukan,
ang rumragasang tubig at ang mga tala sa kalangitan,
ang kinikilala nilang mga diyos na namamahala sa daigdig.
Kung kinilala nilang diyos ang mga ito dahil sa kanilang angking kariktan,
dapat ay nalaman nilang higit na dakila ang lumalang sa lahat ng iyan, ang Panginoong Maykapal.
Siya ang pinagmulan ng lahat ng kagandahan, ang lumikha sa lahat ng mga ito.
Kung namangha sila sa kapangyarihan ng mga ito,
dapat nilang malaman na higit ang kapangyarihan ng lumikha sa mga ito.
Sapagkat sa pagmalas natin sa kalawakan at kagandahan ng sangnilkha,
makikilala natin ang Lumikha.
Baka naman hindi sila dapat sisihin nang lubos.
Maaaring nagsikap silang makilala ang Diyos,
ngunit naligaw lamang sa kanilang paghahanap.
Sa pag-aaral ng mga bagay na nasa paligid nila,
lubha silang naakit sa kagandahang kanilang nakita.
Hanggang sa naniwala silang diyos nga ang mga ito.
Ngunit wala silang tunay na maidadahilan sa kanilang pagkaligaw.
Kung nakayanan nilang pag-aralan ang sansinukob,
bakit di nila nakilala ang Panginoong maylikha sa lahat?
Ang Salita ng Diyos.
SALMONG TUGUNAN opt. 1:
Salmo 18, 2-3. 4-5
Salmo 18, 2-3. 4-5
Ipinapa--hayag ng langit
ang kaluwalhati--an/ ng Diyos. (2a)
Ang langit ay naghahayag na ang Diyos ay dakila!
Malinaw na nagsasaad kung ano ang kanyang gawa!
Ipinapa--hayag ng langit
ang kaluwalhati--an/ ng Diyos.
Bawat araw, bawat gabi, ang ulat ay walang patlang,
patuloy na nag-uulat sa sunod na gabi at araw.
Ipinapa--hayag ng langit
ang kaluwalhati--an/ ng Diyos.
Walang tinig o salitang ginagamit kung sabagay,
at wala ring naririnig na kahit na anong ingay;
Ipinapa--hayag ng langit
ang kaluwalhati--an/ ng Diyos.
gayun pa man, sa daigdig ay laganap yaong tinig,
ang balita’y umaabot sa duluhan ng daigdig.
Ipinapa--hayag ng langit
ang kaluwalhati--an/ ng Diyos. (2a)
SALMONG TUGUNAN opt. 2:
Salmo 103, 1-2a. 5-6. 10 at 12. 24 at 35k
Salmo 103, 1-2a. 5-6. 10 at 12. 24 at 35k
Ang Poon ay natutuwa
sa kanyang mga nilikha. (2a)
Pinupuri ka, Poong Diyos, nitong aking kaluluwa,
O Panginoong aking Diyos, kay dakila mong talaga!
Ang taglay mong kasuuta’y dakila ri’t marangal pa.
Nababatbat ka, Poong Diyos, ng liwanag na kay ganda.
Ang Poon ay natutuwa
sa kanyang mga nilikha.
Ikaw na rin ang nagtayo ng saligan nitong lupa,
matatag na ginawa mo’t hindi ito mauuga.
Ang ibabaw ng saliga’y ginawa mong karagatan,
at tubig din ang bumalot sa lahat ng kabundukan.
Ang Poon ay natutuwa
sa kanyang mga nilikha.
Lumilikha ka ng ilog na patungong kapatagan,
sa gilid ng mga burol, umaagos na marahan.
Sa naroong kakahuya’y umaawit ng masaya,
mga ibo’y nagpupugad sa malabay nilang sanga.
Ang Poon ay natutuwa
sa kanyang mga nilikha.
Sa daigdig, ikaw Poon, kay rami ng iyong likha
pagkat ikaw ay marunong kaya ito ay nagawa.
Sa dami ng nilikha mo’y nakalatan itong lupa.
Purihin ang Panginoon, purihin mo, kaluluwa!
Ang Poon ay natutuwa
sa kanyang mga nilikha.
