Biyernes ng Unang Linggo sa Panahon ng Pagdating ng Panginoon
38th Sacerdotal Anniversary Thanksgiving Mass of Rev. Fr. Josefino M. Corpuz
Isaias 29, 17-24
Salmo 26, 1. 4. 13-14
Panginoo’y aking tanglaw,
siya’y aking kaligtasan.
Mateo 9, 27-31
INTROIT:
Purihin ang Panginoon/Pastol Kang Hinirang
Fruto Ramirez, S.J.
Nez J. Marcelo
Koro:
Purihin ang Panginoon
Umawit ng kagalakan
At tugtugin ang gitara
At ang kaaya-ayang lira
Hipan ninyo ang trumpeta
Berso 1:
Hinirang ng ating Poong Diyos
Ipangaral sa mga dukha
Kanyang Mabuting Balita!
Ang tugon sa hibik ng bansa
Ang tugon sa hibik ng bansa
Koro:
Purihin ang Panginoon
Umawit ng kagalakan
At tugtugin ang gitara
At ang kaaya-ayang lira
Hipan ninyo ang trumpeta
Berso 3:
Pastol ka ng ating Poong Diyos
Hinubog sa kanyang palad
Masdan mo ang Kanyang kawan
naghihintay ng biyaya
Ihatid ang Kanyang awa
Koro:
Purihin ang Panginoon
Umawit ng kagalakan
At tugtugin ang gitara
At ang kaaya-ayang lira
Hipan ninyo ang trumpeta
UNANG PAGBASA:
Isaias 29, 17-24
Pagbasa mula sa aklat ni propeta Isaias
Ito ang sinasabi ng Panginoon:
“Hindi magluluwat,
ang kagubatan ay magiging bukurin,
at ang bukurin ay magiging kagubatan.”
Sa panahong iyon
maririnig ng bingi ang pagbasa sa isang aklat;
at makakakita ang mga bulag.
Ang mababang-loob ay muling liligaya
sa piling ng Panginoon,
at pupurihin ng mga dukha
ang Banal ng Israel.
Sapagkat ang malupit at mapang-upasala
ay mawawala na,
gayon din ang lahat ng mahilig sa kasamaan.
Lilipulin ng Panginoon ang lahat ng naninirang-puri,
mga sinungaling na saksi
at nagkakait ng katarungan sa mga matuwid.
Ito ang sinasabi ng Panginoon,
ang Diyos na tumubos kay Abraham,
tungkol sa sambahayan ni Jacob:
“Mula ngayon, ang bayang ito ay wala nang dapat ikahiya o ikatakot man.
Kung makita ng kanyang mga anak
ang aking mga ginawa,
iingatan nilang banal ang aking pangalan;
Igagalang nila ang itinatanging
Banal ni Jacob,
at dadakilain ang Diyos ng Israel.
Ang mga nalilihis sa katotohanan
ay magtatamo ng kaunawaan,
Ang mga matigas ang ulo ay tatanggap na ng pangaral.”
Ang Salita ng Diyos.
SALMONG TUGUNAN:
Salmo 26, 1. 4. 13-14
Panginoo’y aking tanglaw,
siya’y aking kaligtasan.
Tanglaw ko’y ang Poon, aking kaligtasan,
kaya walang takot ako kaninuman;
sa mga panganib kanyang iingatan,
kaya naman ako’y walang agam-agam.
Panginoo’y aking tanglaw,
siya’y aking kaligtasan.
Isang bagay lamang ang aking mithiin,
isang bagay itong sa Poon hiniling:
ang ako’y lumagi sa banal na templo
upang kagandahan niya’y mamasdan ko
at yaong patnubay niya ay matamo.
Panginoo’y aking tanglaw,
siya’y aking kaligtasan.
Ako’y nananalig na bago mamatay
masasaksihan ko ang ‘yong kabutihan
na igagawad mo sa mga hinirang.
Sa Panginoong Diyos tayo’y magtiwala!
Ating patatagin ang paniniwala;
tayo ay umasa sa kanyang kalinga!
Panginoo’y aking tanglaw,
siya’y aking kaligtasan.
ALELUYA:
Misa de la Reina
Aleluya! Aleluya!
Panginoon ay darating,
bibigyan n’ya ng paningin
mga bulag na gagaling.
Aleluya! Aleluya!
MABUTING BALITA:
Mateo 9, 27-31
Ang Mabuting Balita ng Panginoon ayon kay San Mateo
Noong panahong iyon, pag-alis ni Hesus sa lugar na iyon, sinundan-sundan siya ng dalawang lalaking bulag. Sumisigaw sila na ang wika, “Anak ni David, mahabag kayo sa amin!” Pagpasok ni Hesus sa bahay, lumapit sa kanya ang mga bulag. Tinanong sila ni Hesus, “Naniniwala ba kayo na magagawa ko ito?” “Opo, Panginoon,” sagot nila. At hinipo niya ang kanilang mga mata, at sinabi, “Mangyari sa inyo ang ayon sa inyong paniniwala.” At nakakita na sila. Mahigpit na ipinagbilin sa kanila ni Hesus na huwag sasabihin ito kaninuman. Ngunit nang sila’y makaalis, ibinalita nila sa buong lupaing yaon ang ginawa sa kanila ni Hesus.
