INTROIT:
Ang Puso Ko'y Nagpupuri
by Eduardo Hontiverso, S.J.
Ang Puso Ko'y Nagpupuri
by Eduardo Hontiverso, S.J.
from The Legacy of Fr. Honti
Koro:
Koro:
Ang puso ko'y nagpupuri
Nagpupuri sa Panginoon
Nagagalak ang aking espiritu
Sa 'king Tagapagligtas
Berso 1:
Sapagkat nilingap Niya
Kababaan ng Kanyang alipin
Mapalad ang pangalan ko
Sa lahat ng mga bansa
Koro:
Ang puso ko'y nagpupuri
Nagpupuri sa Panginoon
Nagagalak ang aking espiritu
Sa 'king Tagapagligtas
Berso 2:
Sapagkat gumawa ang Poon
Ng mga dakilang bagay
Banal sa lupa't langit
Ang pangalan ng Panginoon
Koro:
Ang puso ko'y nagpupuri
Nagpupuri sa Panginoon
Nagagalak ang aking espiritu
Sa 'king Tagapagligtas
Berso 3:
Luwalhati sa Ama
Sa Anak at sa Espiritu Santo
Kapara noong unang-una
Ngayon at magpakailanman
Koro:
Ang puso ko'y nagpupuri
Nagpupuri sa Panginoon
Nagagalak ang aking espiritu
Sa 'king Tagapagligtas
GLORIA:
Papuri sa Diyos
by Eduardo Hontiveros, S.J.
Papuri sa Diyos
by Eduardo Hontiveros, S.J.
from Mga Awitin sa Misang Pilipino
Papuri sa Diyos
Papuri sa Diyos
Papuri sa Diyos sa kaitaasan!
At sa lupa'y kapayapaan
At sa lupa'y kapayapaan
Sa mga taong kinalulugdan Niya.
Pinupuri ka namin,
dinarangal ka namin
Sinasamba ka namin,
ipinagbubunyi ka namin.
Pinasasalamatan ka namin
Dahil sa dakila mong angking kapurihan.
Panginoong Diyos, Hari ng Langit
Diyos Amang makapangyarihan sa lahat.
Panginoong Hesukristo, Bugtong na Anak
Panginoong Diyos, Kordero ng Diyos,
Anak ng Ama.
Ikaw na nag-aalis ng mga kasalanan ng sanlibutan,
maawa ka, maawa ka sa amin.
Ikaw na nag-aalis ng mga kasalanan ng sanlibutan,
tanggapin mo ang aming kahilingan,
tanggapin mo ang aming kahilingan.
Ikaw na naluluklok sa kanan ng Ama
maawa ka, maawa ka sa amin.
Sapagkat Ikaw lamang ang banal
at ang kataas-taasan
Ikaw lamang, O Hesukristo ang Panginoon
Kasama ng Espiritu Santo
sa kadakilaan ng Diyos Ama, amen,
ng Diyos Ama, amen!
UNANG PAGBASA opt. 1:
Mikas 5, 1-4a
Mikas 5, 1-4a
Pagbasa mula sa aklat ni propeta Mikas
Ito ang sinasabi ng Panginoon:
Betlehem Efrata, bagamat pinakamaliit ka sa mga angkan ni Juda ay sa iyo magmumula ang isang maghahari sa Israel. Ang pinagmula’y buhat pa nang una, mula pa noong unang panahon. Kaya nga, ang bayan ng Panginoon ay ibibigay niya sa kamay ng mga kaaway hanggang sa isilang ng babae ang sanggol na maghahari. Pagkatapos, babalik sa Israel ang nalabi sa bansang ito. Pagdating ng haring yaon, pamamahalaan niya ang Israel sa pamamagitan ng kapangyarihan ng Panginoon na kanyang Diyos. At ang Israel ay mamumuhay na ligtas, sapagkat ang haring yaon ay kikilanin ng buong sanlibutan. Sa kanya magmumula ang kapayapaan natin.
Ang Salita ng Diyos.
UNANG PAGBASA opt. 2:
Roma 8, 28-30
Roma 8, 28-30
Pagbasa mula sa sulat ni Apostol San Pablo sa mga taga-Roma
Mga kapatid, alam nating sa lahat ng bagay ang Diyos ang gumagawang kasama ang mga nagmamahal sa kanya, ang mga tinawag ayon sa kanyang panukala, sa kanilang ikabubuti. Sapagkat sa mula’t mula pa’y alam na ng Diyos kung sino ang sa kanya; ang mga ito’y itinalaga niyang maging tulad ng kanyang Anak, at sa gayun, naging panganay natin siya. At ang mga itinalaga niya noong una pa ay kanyang tinawag. Ang mga tinawag niya ay kanya ring pinawalang-sala, at ang kanyang mga pinawalang-sala ay kanya namang binigyan ng karangalan.