IKALAWANG PAGBASA:
Colosas 1, 15-20
Colosas 1, 15-20
Pagbasa mula sulat ni Apostol San Pablo sa mga taga-Colosas
Si Kristo ang larawan ng Diyos na di-nakikita, at siyang may kapangyarihan sa lahat ng nilikha. Sapagkat ang lahat ng nasa langit at nasa lupa, nakikita man o hindi, pati ang mga naghahari at namamahala, mga namumuno at may kapangyarihang espirituwal ay pawang nilikha ng Diyos sa pamamagitan niya at para sa kanya. Siya’y una sa lahat, at sa kanya nasasalalay ang kaayusan ng lahat ng bagay. Siya ang ulo ng Simbahan na kanyang katawan. Siya ang Una, ang panganay na Anak — ang unang nabuhay na muli upang siya ang maging pinakadakila sa lahat ng bagay. Ipinasiya ng Diyos na ang kanyang kalikasan ay manatili rin sa Anak, at inibig niyang ang sandaigdigan ay makipagsundo sa kanya sa pamamagitan ng Anak. Sa pamamagitan ng pagkamatay nito sa krus, nagkasundo nga ang Diyos at ang lahat ng nilikha sa langit at sa lupa.
Ang Salita ng Diyos.
ALELUYA opt. 1:
Salmo 103, 24
Salmo 103, 24
Aleluya! Aleluya!
Kay rami ng Iyong mga gawa, O Panginoon!
Nilikha Mo silang lahat sa karunungan.
Aleluya! Aleluya!
ALELUYA opt. 2:
1 Mga Cronica 29, 11d-12b
1 Mga Cronica 29, 11d-12b
Aleluya! Aleluya!
lyo, O Panginoon, ang kaharian;
Ikaw ang naghahari sa lahat.
Aleluya! Aleluya!
MABUTING BALITA opt. 1:
Mateo 6, 24-34
Ang Mabuting Balita ng Panginoon ayon kay San Mateo
Noong panahong iyon, sinabi ni Hesus sa kanyang mga alagad: “Walang makapaglilingkod nang sabay sa dalawang panginoon sapagkat kapopootan niya ang isa at iibigin ang ikalawa, paglilingkuran nang tapat ang isa at hahamakin ang ikalawa. Hindi kayo makapaglilingkod nang sabay sa Diyos at sa kayamanan.
“Kaya’t sinasabi ko sa inyo: huwag kayong mabagabag tungkol sa pagkain at inumin na kailangan ninyo upang mabuhay, o tungkol sa damit na kailangan ng inyong katawan. Hindi ba’t ang buhay ay higit na mahalaga kaysa pagkain, at ang katawan kaysa pananamit? Masdan ninyo ang mga ibon: hindi sila naghahasik ni nag-aani o kaya’y nagtitipon sa banga. Gayunman, pinakakain sila ng inyong Amang nasa langit. Hindi ba’t higit kayong mahalaga kaysa mga ibon? Sino sa inyo ang makapagpapahaba ng kanyang buhay nang kahit isang oras sa pamamagitan ng kanyang pagkabalisa?
“At bakit kayo nababagabag tungkol sa pananamit? Isipin ninyo kung paano sumisibol ang mga bulaklak sa parang; hindi sila nagpapagal ni humahabi man. Ngunit ito ang sasabihin ko sa inyo: maging si Solomon ay hindi nakapagsuot ng kasingganda ng isa sa mga bulaklak na ito, bagamat napakariringal ang mga damit niya. Kung ang mga damo sa kabukiran, na buhay ngayon at kinabukasa’y iginagatong sa kalan, ay dinaramtan ng Diyos, kayo pa kaya? Kay liit ng pananalig ninyo sa kanya! Kaya’t huwag kayong mabalisa tungkol sa inyong kakanin, iinumin, o daramtin. Sapagkat ang mga bagay na ito ang kinahuhumalingan ng mga taong wala pang pananalig sa Diyos. Alam ng inyong Amang nasa langit na kailangan ninyo ang lahat ng ito. Ngunit pagsumakitan ninyo nang higit sa lahat ang pagharian kayo ng Diyos at mamuhay nang ayon sa kanyang kalooban, at ipagkakaloob niya ang lahat ng kailangan ninyo. Kaya, huwag ninyong ikababahala ang para sa araw ng bukas; saka na ninyo harapin kapag ito’y dumating. Sapat na sa bawat araw ang kanyang mga suliranin.”