Ang Mabuting Balita ng Panginoon.
OFFERTORIUM:
Panginoon, Aming Handog
Ferdinand Bautista
Koro:
Panginoon, aming handog ang tinapay at alak,
alay ng bayang umaasa sa pagdating Mo,
gayun din aming hinahanda ang aming puso
upang dito’y manahan ka sa pagdating Mo.
Berso 1:
Ang ulilang lupaing malaon nang tigang
ay muling magsasaya!
Mananariwa’t mamumulaklak ang ilang
at ito’y aawit sa tuwa!
Koro: 2x
Panginoon, aming handog ang tinapay at alak,
alay ng bayang umaasa sa pagdating Mo,
gayun din aming hinahanda ang aming puso
upang dito’y manahan ka sa pagdating Mo.
SANCTUS:
Santo (Misa de la Reina)
Elliot Jerome Eustacio
Santo, Santo, Santo
Panginoong Diyos ng mga hukbo
napupuno ang langit at lupa ng kadakilaan mo
Osana sa kaitaasan!
Osana sa kaitaasan!
Pinagpala ang naparirito
sa Ngalan ng Panginoon
Osana sa kaitaasan!
Osana sa kaitaasan!
MYSTERIUM FIDEI:
Sa Krus Mo at Pagkabuhay (Misa de la Reina)
Elliot Jerome Eustacio
Sa Krus Mo at pagkabuhay
kami'y natubos Mong tunay
Poong Hesus naming mahal
Iligtas Mo kaming tanan
Ngayon at magpakailanman!
GRAN AMEN:
Dakilang Amen (Misa Delgado 3)
Lester Delgado
Amen, amen, amen
PATER NOSTER:
Ama Namin
Eduardo Hontiveros, S.J.
Ama namin, sumasalangit ka
Sambahin ang ngalan mo
Mapasaamin ang kaharian mo
Sundin ang loob mo
Dito sa lupa para nang sa langit.
Bigyan mo kami ngayon ng aming
kakanin sa araw-araw
at patawarin mo kami
sa aming mga sala
Para nang pagpapatawad namin
sa nagkakasala sa amin
at huwag mo kaming ipahintulot sa tukso
at iadya mo kami sa lahat ng masama
AGNUS DEI:
Kordero ng Diyos
Arnel Aquino, S.J.
Kordero ng Diyos na nag-aalis
ng mga kasalanan ng sanlibutan,
maawa ka sa amin, maawa ka sa amin.
Kordero ng Diyos na nag-aalis
ng mga kasalanan ng sanlibutan,
maawa ka sa amin, maawa ka sa amin.
Kordero ng Diyos na nag-aalis
ng mga kasalanan ng sanlibutan,
ipagkaloob mo sa amin ang kapayapaan.
COMMUNIO:
Sa Diyos Lamang Mapapanatag
Danilo Isidro, S.J.
Nemy Que
Koro: 2x
Sa Diyos lamang mapapanatag
Ang aking kaluluwa
Sa Kanya nagmumula
Ang aking pag-asa at kaligtasan
Berso 1:
O Diyos, Ikaw ang aking kaligtasan
Nasa 'Yo aking kalwalhatian
Ikaw lamang aking inaasahan
Ang aking moog at tanggulan
Koro:
Sa Diyos lamang mapapanatag
Ang aking kaluluwa
Sa Kanya nagmumula
Ang aking pag-asa at kaligtasan
Berso 2:
Paniniil, 'di ko pananaligan
Puso'y 'di ihihilig sa yaman
Kundi sa Diyos na makapangyarihan
Na aking lakas at takbuhan
Koro:
Sa Diyos lamang mapapanatag
Ang aking kaluluwa
Sa Kanya nagmumula
Ang aking pag-asa at kaligtasan
Berso 3:
Poon, Ika'y puno ng kabutihan
Pastol Kang nagmamahal sa kawan
Inaakay sa luntiang pastulan
Tupa'y hanap Mo kung mawaglit man
Koro:
Sa Diyos lamang mapapanatag
Ang aking kaluluwa
Sa Kanya nagmumula
Ang aking pag-asa at kaligtasan
RECESSIO:
Gandang Sinauna at Sariwa
Manoling Francisco, S.J.
Kay tagal bago Kita minahal
Gandang sinauna at sariwa
Tapat Kang nanahan sa 'king kalooban
Ngunit hinahanap pa rin kahit saan
Kay tagal bago Kita minahal
Gandang sinauna at sariwa
Akong nilikha Mo, uuwi rin sa 'Yo
Ako'y papayapa lamang sa piling Mo
WAKAS