Ang Salita ng Diyos.
SALMONG TUGUNAN:
Salmo 12, 6ab. 6kd
Salmo 12, 6ab. 6kd
Ang lubos kong ka--siya-han
ay magalak/ sa Maykapal. (2a)
Lubos akong nananalig/ sa pag-ibig mong matapat.
Nagagalak ang puso ko/ dahil sa ‘yong pagliligtas.
Ang lubos kong ka--siya-han
ay magalak/ sa Maykapal.
Aawitan kita, Poon,/ aawitang buong galak,
dahilan sa kabutihang/ sa akin ay iginawad.
Ang lubos kong ka--siya-han
ay magalak/ sa Maykapal.
ALELUYA:
Festival Alleluia
Festival Alleluia
Aleluya! Aleluya!
Magalak ka, Birheng Mahal,
ikaw ang inang nagsilang
sa araw ng katarungan.
Aleluya! Aleluya!
MABUTING BALITA opt. 1:
Mateo 1, 1-16. 18-23
Ang Mabuting Balita ng Panginoon ayon kay San Mateo
Ito ang lahi ni Hesukristo na mula sa angkan ni David na mula naman sa lahi ni Abraham.
Si Abraham ang ama ni Isaac; si Isaac ang ama ni Jacob na ama ni Juda at ng kanyang mga kapatid. Naging anak naman ni Juda kay Tamar sina Fares at Zara. Si Fares ang ama ni Esrom at si Esrom ang ama ni Aram. Si Aram ang ama ni Aminadab; si Aminadab ang ama ni Naason na ama naman ni Salmon. Naging anak ni Salmon kay Rahab si Booz, at naging anak naman ni Booz kay Ruth si Obed. Si Obed ang ama ni Jesse na ama ni Haring David.
Naging anak ni David si Solomon sa dating asawa ni Urias. Si Solomon naman ang ama ni Roboam. Si Roboam ang ama ni Abias, at si Abias ang ama ni Asa. Si Asa ang ama ni Josafat, at si Josafat ang ama ni Joram na siya namang ama ni Ozias. Itong si Ozias ay ama ni Jotam na ama ni Acaz, at si Acaz ang ama ni Ezequias. Si Ezequias ang ama ni Manases, at si Manases ang ama ni Amos na ama naman ni Josias. Si Josias ang ama ni Jeconias at ang kanyang mga kapatid. Panahon noon ng pagkakatapon ng mga Israelita sa Babilonia.
Matapos ang pagkakatapon sa Babilonia, naging anak ni Jeconias si Salatiel na ama ni Zorobabel. Si Zorobabel ang ama ni Abiud na ama ni Eliaquim, at si Eliaquim ang ama ni Azor. Si Azor ang ama ni Sadoc na ama ni Aquim; itong si Aquim ang ama ni Eliud. Si Eluid ang ama ni Eleazar; si Eleazar ang ama ni Matan na ama ni Jacob. At si Jacob ang ama ni Jose na asawa ni Maria. Si Maria naman ang ina ni Hesus na tinatawag na Kristo.
Ganito ang pagkapanganak kay Hesukristo. Si Maria na kanyang ina at si Jose ay nakatakda nang pakasal. Ngunit bago sila nakasal, si Maria’y natagpuang nagdadalang-tao. Ito’y sa pamamagitan ng Espiritu Santo. Isang taong matuwid itong si Jose na kanyang magiging asawa, ngunit ayaw niyang mapahiya si Maria, kaya ipinasiya niyang hiwalayan ito nang lihim. Samantalang iniisip ni Jose ito, napakita sa kanya sa panaginip ang isang anghel ng Panginoon. Sabi nito sa kanya, “Jose, anak ni David, huwag kang matakot na tuluyang pakasalan si Maria, sapagkat siya’y naglihi sa pamamagitan ng Espiritu Santo. Manganganak siya ng isang lalaki at ito’y pangangalanan mong Hesus, sapagkat siya ang magliligtas sa kanyang bayan sa kanilang mga kasalanan.”