Ang Mabuting Balita ng Panginoon.
MABUTING BALITA opt. 2:
Mateo 8, 23-27
Ang Mabuting Balita ng Panginoon ayon kay San Mateo
Noong panahong iyon,
sumakay si Hesus sa bangka,
kasama ang kanyang mga alagad.
Bumugso sa lawa ang isang malakas na unos
at halos matabunan ng mga alon ang bangka.
Ngunit natutulog noon si Hesus.
Kaya’t nilapitan siya ng mga alagad at ginising.
“Panginoon, tulungan ninyo kami!” sabi nila.
“Lulubog tayo!”
At sinabi niya sa kanila,
“Ano’t kayo’y natatakot?
Napakaliit naman ng pananalig ninyo!”
Bumangon siya,
sinaway ang hangin at ang dagat,
at tumahimik ang mga ito.
Namangha silang lahat at ang sabi,
“Anong tao ito? Kahit ang hangin at ang dagat
ay tumatalima sa kanya!”
OFFERTORIUM:
Alay
by Nez Marcelo
by Nez Marcelo
from The Fifth Gospel, Book 3
Berso 1:
Narito, Panginoon
mga alay naming taglay
Nawa ito'y karapat-dapat
sa kabanalanan mo
Tanggapin mo, Panginoon
mga gawa ng aming kamay
Ang bunga ng pag-ibig mo
Dugo at katawan
Koro:
Kapuri-puri ka, O Diyos
na lumikha sa'ming lubos
Mula sa kabutihan mo
ang alak at tinapay
ngayo'y aming alay
Dahil sa pag-ibig mo
kami ngayon ay narito
Buklod-buklod nawa kaming
maglingkod sa Iyo
(hu....)
Berso 1:
Narito, Panginoon
mga alay naming taglay
Nawa ito'y karapat-dapat
sa kabanalanan mo
Tanggapin mo, Panginoon
mga gawa ng aming kamay
Ang bunga ng pag-ibig mo
Dugo at katawan
Koro:
Kapuri-puri ka, O Diyos
na lumikha sa'ming lubos
Mula sa kabutihan mo
ang alak at tinapay
ngayo'y aming---- a--lay
Koda:
ang alak at tinapay
ngayo'y aming---- a--lay
SANCTUS:
Santo
by Allan Antonio
Santo
by Allan Antonio
from Misa Antonio
Santo, Santo, Santo
Panginoong Diyos ng mga hukbo
napupuno ang langit at lupa ng kadakilaan mo
Osana sa kaitaasan!
Pinagpala ang naparirito
sa Ngalan ng Panginoon
Osana sa kaitaasan!
MYSTERIUM FIDEI:
Aming Ipinahahayag
by Allan Antonio
Aming Ipinahahayag
by Allan Antonio
from Misa Antonio
Aming ipinahahayag
na namatay ang 'yong Anak
nabuhay bilang Mesiyas
at magbabalik sa wakas
para mahayag sa lahat!
GRAN AMEN:
Amen
by Arnel dC Aquino, S.J.
Amen
by Arnel dC Aquino, S.J.
Amen, amen, amen
Amen, amen, amen
PATER NOSTER:
Ama Namin/Sapagkat
by Allan Antonio
Ama Namin/Sapagkat
by Allan Antonio
from Misa Antonio
Ama namin, sumasalangit ka
Sambahin ang Ngalan mo
Mapasaamin ang kaharian mo
Sundin ang loob mo
Dito sa lupa para nang sa langit
Bigyan mo kami ngayon ng aming
kakanin sa araw-araw
at patawarin mo kami
sa aming mga sala
Para nang pagpapatawad namin
sa nagkakasala sa amin
at huwag mo kaming ipahintulot sa tukso
at iadya mo kami sa lahat ng masama
Sapagkat Iyo ang kaharian,
at ang kapangyarihan,
at ang kapurihan,
magpakailanman, amen.
