Ikalawang Linggo ng Apatnapung Araw na Paghahanda (A)
Linggo, Marso 1, 2026
Genesis 12, 1-4a
Salmo 32, 4-5. 18-19. 20 at 22
Poon, pag-asa ka namin,
pag-ibig mo’y aming hiling.
2 Timoteo 1, 8b-10
Mateo 17, 1-9
Pambungad na Awit:
Ngayong Banal na Panahon
Elliot Jerome Eustacio
Antipona: Sa Himig 3
Ako ay Iyong tinawag
upang mukha mo'y mamalas.
ang mukha mo ay marilag,
nag-aangkin ng liwanag
ipakita mo't ihayag.
Berso 1:
Ngayong banal na panahon
ng pagsisisi sa'ming sala
Apatnapung-araw ng paghahanda
sa'miy magpadalisay nawa
Antipona: Sa Himig 3
Ako ay Iyong tinawag
upang mukha mo'y mamalas.
ang mukha mo ay marilag,
nag-aangkin ng liwanag
ipakita mo't ihayag.
Panginoon, Kaawaan Mo Kami:
Panginoon, Kaawaan Mo Kami (Isang Himig)
Elliot Jerome Eustacio
Cantor:
Panginoon, kaawaan mo kami.
Bayan:
Panginoon, kaawaan mo kami.
Cantor:
Kristo, kaawaan mo kami.
Bayan:
Kristo, kaawaan mo kami.
Cantor:
Panginoon, kaawaan mo kami.
Bayan:
Panginoon, kaawaan mo kami.
Unang Pagbasa:
Genesis 12, 1-4a
Pagbasa mula sa aklat ng Genesis
Noong mga araw na iyon, sinabi ng Panginoon kay Abram: “Lisanin mo ang iyong bayan, ang tahanan ng iyong ama at mga kamag-anak, at pumunta ka sa bayang ituturo ko sa iyo. Pararamihin ko ang iyong mga anak at apo at gagawin kong isang malaking bansa. Pagpapalain kita, at mababantog ang iyong pangalan at magiging pagpapala sa marami.
Ang sa iyo’y magpapala ay aking pagpapalain,
ngunit kapag sinumpa ka, sila’y aking susumpain;
ang lahat ng mga bansa pihong ako’y hihimukin,
na, tulad mong pinagpala, sila ay pagpapalain din.”
Sumunod nga si Abram sa utos ng Panginoon.
Ang Salita ng Diyos.
Salmong Tugunan:
Salmo 32, 4-5. 18-19. 20 at 22
Poon, pag-asa ka namin,
pag-ibig mo’y aming hiling.
Panginoo’y tapat sa kanyang salita,
at maaasahan ang kanyang ginawa.
Minamahal niya ang gawang matapat,
ang pag-ibig niya sa mundo’y laganap.
Poon, pag-asa ka namin,
pag-ibig mo’y aming hiling.
Ang may takot sa Diyos, at nagtitiwala
sa kanyang pag-ibig, ay kinakalinga.
Hindi babayaang sila ay mamatay,
kahit magtaggutom sila’y binubuhay.
Poon, pag-asa ka namin,
pag-ibig mo’y aming hiling.
Ang ating pag-asa’y nasa Panginoon;
Siya ang sanggalang natin at katulong.
Ipagkaloob mo na ang aming makamit,
O Poon ang iyong wagas na pag-ibig!
Poon, pag-asa ka namin,
pag-ibig mo’y aming hiling.
Ikalawang Pagbasa:
2 Timoteo 1, 8b-10
Pagbasa mula sa ikalawang sulat ni Apostol San Pablo kay Timoteo
Pinakamamahal kong kapatid:
Makihati ka sa kahirapan dahil sa Mabuting Balita, sa tulong ng Diyos na nagligtas at tumawag sa atin upang tayo’y maging kanyang bayan. Ito’y ginawa niya sa pamamagitan ni Kristo Hesus, hindi dahil sa ating mga gawa kundi ayon sa kanyang layunin at kagandahang-loob na inilaan sa atin bago pa magsimula ang panahon. Ngunit nahayag lamang ito nang dumating si Kristo Hesus na ating Tagapagligtas. Nilupig niya ang kamatayan at inihayag ang buhay na walang haggan sa pamamagitan ng Mabuting Balita.
Ang Salita ng Diyos.
Awit Pambungad sa Mabuting Balita:
Mateo 4, 4b
Misa Pasyon (Himig 2)
Nagpupuri kami sa'Yo,
Panginoong Hesukristo
Nagpupuri kami sa'Yo,
Panginoong Hesukristo
Sa ulap na maliwanag
ito ang si-yang pahayag
ang D’yos Ama na nangusap:
“Ito ang mahal kong Anak,
lugod kong dinggin ng lahat.”