Nangyari ang lahat ng ito upang matupad ang sinabi ng Panginoon sa pamamagitan ng propeta:
“Maglilihi ang isang dalaga’t manganganak ng isang lalaki. At tatawagin itong Emmanuel.” Ang kahuluga’y “Kasama natin ang Diyos.”
Ang Mabuting Balita ng Panginoon.
MABUTING BALITA opt. 2:
Mateo 1, 18-23
Ang Mabuting Balita ng Panginoon ayon kay San Mateo
Ganito ang pagkapanganak kay Hesukristo. Si Maria ang kanyang ina at si Jose ay nakatakda nang pakasal. Ngunit bago sila nakasal, si Maria’y natagpuang nagdadalang-tao. Ito’y sa pamamagitan ng Espiritu Santo. Isang taong matuwid itong si Jose na kanyang magiging asawa, ngunit ayaw niyang mapahiya si Maria, kaya ipinasiya niyang hiwalayan ito nang lihim. Samantalang iniisip ni Jose ito, napakita sa kanyang panaginip ang isang anghel ng Panginoon. Sabi nito sa kanya, “Jose, anak ni David, huwag kang matakot na tuluyang pakasalan si Maria, sapagkat siya’y naglihi sa pamamagitan ng Espiritu Santo. Manganganak siya ng isang lalaki at ito’y pangangalanan mong Hesus, sapagkat siya ang magliligtas sa kanyang bayan sa kanilang mga kasalanan.”
Nangyari ang lahat ng ito upang matupad ang sinabi ng Panginoon sa pamamagitan ng propeta:
“Maglilihi ang isang dalaga’t manganganak ng isang lalaki. At tatawagin itong Emmanuel.” Ang kahuluga’y “Kasama natin ang Diyos.”
Ang Mabuting Balita ng Panginoon.
OFFERTORIUM:
Paggugunita
by Allan Antonio
by Allan Antonio
from Misa Antonio
Koro:
Aming alay sa ‘Yo, Panginoon
Ang tinapay at alak na Iyong kaloob
Upang gunitain ang ‘Yong buhay na inialay
Nang tayo'y magdiwang bilang isang sambayanan
Berso 1:
Ang tinapay, ito ang Iyong laman,
At ang alak, ito ang Iyong dugo
Laman Mo'y inahain upang lahat ay buhayin
Dugo Mo ang dumanak nang lahat ay mapatawad
Koro:
Aming alay sa ‘Yo, Panginoon
Ang tinapay at alak na Iyong kaloob
Upang gunitain ang ‘Yong buhay na inialay
Nang tayo'y magdiwang bilang isang sambayanan
Berso 2:
Hinirang na ina ang mahal na Birheng Maria
Una Mong luklukan ang kanyang sinapupunan
Sa aming pagtanggap sa Iyo, Ikaw nawa ay manahan
Sa aming mga puso nang lumago sa kabanalan
Koro:
Aming alay sa ‘Yo, Panginoon
Ang tinapay at alak na Iyong kaloob
Upang gunitain ang ‘Yong buhay na inialay
Nang tayo'y magdiwang bilang isang sambayanan
Koda:
Nang tayo'y magdiwang bilang isang sambayanan
SANCTUS:
Santo
by Allan Antonio
Santo
by Allan Antonio
from Misa Antonio
Santo, Santo, Santo
Panginoong Diyos ng mga hukbo
napupuno ang langit at lupa ng kadakilaan mo
Osana sa kaitaasan!
Pinagpala ang naparirito
sa Ngalan ng Panginoon
Osana sa kaitaasan!
MYSTERIUM FIDEI:
Aming Ipinahahayag
by Allan Antonio
Aming Ipinahahayag
by Allan Antonio
from Misa Antonio
Aming ipinahahayag
na namatay ang 'yong Anak
nabuhay bilang Mesiyas
at magbabalik sa wakas
para mahayag sa lahat!
GRAN AMEN:
Danish Amen
by Unknown Artist
Danish Amen
by Unknown Artist
Amen, amen, amen
PATER NOSTER:
Ama Namin/Sapagkat
by Allan Antonio
Ama Namin/Sapagkat
by Allan Antonio
from Misa Antonio
Ama namin, sumasalangit ka
Sambahin ang Ngalan mo
Mapasaamin ang kaharian mo
Sundin ang loob mo
Dito sa lupa para nang sa langit
Bigyan mo kami ngayon ng aming
kakanin sa araw-araw
at patawarin mo kami
sa aming mga sala
Para nang pagpapatawad namin
sa nagkakasala sa amin
at huwag mo kaming ipahintulot sa tukso
at iadya mo kami sa lahat ng masama
Sapagkat Iyo ang kaharian,
at ang kapangyarihan,
at ang kapurihan,
magpakailanman, amen.