AGNUS DEI:
Kordero ng Diyos
by Allan Antonio
Kordero ng Diyos
by Allan Antonio
from Misa Antonio
Kordero ng Diyos na nag-aalis
ng mga kasalanan ng sanlibutan,
maawa ka sa amin.
Kordero ng Diyos na nag-aalis
ng mga kasalanan ng sanlibutan,
maawa ka sa amin.
Kordero ng Diyos na nag-aalis
ng mga kasalanan ng sanlibutan,
ipagkaloob mo sa amin ang kapayapaan.
COMMUNIO:
Kahanga-hanga
by Eduardo Hontiveros, S.J.
Kahanga-hanga
by Eduardo Hontiveros, S.J.
from The Best of Bukas Palad, Vol. 2
Koro:
Kahanga-hanga ang Iyong pangalan
O, Panginoon sa sangkalupaan
Ipinagbunyi Mo ang Iyong kamahalan
Sa buong kalangitan
Berso 1:
Pinagmamasdan ko ang langit
Na gawa ng 'Yong mga kamay
Ang buwan at mga bituin na
Sa langit Iyong inilagay
Koro:
Kahanga-hanga ang Iyong pangalan
O, Panginoon sa sangkalupaan
Ipinagbunyi Mo ang Iyong kamahalan
Sa buong kalangitan
Berso 4:
Ipinagbubunyi 'Yong pangalan
ng ibon na lumilipad
Pinahahayag ng kabundukan:
“Ikaw ang Poon ng lahat”
Koro:
Kahanga-hanga ang Iyong pangalan
O, Panginoon sa sangkalupaan
Ipinagbunyi Mo ang Iyong kamahalan
Sa buong kalangitan
Berso 5:
Sa dahong hinihipan ng simoy
ng tinig Mo’y mapakinggan
Sa ulan na biyaya ng langit
kabutihan Mo’y makakamtan
Koro:
Kahanga-hanga ang Iyong pangalan
O, Panginoon sa sangkalupaan
Ipinagbunyi Mo ang Iyong kamahalan
Sa buong kalangitan
Koda:
Sa buong kalangitan
COMMUNIO opt. 2:
Pag-ibig Mo, Ama
by Eduardo Hontiveros, S.J.
Pag-ibig Mo, Ama
by Eduardo Hontiveros, S.J.
from Krus at Muling Pagkabuhay
Berso 1:
Ang liwanag Mo ang sumindak sa dilim
Buong kalangitan nagsaya’t nagningning
Kumislap, umindak ang mga bituin
Nalikha ang lahat ng mga lupain
Koro:
Pag-ibig Mo, Ama ay hatid Mo sa amin
Malaya’t matindi, hindi nagmamaliw
Berso 2:
Dinilig sa tuwa ang buong nilikha
Pinuno ng aliw ang aba at ang dukha
Ng pagmamahal, binigay Mong sadyang
Matupad sa gawa ang ‘Yong salita
Berso 1:
Ang liwanag Mo ang sumindak sa dilim
Buong kalangitan nagsaya’t nagningning
Kumislap, umindak ang mga bituin
Nalikha ang lahat ng mga lupain
Koro:
Pag-ibig Mo, Ama ay hatid Mo sa amin
Malaya’t matindi, hindi nagmamaliw.
Amen
RECESSIO:
Magpasalamat kayo sa Panginoon
by Fruto L.I. Ramirez, S.J.
Magpasalamat kayo sa Panginoon
by Fruto L.I. Ramirez, S.J.
Berso 1:
Magpasalamat kayo sa Panginoon
Na S'yang lumikha ng lahat ng bagay dito sa mundo
S'ya’y gumawa ng buwan at mga bitwin
Upang magbigay ng liwanag sa pagsapit ng dilim
Koro:
O magpasalamat sa Kanyang mga biyaya at awa
O ating purihin ang Poon na mahabagin sa atin
Berso 2:
Magpasalamat kayo sa Panginoon
Dahil sa kagandahang loob Niya’y magpakailanman
At pagpalain ng Diyos habang buhay
Na S'yang nagligtas sa Kanyang hinirang bayang Israel
Koro:
O magpasalamat sa Kanyang mga biyaya at awa
O ating purihin ang Poon na mahabagin sa atin, O!
==WAKAS==