Nagpupuri kami sa'Yo,
Panginoong Hesukristo
Nagpupuri kami sa'Yo,
Panginoong Hesukristo
Mabuting Balita:
Mateo 17, 1-9
Ang Mabuting Balita ng Panginoon ayon kay San Mateo
Noong panahong iyon, isinama ni Hesus si Pedro, at ang magkapatid na Santiago at Juan, at sila’y umakyat sa isang mataas na bundok. Samantalang sila’y naroon, nakita nilang nagbagong anyo si Hesus: nagliwanag na parang araw ang kanyang mukha, at pumuting parang busilak ang kanyang damit. Nakita na lamang at sukat ng tatlong alagad sina Moises at Elias na nakikipag-usap kay Hesus. Kaya’t sinabi ni Pedro kay Hesus, “Panginoon, mabuti pa’y dumito na tayo. Kung ibig ninyo, gagawa ako ng tatlong kubol: isa sa inyo, isa kay Moises at isa kay Elias.” Nagsasalita pa siya nang liliman sila ng isang maningning na ulap. At mula rito’y may tinig na nagsabi, “Ito ang minamahal kong Anak na lubos kong kinalulugdan. Pakinggan ninyo siya!” Ang mga alagad ay natakot nang gayun na lamang nang marinig nila ang tinig, at sila’y napasubasob. Nguni’t nilapitan sila ni Hesus at hinipo. “Tumindig kayo,” sabi niya, “huwag kayong matakot.” At nang tumingin sila ay wala silang nakita kundi si Hesus.
At habang bumababa sila sa bundok, iniutos ni Hesus sa kanila, “Huwag ninyong sasabihin kaninuman ang pangitain hangga’t hindi muling nabubuhay ang Anak ng Tao.”
Ang Mabuting Balita ng Panginoon.
Awit sa Paghahanda sa Pag-aalay:
Alay sa Diyos (Mass of Mercy & Compassion)
Manoling Francisco
Verse 1:
O Diyos, awang 'di-mabilang
Tanggapin mo yaring aming alay
Gawin ito bilang tanda
Ng aming kaligtasan
Refrain:
Narito O Ama, alak at tinapay
Bunga ng lupa at ng aming paggawa
Verse 2:
O Diyos, awang ’di-mabilang
Tanggapin mo yaring aming alay
Gawing alaala ng pagkamatay
Muling pagkabuhay ni Hesukristo
Refrain:
Narito O Ama, alak at tinapay
Bunga ng lupa at ng aming paggawa
Verse 3:
O Diyos, awang 'di-mabilang
Tanggapin mo yaring aming alay
Sagisag nitong sakripisyo
Mapasaamin ang buhay na walang hanggan
Refrain:
Narito O Ama, alak at tinapay
Bunga ng lupa at ng aming paggawa
Santo:
Banal Ka Poong Maykapal (Misa Pasyon)
Elliot Jerome Eustacio
Banal Ka Poong Maykapal
Banal ang 'Yong Pangalan
Banal ang 'Yong kaharian!
Langit lupa'y nagpupugay
sa Iyong kadakilaan
Dinadakila ng lahat
ang naparito Mong Anak
na s'yang nagmulat sa bulag
sa pilay ay nagpalakad
at nakiramay sa lahat
Pagbubunyi:
Sa Krus (Misa Pasyon)
Elliot Jerome Eustacio
Sa krus mo at pagkabuhay
kami'y tinubos mong tunay
Poong Hesus naming mahal
iligtas mo kaming tanan
ngayon at magpakailanman!
Dakilang Amen:
Dakilang Amen (Misa Pasyon)
Lemuel Asuncion
Ama Namin:
Ama Namin (Instant Liturgical Music for Lent)
Manoling Francisco
Ama namin, sumasalangit ka
Sambahin ang ngalan mo
Mapasaamin ang kaharian mo
Sundin ang loob mo
Dito sa lupa para nang sa langit.
Bigyan mo kami
ng aming kakanin sa araw-araw
at patawarin mo kami
sa aming mga sala.
Para nang pagpapatawad namin
sa nagkakasala sa amin
at huwag mo kaming ipahintulot sa tukso
at iadya mo kami sa lahat ng masama
Kordero ng Diyos:
Kordero ng Diyos (Misa Pasyon)
Lemuel Asuncion
Kordero ng Diyos na nag-aalis
ng mga kasalanan ng sanlibutan,
maawa ka sa amin.
Kordero ng Diyos na nag-aalis
ng mga kasalanan ng sanlibutan,
maawa ka sa amin.
Kordero ng Diyos na nag-aalis
ng mga kasalanan ng sanlibutan,
ipagkaloob mo sa amin ang kapayapaan.
Awit sa Pakikinabang:
Transfiguration
Ricky Manalo
Verse 1:
Jesus, on the mountain peak,
stands alone in glory blazing.
Let us, if we dare to speak,
join the saints and angels praising.
Refrain 1:
Praise and glory, praise and glory,
praise and glory to our Lord!
Let us, if we dare to speak,
join the saints and angels praising.
Verse 2:
Trembling at his feet we saw
Moses and Elijah speaking.
All the prophets and the law
shout through them
their joyful greeting:
Refrain 2:
Praise and glory, praise and glory,
praise and glory to our Lord!
All the prophets and the law
shout through them
their joyful greeting.
Verse 3:
Swift the cloud of glory came,
God, proclaiming in its thunder,
Jesus as the Son by name!
Nations, cry aloud in wonder:
Refrain 3:
Praise and glory, praise and glory,
praise and glory to our Lord!
Jesus as the Son by name:
nations, cry aloud in wonder.
Verse 4:
Jesus is the chosen one,
living hope of ev’ry nation,
hear and heed him, ev’ryone;
sing, with earth and all creation:
Refrain 4:
Praise and glory, praise and glory,
praise and glory to our Lord!
Hear and heed him, ev’ryone;
sing with earth and all creation.
Pangwakas na Awitin:
Omitted
WAKAS