AGNUS DEI:
Kordero ng Diyos
by Allan Antonio
Kordero ng Diyos
by Allan Antonio
from Misa Antonio
Kordero ng Diyos na nag-aalis
ng mga kasalanan ng sanlibutan,
maawa ka sa amin.
Kordero ng Diyos na nag-aalis
ng mga kasalanan ng sanlibutan,
maawa ka sa amin.
Kordero ng Diyos na nag-aalis
ng mga kasalanan ng sanlibutan,
ipagkaloob mo sa amin ang kapayapaan.
COMMUNIO opt. 1:
Ave Maria, Ina ng Pag-asa
by Mimo Perez
Ave Maria, Ina ng Pag-asa
by Mimo Perez
from Misa ng Pag-asa
Koro:
Ave Maria, Ave Maria
Ave Maria, Ave Maria
Berso 1:
Sa gitna ng kawalan ng katiyak
Kung ika'y kasama, hindi mangangamba
Para sa iyo, mahal naming Ina
Awit na wagas, aming pagsinta
Ang dasal nami'y matularan ka
O, Ina ng Pag-asa
Kahit 'di namin alam ang gagawin
Lalo kung daa'y napakadilim
Dahil sa iyo, nababatid namin
Ang Diyos ay kapiling
Koro:
Ave Maria, Ave Maria
Ave Maria, Ave Maria
Berso 2:
Sa gitna ng pagdurusa, 'di mag-iisa
Kung ika'y kasama, mayroong pag-asa
Para sa iyo, mahal naming Ina
Awit na wagas, aming pagsinta
Ang dasal nami'y matularan ka
O, Ina ng Pag-asa
Kahit 'di namin alam ang gagawin
Lalo kung daa'y napakadilim
Dahil sa iyo, nababatid namin
Ang Diyos ay kapiling
Koro:
Ave Maria, Ave Maria
Ave Maria, Ave Maria
Ave Maria, Ave Maria
Ave Maria, Ave Maria
COMMUNIO opt. 2:
Tinapay ng Buhay
by Manoling Francisco, S.J.
Tinapay ng Buhay
by Manoling Francisco, S.J.
from Tinapay ng Buhay
Koro:
Ikaw, Hesus, ang tinapay ng buhay
Binasbasan, hinati't inialay
Buhay na ganap ang sa ami'y kaloob
At pagsasalong walang hanggan
Berso 1:
Basbasan ang buhay naming handog
Nawa'y matulad sa pag-aalay Mo
Buhay na laan nang lubos
Sa mundong sa pag-ibig ay kapos
Koro:
Ikaw, Hesus, ang tinapay ng buhay
Binasbasan, hinati't inialay
Buhay na ganap ang sa ami'y kaloob
At pagsasalong walang hanggan
Berso 2:
Marapatin sa kapwa maging tinapay
Kagalakan sa nalulumbay
Katarungan sa naaapi
At kanlungan ng bayan Mong sawi
Koro:
Ikaw, Hesus, ang tinapay ng buhay
Binasbasan, hinati't inialay
Buhay na ganap ang sa ami'y kaloob
At pagsasalong walang hanggan
Koda:
at pagsasalong walang hanggan.
RECESSIO:
Inang Minamahal
by Eduardo Hontiveros, S.J.
Inang Minamahal
by Eduardo Hontiveros, S.J.
Berso 1:
Inang minamahal,
si Hesus sa iyo isinilang.
Inang sinisinta,
ang Diyos sa iyo nagpala.
Inang minamahal,
kay Hesus kami ‘yong ialay.
Ilaan sa kanyang kaharian,
upang D'yos ang maparangalan.
Ilaan sa kanyang kaharian,
upang kapwaý mapaglingkuran.
Berso 2:
Inang minamahal,
si Hesus naming mananahap
Inang sinisinta
ng lahat mong mga anak.
Naway ilawan mo,
ang landas naming tatahakin.
Kaligtasan namin at pag-asa,
Tulong ng iyong panalangin.
Sa harap ng aming kamatayan.
O ina, kami ‘yong aliwin.
==WAKAS==
